Asian Games 2026માં ભારતની ગોલ્ડન સફર, નીરૂ ધાંડા-કાયનાન ચેનાઈએ ટ્રેપ મિક્સ્ડ ટીમમાં જીત્યું ગોલ્ડ
Asian Games 2026
Asian Games 2026માં ભારતની ગોલ્ડન સફર, નીરૂ ધાંડા-કાયનાન ચેનાઈએ ટ્રેપ મિક્સ્ડ ટીમમાં જીત્યું ગોલ્ડ
Asian Games 2026
Asian Games 2026: એશિયન ગેમ્સ 2026માં 30 સપ્ટેમ્બરનો દિવસ ભારત માટે શાનદાર સાબિત થઈ રહ્યો છે. આર્ચરી બાદ હવે શૂટિંગમાં પણ ભારતના ખાતામાં ગોલ્ડ મેડલ આવ્યો છે. નીરૂ ધાંડા અને કાયનાન ચેનાઈની જોડીએ ટ્રેપ મિક્સ્ડ ટીમ ઇવેન્ટમાં ગોલ્ડ મેડલ જીતીને ભારતનું નામ રોશન કર્યું છે. આ સાથે એશિયન ગેમ્સ 2026માં ભારતના ગોલ્ડ મેડલની સંખ્યા 9 થઈ ગઈ છે.
ફાઇનલમાં શાનદાર વાપસી
ભારતીય જોડી ફાઇનલમાં ચોથા સ્થાન સાથે ક્વોલિફાય થઈ હતી. ફાઇનલની શરૂઆતમાં પ્રથમ 10 શોટ દરમિયાન નીરૂ અને કાયનાનનું પ્રદર્શન અપેક્ષા મુજબ રહ્યું નહોતું. જોકે ત્યારબાદ બંને ખેલાડીઓએ શાનદાર વાપસી કરી હતી. શોટમાંથી ભારતીય જોડીએ 34 શોટ પર નિશાન સાધીને ગોલ્ડ મેડલ પોતાના નામે કર્યો હતો. આ સાથે 34ના સ્કોર સાથે ભારતીય જોડીએ એશિયન રેકોર્ડની પણ બરાબરી કરી હોવાનું અહેવાલમાં જણાવાયું છે.
નીરૂ ધાંડાનું બીજું એશિયન ગેમ્સ ગોલ્ડ
આ ગોલ્ડ મેડલ નીરૂ ધાંડા માટે પણ ખાસ છે. એશિયન ગેમ્સમાં આ તેમનું બીજું ગોલ્ડ મેડલ છે, જ્યારે આ સ્પર્ધામાં તેમનો કુલ ત્રીજો મેડલ છે.
ભારતના કુલ 57 મેડલ
નીરૂ ધાંડા અને કાયનાન ચેનાઈના ગોલ્ડ સાથે ભારતના ખાતામાં હવે 9 ગોલ્ડ સહિત કુલ 57 મેડલ થઈ ગયા છે. અહેવાલ મુજબ મેડલ ટેલીમાં ભારત હાલમાં 8મા સ્થાન પર છે. 30 સપ્ટેમ્બરે ભારતને આર્ચરી અને શૂટિંગ સહિત વિવિધ ઇવેન્ટમાં સતત મેડલ મળતાં ભારતીય ખેલાડીઓનું શાનદાર પ્રદર્શન યથાવત રહ્યું છે.
