વડોદરા વડોદરામાં યોજાયેલી વાઈબ્રન્ટ ગુજરાત રિજનલ કોન્ફરન્સ દરમિયાન સુરતના બિઝનેસ એક્સપો સંબંધિત એક અનોખી સિદ્ધિ સામે આવી છે. માત્ર 11 દિવસમાં 350 એક્ઝિબિટર્સના રજીસ્ટ્રેશન માટે ગિનીસ વર્લ્ડ રેકોર્ડ બનાવવામાં આવ્યો છે, જેના પ્રમાણપત્રનું વિતરણ મુખ્યમંત્રી ભૂપેન્દ્ર પટેલના હસ્તે iNDEXTbને કરવામાં આવ્યું હતું.

સુરતના એક્સપોએ બનાવ્યો ગિનીસ વર્લ્ડ રેકોર્ડ

મેળવેલી માહિતી મુજબ, સુરતમાં 2 મે 2026ના રોજ યોજાયેલા બિઝનેસ એક્સપો માટે માત્ર 11 દિવસના ટૂંકા સમયમાં 350 એક્ઝિબિટર્સનું સફળ રજીસ્ટ્રેશન કરવામાં આવ્યું હતું. આ અનોખી સિદ્ધિને ગિનીસ વર્લ્ડ રેકોર્ડમાં સ્થાન મળ્યું છે.

વડોદરામાં મુખ્યમંત્રીના હસ્તે પ્રમાણપત્ર સોંપાયું

વાઈબ્રન્ટ ગુજરાત રિજનલ કોન્ફરન્સ દરમિયાન મુખ્યમંત્રી ભૂપેન્દ્ર પટેલે આ સિદ્ધિ બદલ iNDEXTbને ગિનીસ વર્લ્ડ રેકોર્ડનું પ્રમાણપત્ર સોંપ્યું હતું. આ પ્રસંગે ઉદ્યોગ જગતના પ્રતિનિધિઓ અને અધિકારીઓ ઉપસ્થિત રહ્યા હતા.

K અને D કોમ્યુનિકેશન સાથે સહયોગ

આ રેકોર્ડ K and D Communication Limitedના સહયોગથી પ્રાપ્ત થયો છે. ઝડપી આયોજન અને સુચારૂ વ્યવસ્થાપનના કારણે ટૂંકા સમયમાં વિશાળ સંખ્યામાં એક્ઝિબિટર્સનું રજીસ્ટ્રેશન શક્ય બન્યું હતું.

ગુજરાતના ઉદ્યોગ વિકાસને મળશે પ્રોત્સાહન

આ સિદ્ધિને ગુજરાતના ઉદ્યોગ વિકાસ અને સ્ટાર્ટઅપ ઇકોસિસ્ટમ માટે મહત્વપૂર્ણ માનવામાં આવી રહી છે. રાજ્યમાં વેપાર અને રોકાણની તકોને વધુ મજબૂત બનાવવામાં આવા આયોજન મહત્વની ભૂમિકા ભજવશે.