Ind Vs NZ: ન્યૂઝીલેન્ડ પ્રવાસ માટે ભારતની વનડે અને ટેસ્ટ ટીમની જાહેરાત, 3 ખેલાડીઓના કારણે થયો વિલંબ!

Ind Vs NZ: ભારતનો ન્યૂઝીલેન્ડ પ્રવાસ 22 ઓક્ટોબરથી શરૂ થવાનો છે. બંને દેશો પહેલા T20I સિરીઝ રમશે, જેના માટે ટીમ ઈન્ડિયાની જાહેરાત કરવામાં આવી છે. ત્યારબાદ ભારત અને ન્યુઝીલેન્ડ વચ્ચે ODI અને ટેસ્ટ સિરીઝ રમાશે. આ સિરીઝ માટે ટીમ ઈન્ડિયાની ટીમ હજુ સુધી જાહેર કરવામાં આવી નથી.

એવું કહેવામાં આવ્યું હતું કે આ અઠવાડિયે સિલેક્ટર્સની બેઠક યોજાશે અને ટીમની જાહેરાત કરવામાં આવશે. પરંતુ હવે અહેવાલો સામે આવી રહ્યા છે કે ટીમ ઈન્ડિયાની પસંદગીમાં વિલંબ થશે.

વનડે અને ટેસ્ટ ટીમોની જાહેરાતમાં વિલંબ થશે

મીડિયા રિપોર્ટ મુજબ સિલેક્શન કમિટિ ODI અને ટેસ્ટ ટીમની જાહેરાત શક્ય તેટલી મોડી કરવા માગે છે. સિલેક્ટર્સે પ્રસિદ્ધ કૃષ્ણા, હર્ષિત રાણા અને રિષભ પંતના ફિટનેસ રિપોર્ટની રાહ જોઈ રહ્યા છે. હર્ષિત રાણા ODI ટીમનો મુખ્ય ભાગ છે અને રિષભ પંત ટેસ્ટ ટીમનો મુખ્ય ભાગ છે, જ્યારે પ્રસિદ્ધ કૃષ્ણા બંને ફોર્મેટમાં ટીમ ઈન્ડિયાનો સતત સભ્ય રહ્યો છે.

મીડિયા રિપોર્ટ મુજબ જ્યારે પ્રસિદ્ધ કૃષ્ણા BCCI CoE પાસે રિહેબ માટે ગયો હતો, ત્યારે તેને સ્વસ્થ થવા માટે ત્રણ અઠવાડિયાનો સમય આપવામાં આવ્યો હતો. ફાસ્ટ બોલર હર્ષિત રાણા જુલાઈથી CoEમાં છે અને 25 ઓક્ટોબરે પ્રેક્ટિસ મેચ રમશે. ટીમ ઈન્ડિયા 28 ઓક્ટોબરે ODI અને ટેસ્ટ ટીમો સાથે રવાના થશે, 4 નવેમ્બરથી ODI સિરીઝ શરૂ થશે.

BCCIએ થોડા દિવસો પહેલા જાહેરાત કરી હતી કે રિષભ પંત ઈજાગ્રસ્ત છે અને ન્યુઝીલેન્ડ પ્રવાસ પર ઈન્ડિયા Aની પહેલી 2 મેચ રમશે નહીં. ન્યુઝીલેન્ડ પ્રવાસ માટે આ 3 ખેલાડીઓની ફિટનેસ અને ઉપલબ્ધતા અંગે માહિતી ઉપલબ્ધ થયા પછી, સિલેક્શન કમિટી બેઠક કરશે અને ટીમ ઈન્ડિયાની જાહેરાત કરશે.

ન્યૂઝીલેન્ડ પ્રવાસ માટે ટીમ ઈન્ડિયાનો કાર્યક્રમ

T20I સિરીઝ

પહેલી T20I: 22 ઓક્ટોબર, 2026 – ભારત વિ ન્યુઝીલેન્ડ (હેગલી ઓવલ, ક્રાઈસ્ટચર્ચ)

બીજી T20I: 24 ઓક્ટોબર, 2026 – ભારત વિ ન્યુઝીલેન્ડ (હેગલી ઓવલ, ક્રાઈસ્ટચર્ચ)

ત્રીજી T20I: 27 ઓક્ટોબર, 2026 – ભારત વિ ન્યુઝીલેન્ડ (સ્કાય સ્ટેડિયમ, વેલિંગ્ટન)

ચોથી T20I: 30 ઓક્ટોબર, 2026 – ભારત વિ ન્યુઝીલેન્ડ (ઈડન પાર્ક, ઓકલેન્ડ)

પાંચમી T20I: 1 નવેમ્બર, 2026 – ભારત વિ ન્યુઝીલેન્ડ (સેડન પાર્ક, હેમિલ્ટન)

વનડે સિરીઝ

પહેલી ODI: 4 નવેમ્બર, 2026 – ભારત વિ ન્યુઝીલેન્ડ (ઈડન પાર્ક, ઓકલેન્ડ)

બીજી ODI: 7 નવેમ્બર, 2026 – ભારત વિ ન્યુઝીલેન્ડ (સ્કાય સ્ટેડિયમ, વેલિંગ્ટન)

ત્રીજી ODI: 10 નવેમ્બર, 2026 – ભારત વિ ન્યુઝીલેન્ડ (સેડન પાર્ક, હેમિલ્ટન)

4થી ODI: 13 નવેમ્બર, 2026 – ભારત વિ ન્યુઝીલેન્ડ (બે ઓવલ, માઉન્ટ મૌંગાનુઈ)

5મી ODI: 15 નવેમ્બર, 2026 – ભારત વિ ન્યુઝીલેન્ડ (બે ઓવલ, માઉન્ટ મૌંગાનુઈ)

ટેસ્ટ સિરીઝ

પહેલી ટેસ્ટ: 19-23 નવેમ્બર, 2026 – ભારત વિ ન્યુઝીલેન્ડ (બેસિન રિઝર્વ, વેલિંગ્ટન)

બીજી ટેસ્ટ: 27 નવેમ્બર- 1 ડિસેમ્બર, 2026– ભારત વિ ન્યુઝીલેન્ડ (હેગલી ઓવલ, ક્રાઈસ્ટચર્ચ)

આ પણ વાંચો: Abhishek Sharmaની સૂર્યકુમાર યાદવના રેકોર્ડ પર નજર, ન્યુઝીલેન્ડ પ્રવાસ પર રચશે ઈતિહાસ