Abhishek Sharmaની સૂર્યકુમાર યાદવના રેકોર્ડ પર નજર, ન્યુઝીલેન્ડ પ્રવાસ પર રચશે ઈતિહાસ

Abhishek Sharma: અભિષેક શર્માનું બેટ આજકાલ જોરથી બોલી રહ્યું છે. T20I મેચમાં ઝડપથી રન બનાવવાની સાથે તે સતત નવા રેકોર્ડ પણ તોડી રહ્યો છે. તાજેતરમાં તેને T20I ક્રિકેટમાં સૌથી ઝડપી 2000 રન પૂરા કરવાનો રેકોર્ડ બનાવ્યો.

આ રેકોર્ડ અગાઉ સૂર્યકુમાર યાદવના નામે હતો. હવે આ વિસ્ફોટક ઓપનિંગ બેટ્સમેનની નજર સૂર્યકુમાર યાદવના બીજા મોટા રેકોર્ડ પર છે. અભિષેક પાસે એક કેલેન્ડર વર્ષમાં T20I મેચમાં સૌથી વધુ 50 કે તેથી વધુ રન બનાવનાર ભારતીય બેટ્સમેન બનવાની તક છે.

ભારતની નજર સિરીઝ જીત પર

ભારત અને વેસ્ટ ઈન્ડિઝ વચ્ચે ચાલી રહેલી T20I સિરીઝમાં ભારતીય ટીમ હાલમાં 2-1થી આગળ છે. બંને ટીમો વચ્ચે ચોથી T20I મેચ હૈદરાબાદના રાજીવ ગાંધી ઈન્ટરનેશનલ સ્ટેડિયમમાં રમાશે. આ મેચમાં અડધી સદી ફટકારવાથી અભિષેક સૂર્યકુમાર યાદવના રેકોર્ડની નજીક પહોંચી જશે. વધુમાં સિરીઝની પાંચમી અને અંતિમ T20I મેચમાં અડધી સદી ફટકારીને ભારતીય ઓપનર સૂર્યકુમાર યાદવના રેકોર્ડની બરાબરી કરશે.

પરંતુ તેને એક કેલેન્ડર વર્ષમાં સૌથી વધુ 50 થી વધુ સ્કોર કરવાના સૂર્યકુમાર યાદવના રેકોર્ડને તોડવા માટે થોડી રાહ જોવી પડી શકે છે. તે ન્યૂઝીલેન્ડ પ્રવાસ દરમિયાન T20I સિરીઝમાં આ સિદ્ધિ મેળવી શકે છે. ભારતીય ટીમ 22 ઓક્ટોબરે T20I સિરીઝ સાથે ન્યૂઝીલેન્ડના પ્રવાસની શરૂઆત કરશે.

અભિષેકની નજર સૂર્યકુમાર યાદવના રેકોર્ડ પર છે

સૂર્યકુમાર યાદવ હાલમાં T20I મેચોમાં એક કેલેન્ડર વર્ષમાં સૌથી વધુ 50 કે તેથી વધુ રન બનાવવાનો રેકોર્ડ ધરાવે છે. તેને 2022 માં 11 વખત આ સિદ્ધિ હાંસલ કરી હતી. અભિષેક શર્માએ 2026 માં 9 વખત 50+ સ્કોર બનાવ્યા છે. તેથી અભિષેકને સૂર્યાથી આગળ નીકળવા માટે ફક્ત 3 વધુ અડધી સદીની જરૂર છે.

T20Iમાં એક કેલેન્ડર વર્ષમાં ભારતીય દ્વારા સૌથી વધુ 50+ સ્કોર

સૂર્યકુમાર યાદવ - 11 વખત (2022)

અભિષેક શર્મા - 9 વખત (2026)

વિરાટ કોહલી - 9 વખત (2022)

અભિષેક શર્મા માત્ર અડધી સદી જ નહીં, પણ સિક્સની દ્રષ્ટિએ પણ સૂર્યકુમાર યાદવને પડકાર આપી રહ્યો છે. તેને 2026 માં અત્યાર સુધીમાં T20I મેચમાં 68 છગ્ગા ફટકાર્યા છે. આનાથી તે એક કેલેન્ડર વર્ષમાં T20I મેચમાં ભારત માટે સૌથી વધુ છગ્ગા ફટકારવાના મામલે સૂર્યકુમાર યાદવની બરાબરી કરી લેશે. હવે ચોથી T20I મેચમાં છગ્ગા સાથે, અભિષેક T20I ક્રિકેટમાં એક વર્ષમાં સૌથી વધુ છગ્ગા મારનાર ભારતીય બેટ્સમેન બની જશે.

આ પણ વાંચો: Yuvraj Singh: યુવરાજ સિંહ દિલ્હી કેપિટલ્સનો બન્યો બેટિંગ કોચ, પ્રથમ વખત કોચિંગની સંભાળશે જવાબદારી