Virender Sehwagના પુત્ર આર્યવીરને મળી કેપ્ટનશીપ, 18 વર્ષની ઉંમરે સંભાળશે ટીમની કમાન

Virender Sehwag: વિરેન્દ્ર સેહવાગના 18 વર્ષના પુત્ર આર્યવીર સેહવાગને પહેલીવાર મોટી જવાબદારી સોંપવામાં આવી છે. તેને વિનુ માંકડ ટ્રોફી માટે દિલ્હી અંડર-19 ક્રિકેટ ટીમનો કેપ્ટન બનાવવામાં આવ્યો છે. દિલ્હી ક્રિકેટ બોર્ડ (DDCA) એ 8 ઓક્ટોબરથી વિશાખાપટ્ટનમમાં શરૂ થનારી આ ટુર્નામેન્ટ માટે 16 ખેલાડીઓની ટીમની જાહેરાત કરી છે.

આર્યવીર તાજેતરમાં ભારતની અંડર-19 ટીમ માટે પોતાની પહેલી મેચ રમ્યો હતો. ગયા મહિને રાજકોટમાં ઓસ્ટ્રેલિયા સામેની ODI સિરીઝમાં તે ભારતીય ટીમનો ભાગ હતો. પોતાની ડેબ્યૂ મેચમાં તેને 26 બોલમાં 28 રન બનાવ્યા , જેના કારણે ભારતે વરસાદથી પ્રભાવિત રોમાંચક મેચમાં ઓસ્ટ્રેલિયાને 7 રનથી હરાવ્યું.

ઓસ્ટ્રેલિયા સામેની બીજી વનડેમાં આર્યવીરે 47 રન બનાવ્યા

બીજી વનડેમાં તેને સિરીઝનું બેસ્ટ પ્રદર્શન કર્યું. આર્યવીરે બુદ્ધિપૂર્વક બેટિંગ કરી, 47 રન બનાવ્યા અને શરૂઆતમાં ટીમ માટે કેટલીક સારી પાર્ટનરશીપ કરી. તે રન આઉટ થયો, ફક્ત 3 રનથી અડધી સદી ચૂકી ગયો. ત્રીજી મેચમાં પણ તેને સારી શરૂઆત કરી હતી, પરંતુ 34 રન બનાવીને આઉટ થયો. આ સાથે 3 મેચની સિરીઝમાં તેના કુલ રન 109 થયા.

આર્યવીરે DPL 2026 માં 2 મેચ રમી

ભારતીય અંડર-19 ટીમમાં સિલેક્ટ થવું એ આર્યવીર માટે એક મહત્વપૂર્ણ સિદ્ધિ હતી, કારણ કે તેની પાસે ઉચ્ચ લેવલનો અગાઉનો અનુભવ ન હતો. તેને 2026 દિલ્હી પ્રીમિયર લીગમાં વેસ્ટ દિલ્હી લાયન્સ માટે ફક્ત 2 મેચ રમી હતી, જેમાં તેને 24 રન બનાવ્યા હતા. પરંતુ તે પહેલી વાર 2024માં જુનિયર લેવલે રમતી વખતે પ્રખ્યાત થયો હતો, જેમાં તેને મેઘાલય સામે દિલ્હી માટે 1 જ મેચમાં 297 રન બનાવ્યા હતા.

આપણે સારી શરૂઆતને મોટી ઈનિંગમાં રૂપાંતરિત કરવાનું શીખવું પડશે: આર્યવીર સેહવાગ

આર્યવીર માને છે કે તેને સારી શરૂઆતને મોટા સ્કોરમાં રૂપાંતરિત કરવાનું શીખવાની જરૂર છે. ઓસ્ટ્રેલિયા સિરીઝ પછી તેને કહ્યું કે તે મળેલી તકોને મોટા સ્કોરમાં રૂપાંતરિત કરી શક્યો નહીં. તેને એમ પણ કહ્યું કે સિરીઝએ તેને પોતાની ઈનિંગ કેવી રીતે તોડીને લાંબી રમવી તે શીખવ્યું.

દિલ્હી ટીમની કેપ્ટનશીપ સાથે તેની પાસે પોતાની રમતમાં વધુ સુધારો કરવાની એક મોટી તક છે. અર્ણવ બુગ્ગાને 16 સભ્યોની દિલ્હી ટીમનો વાઈસ-કેપ્ટન બનાવવામાં આવ્યો છે. ટીમ 8 ઓક્ટોબરે વિશાખાપટ્ટનમમાં વિનુ માંકડ ટ્રોફીમાં તેના અભિયાનની શરૂઆત કરશે, જ્યાં નવા કેપ્ટન આર્યવીર ઘરેલુ ક્રિકેટમાં છાપ છોડવા માટે ભારતની અંડર-19 ટીમ સાથેના પોતાના તાજેતરના અનુભવનો લાભ લેવાનો પ્રયાસ કરશે.

વિનુ માંકડ ટ્રોફી માટે દિલ્હી ટીમ

આર્યવીર સેહવાગ (કેપ્ટન), તન્મય ચૌધરી, અર્ણવ બગ્ગા (વાઈસ-કેપ્ટન), ધન્યા નાકરા, ઉદય ચાવલા, ગર્વ કુમાર, અભિરાજ ગગન સિંહ (વિકેટકીપર), તરુણ સિંહ (વિકેટકીપર), આર્યન શર્મા, ઓજસદીપ સિંહ, કિરીટ કૌશિક, વરુણ વંજાણી, રુદ્ર દેવ યાદવ, પ્રદ્યુમ્ન સનન, પાર્થ રાજ, શાંતનુ યાદવ.

આ પણ વાંચો: Shubman Gillએ બાબર આઝમને છોડ્યો પાછળ, આ મામલે નંબર-1 બેટ્સમેન બન્યો