Abhishek Sharma 79 રન સાથે રચશે ઈતિહાસ, T20Iમાં આ સિદ્ધિ હાંસલ કરનાર માત્ર આઠમો ખેલાડી બનશે

Abhishek Sharma: ભારતીય ઓપનિંગ બેટ્સમેન અભિષેક શર્મા શાનદાર ફોર્મમાં છે. તેને વેસ્ટ ઈન્ડીઝ સામે ચાલી રહેલી T20I સિરીઝમાં 100 થી વધુ રન બનાવ્યા છે. ટીમ ઈન્ડિયા હવે 14 ઓક્ટોબરે હૈદરાબાદના રાજીવ ગાંધી ઈન્ટરનેશનલ સ્ટેડિયમ ખાતે વેસ્ટ ઈન્ડીઝનો સામનો કરશે, જ્યાં અભિષેક મોટી ઈનિંગ રમવાનો પ્રયાસ કરશે. આ સ્ટાર ઓપનર માટે ઈતિહાસ રચવાની તક હશે.

અભિષેક 1000 રનની નજીક

હકીકતમાં અભિષેક શર્માનું બેટ 2026માં સ્ટાર બનવા માટે તૈયાર છે. જો અભિષેક ચોથી T20I મેચમાં 79 રન બનાવવામાં સફળ થાય છે, તો તે 2026 માં T20I ક્રિકેટમાં 1,000 રન પૂરા કરશે. આનાથી તે 2026 માં T20I ક્રિકેટમાં 1,000 રનનો આંકડો પાર કરનાર બીજો ભારતીય બેટ્સમેન બનશે. આ પહેલા ઈશાન કિશન આ સિદ્ધિ મેળવી ચૂક્યો હતો.

હાલમાં અભિષેકે આ વર્ષે 32 T20I મેચમાં 921 રન બનાવ્યા છે. આ સમયગાળા દરમિયાન તેની એવરેજ 29.70 છે. તેનો સ્ટ્રાઈક રેટ 200 થી વધુ છે. તેને 8 અડધી સદી અને 1 સદી પણ ફટકારી છે. અભિષેકે તેની T20I કરિયરમાં પહેલીવાર આ મોટી સિદ્ધિ હાંસલ કરી છે. તમને જણાવી દઈએ કે સૂર્યકુમાર યાદવ ભારત તરફથી T20I ક્રિકેટમાં એક કેલેન્ડર વર્ષમાં 1000 રન બનાવનાર પ્રથમ બેટ્સમેન છે. તેને 2022માં પહેલીવાર આ સિદ્ધિ હાંસલ કરી હતી. આ પછી ઈશાન કિશને 2026 માં આ સિદ્ધિ હાંસલ કરી હતી. હવે અભિષેક શર્મા આ ખાસ ક્લબમાં સ્થાન મેળવવાની ખૂબ નજીક છે.

T20I ક્રિકેટમાં એક કેલેન્ડર વર્ષમાં સૌથી વધુ રન બનાવનાર ભારતીય બેટ્સમેન

સૂર્યકુમાર યાદવ – 1164 (2022)

ઈશાન કિશન – 1122*(2026)

અભિષેક શર્મા - 921 (2026)

અભિષેક શર્મા - 859 (2025)

વિરાટ કોહલી - 781 (2022)

તમને જણાવી દઈએ કે T20I ક્રિકેટમાં એક કેલેન્ડર વર્ષમાં સૌથી વધુ રન બનાવવાનો વર્લ્ડ રેકોર્ડ ઓસ્ટ્રિયન સ્ટાર કરણબીર સિંહના નામે છે. ગયા વર્ષે, 2025 માં કરણબીરે 32 T20I મેચોમાં 51.31 ની એવરેજથી 1,400 થી વધુ રન બનાવ્યા હતા. કરણબીરનો પ્રભાવશાળી રેકોર્ડ હવે જોખમમાં છે. ઈશાન કિશન આ વર્ષે ઓસ્ટ્રિયન બેટ્સમેનનો વર્લ્ડ રેકોર્ડ તોડી શકે છે.

T20I ક્રિકેટમાં એક કેલેન્ડર વર્ષમાં સૌથી વધુ રન બનાવનારા બેટ્સમેન

કરણબીર સિંહ - 1488 (2025)

મોહમ્મદ રિઝવાન - 1326 (2021)

ફૈઝ અહેમદ - 1251 (2025)

સૂર્યકુમાર યાદવ – 1164 (2022)

ઈશાન કિશન – 1122 (2026)

પ્રશાંત કુરૂપ - 1037 (2025)

બિલાલ જલમાઈ - 1008 (2025)

આ પણ વાંચો: Suryakumar Yadav શાહરૂખ ખાનનો પાડોશી બન્યો, દુબઈમાં ખરીદ્યું આલીશાન ઘર