Shubman Gillએ વનડેમાં ફટકારી 10મી સદી, તિરુવનંતપુરમમાં મચાવી ધૂમ

Shubman Gill: રવિવારે તિરુવનંતપુરમમાં ભારત અને વેસ્ટ ઈન્ડિઝ વચ્ચે રમાયેલી પ્રથમ વનડે મેચમાં શુભમન ગિલે શાનદાર બેટિંગ કરી અને સદી ફટકારી. તેને કેપ્ટનશીપમાં ઈનિંગ રમી અને ક્રિકેટના કિંગ વિરાટ કોહલી સામે સદી ફટકારી. આ ગિલની 10મી વનડે સદી છે. આ સદી સાથે ઈન્ટરનેશનલ ક્રિકેટમાં તેની સદીનો કુલ સ્કોર હવે 22 પર પહોંચી ગયો છે. શુભમન ગિલે માત્ર 27 વર્ષની ઉંમરે આ નોંધપાત્ર સિદ્ધિ મેળવી.

શુભમન ગિલે વિરાટ કોહલીની સામે સદી ફટકારી

મેચમાં ટીમ ઈન્ડિયાએ ટોસ જીતીને પ્રથમ બોલિંગ કરવાનો નિર્ણય લીધો. પ્રથમ બેટિંગ કરતા મહેમાન ટીમે નિર્ધારિત 50 ઓવરમાં 7 વિકેટ ગુમાવીને ફક્ત 295 રન બનાવ્યા. 296 રનના ટાર્ગેટનો પીછો કરતા ભારતીય ટીમની શરૂઆત સારી રહી, પરંતુ રોહિત શર્મા ફક્ત 32 રન બનાવીને આઉટ થઈ ગયો. તેના પછી શુભમન ગિલ અને વિરાટ કોહલીએ પાર્ટનરશીપ કરી અને ભારતને મજબૂત સ્થિતિમાં પહોંચાડ્યું. આ મેચમાં શુભમન ગિલે ફક્ત 96 ​​બોલમાં સદી ફટકારી. તેની ઈનિંગ દરમિયાન તેને કુલ 13 ચોગ્ગા અને 1 સિક્સ ફટકારીને 110 રન બનાવ્યા.

2026માં શુભમન ગિલનું શાનદાર પ્રદર્શન

શુભમન ગિલનું 2026માં એક મજબૂત ODI કરિયર રહ્યું છે. તેને આ વર્ષે 9 ODI રમી છે, જેમાંથી ફક્ત 2 જ મેચમાં તેને 50 થી વધુ રન બનાવ્યા નથી. ગિલે આ 9 મેચમાં 5 અડધી સદી અને 2 સદી ફટકારી છે.

https://twitter.com/BCCI/status/2104225362486182041

શુભમન ગિલના કરિયરમાં કુલ સદી

શુભમન ગિલના કરિયરમાં કુલ સદીઓમાં ટેસ્ટ ક્રિકેટમાં 11 સદીઓનો સમાવેશ થાય છે . તેની વનડે સદી હવે 10 થઈ ગઈ છે. ભલે તે T20 ઈન્ટરનેશનલ ક્રિકેટમાં ભારતીય ટીમનો ભાગ નથી, પણ તેને તે ફોર્મેટમાં એક સદી પણ ફટકારી છે. ગિલ ભારતની વનડે અને ટેસ્ટ ટીમોનો કેપ્ટન છે. તે ત્રણેય ફોર્મેટમાં રમવા માટે સક્ષમ દેખાય છે.

મેચની વાત કરીએ તો ભારત એક મજબૂત સ્થિતિમાં પહોંચી ગયું છે. ટીમ ઈન્ડિયા જીત તરફ આગળ વધી ગઈ છે. 2027 વર્લ્ડકપની તૈયારી માટે આ સિરીઝ ભારત માટે મહત્વપૂર્ણ છે. વિરાટ કોહલીને સતત પ્રશ્નોનો સામનો કરવો પડ્યો છે, જેના જવાબ તેને આપ્યા છે.

આ પણ વાંચો: Virat Kohliએ રચ્યો ઈતિહાસ, સચિન તેંડુલકરનો રેકોર્ડ તોડીને સૌથી ઝડપી 15,000 ODI રન બનાવનાર ખેલાડી બન્યો