Team Indiaને હરાવવા માટે વેસ્ટ ઈન્ડીઝના કોચે બનાવ્યો 'માસ્ટર પ્લાન', ચોથી T20 પહેલા આપ્યું મોટું નિવેદન

Team India: ભારત અને વેસ્ટ ઈન્ડિઝ વચ્ચે 5 મેચની T20 સિરીઝ ચાલી રહી છે. ભારતે અત્યાર સુધી શાનદાર પ્રદર્શન કર્યું છે અને સિરીઝમાં 2-1થી આગળ છે. ભારતે પહેલી અને ત્રીજી મેચ જીતી હતી, જ્યારે વેસ્ટ ઈન્ડિઝે બીજી મેચ જીતી હતી.

ચોથી મેચ હૈદરાબાદમાં રમાવવાની છે. વેસ્ટ ઈન્ડિઝનું ધ્યાન હવે ચોથી મેચ પર છે. પરંતુ તે પહેલાં વેસ્ટ ઈન્ડિઝના હેડ કોચ ડેરેન સેમીએ એક નિવેદન જાહેર કરીને ભારતને હરાવવાની યોજનાની રૂપરેખા આપી છે.

કોચે શું કહ્યું?

ચોથી T20 મેચ પહેલા ડેરેન સેમીએ પ્રેસ કોન્ફરન્સમાં હાજરી આપી હતી. તેમને કહ્યું કે "આપણે પાવર પ્લેમાં પાછળ છીએ. એટલા માટે આપણે સિરીઝમાં પાછળ છીએ. ભારતની જેમ આપણે આ સિરીઝમાં 2-1થી આગળ રહી શક્યા હોત. પાવર પ્લે પર નિયંત્રણ રાખવું અમારા માટે મહત્વપૂર્ણ છે. અમે અત્યાર સુધી રમાયેલી 3 મેચમાં વાપસી કરવા માટે સંઘર્ષ કર્યો છે. આ એક એવો ક્ષેત્ર છે જેમાં આપણે સુધારો કરવાની જરૂર છે."

તેમને કહ્યું કે ટીમ ઈન્ડિયાને ભારતમાં હરાવવા માટે તમારે બેટિંગ અને બોલિંગ બંને વિભાગમાં સારું પ્રદર્શન કરવાની જરૂર છે. જ્યારે તમને બેટિંગ માટે સારી પિચ મળે છે, ત્યારે તમને એવું લાગે છે કે તમે મેચમાં છો. 2 મોટી ઓવર તમને રમતમાં પાછા આવવામાં મદદ કરી શકે છે. અમે જોયું છે કે જો તમે તમારી યોજના પર વળગી રહો છો, તો તમે મેચમાં રહી શકો છો. આપણે બધા જાણીએ છીએ કે ભારતમાં 200 રન બનાવવા સામાન્ય છે. તેથી આપણે ભારતીય ટીમને 250 રન સુધી પહોંચતા અટકાવવાની જરૂર છે.

શાઈ હોપની પ્રશંસા કરી

શાઈ હોપે ભારત સામેની પહેલી અને બીજી મેચમાં શાનદાર પ્રદર્શન કર્યું. તેને પહેલી મેચમાં અડધી સદી ફટકારી હતી, જ્યારે રાંચીમાં રમાયેલી બીજી મેચમાં તેને અણનમ સદી ફટકારીને વેસ્ટ ઈન્ડિઝની જીતમાં મુખ્ય ભૂમિકા ભજવી હતી.

હવે ડેરેન સેમીએ પણ હોપની પ્રશંસા કરી છે. પરંતુ તેમને એમ પણ કહ્યું કે વેસ્ટ ઈન્ડિઝની બેટિંગ ફક્ત શાઈ હોપ પર નિર્ભર નથી. તેમને કહ્યું કે જ્યારે હોપ ક્રીઝ પર હોય છે, ત્યારે તે મિડલ ઓર્ડરમાં સ્થિરતા લાવે છે. તેને વધુમાં કહ્યું કે આપણા કેટલાક ખેલાડીઓએ દબાણ હેઠળ સારું પ્રદર્શન કરવાની જરૂર છે. પરંતુ મેચ જીતવાનું એકમાત્ર કારણ શાઈ હોપ ન હતો; ટીમના અન્ય બેટ્સમેને પણ નોંધપાત્ર યોગદાન આપ્યું હતું. તમને જણાવી દઈએ કે વેસ્ટ ઈન્ડિઝને ચોથી મેચમાં શાઈ હોપ સિવાય ઘણા સ્ટાર ખેલાડીઓ પાસેથી ઘણી આશાઓ છે.

આ પણ વાંચો: Ind Vs NZ: ન્યૂઝીલેન્ડ પ્રવાસ માટે ભારતની વનડે અને ટેસ્ટ ટીમની જાહેરાત, 3 ખેલાડીઓના કારણે થયો વિલંબ!