S Jaishankar: વિદેશ મંત્રી એસ જયશંકર અને વિસેગ્રાડ-4 દેશોની બેઠક, ભારતને ઉભરતી મહાસત્તા ગણાવી

S Jaishankar: વિદેશ મંત્રી એસ. જયશંકર અને મધ્ય યુરોપના વિસેગ્રાડ 4 (V4) દેશોના નેતાઓને પ્રથમ વખત મળ્યા. તેને એક ઐતિહાસિક તક તરીકે વર્ણવવામાં આવી હતી, જે આ દેશો સાથે ભારતના સંબંધોને વધુ આગળ વધારવાની અપેક્ષા રાખે છે.

બેઠકનું આયોજન કરનારા સ્લોવાકિયાના વિદેશ મંત્રી જુરાજ બ્લાનરે ભારતને "ઉભરતી મહાસત્તા" ગણાવી. V4 દેશો તરફથી બોલતા તેમને કહ્યું કે તેઓ સંયુક્ત રાષ્ટ્ર સુરક્ષા પરિષદ (UNSC) માં ભારતના કાયમી સભ્યપદને સમર્થન આપે છે.

ભારતના આ ચાર દેશ સાથે ઘણા દાયકાઓથી ગાઢ સંબંધો

વિસેગ્રાડ 4 માં સ્લોવાકિયા, હંગેરી, પોલેન્ડ અને ચેક રિપબ્લિક (ચેકિયા)નો સમાવેશ થાય છે. ભારતના આ ચાર દેશ સાથે ઘણા દાયકાઓથી વ્યક્તિગત રીતે ગાઢ સંબંધો રહ્યા છે.

જુરાજ બ્લાનરે મીડિયાને જણાવ્યું કે "અમે ચારેય સંમત છીએ કે ભારત, ગ્લોબલ સાઉથનો એક ભાગ અને ઈન્ડો-પેસિફિક ક્ષેત્રમાં ઉભરતી મહાસત્તાને યુએન સુરક્ષા પરિષદમાં કાયમી બેઠક માટે ધ્યાનમાં લેવું જોઈએ."

ભારત અને V4 દેશો પહેલાથી જ આ ક્ષેત્રોમાં સાથે કામ કરી ચૂક્યા

બેઠકના પરિણામ અંગે એસ જયશંકરે કહ્યું કે "અમે સંમત થયા છીએ કે યુરોપિયન યુનિયન સાથે ભારતના સંબંધો મજબૂત થતાં અમે V4 દેશો સાથે પણ ચોક્કસ પહેલ કરીશું, જેમાં વાર્ષિક વ્યાપાર મંચ યોજવાનો સમાવેશ થાય છે."

એસ જયશંકરે કહ્યું કે ચારેય દેશના વિદેશ પ્રધાનો પણ વાર્ષિક ધોરણે મળવા સંમત થયા છે. બંને પક્ષો ટેકનોલોજી અને સંરક્ષણમાં સહયોગ વધારવા માગે છે. ભારત અને V4 દેશો પહેલાથી જ આ ક્ષેત્રોમાં સાથે કામ કરી ચૂક્યા છે. એસ જયશંકરે કહ્યું કે ટેકનોલોજી અને ઈનોવેશનમાં વધુ સહયોગ માટેની શક્યતાઓ શોધવામાં આવશે.

અવકાશ ક્ષેત્રમાં સહયોગ વધારવા પર પણ ચર્ચા

તેમણે કહ્યું કે સંરક્ષણ ક્ષેત્રમાં તમામ V4 દેશો સાથે અમારો ખૂબ જ મજબૂત ઈતિહાસ છે. અમે આ લાંબા સમયથી ચાલતા સહયોગને નવીકરણ અને આગળ વધારવા માગીએ છીએ.

V4 દેશો સાથે સહયોગની સંભાવના અંગે એસ જયશંકરે કહ્યું કે આ મજબૂત ઔદ્યોગિક અર્થતંત્રો છે અને ઈનોવેશન અને ટેકનોલોજીના ક્ષેત્રોમાં ઉત્તમ પ્રતિભા ધરાવે છે. તેમને કહ્યું કે અવકાશ ક્ષેત્રમાં સહયોગ વધારવા પર પણ ચર્ચા કરવામાં આવી હતી.

શરૂઆતમાં જૂથમાં 3 સભ્યો હતા

એસ જયશંકર સાથેની V4 બેઠકમાં હંગેરીના નાયબ વડાપ્રધાન અનિતા ઓર્બન, પોલેન્ડના નાયબ વડાપ્રધાન રાડેક સિકોર્સ્કી અને ચેક રિપબ્લિકના નાયબ વડા પ્રધાન પેટ્ર માકિંકાએ પોતપોતાના દેશોનું પ્રતિનિધિત્વ કર્યું હતું. તેઓ વિદેશ બાબતોની પણ જવાબદારી સંભાળે છે.

આ જૂથનું નામ હંગેરિયન શહેર વિસેગ્રાડ પરથી રાખવામાં આવ્યું છે. આ દેશોના નેતાઓ પહેલી વાર 1991માં અહીં મળ્યા હતા, તે સમય જ્યારે આ દેશો સોવિયેત યુનિયનના પ્રભાવમાંથી બહાર આવી રહ્યા હતા અને સોવિયેત યુનિયનનું વિઘટન થઈ રહ્યું હતું.

શરૂઆતમાં જૂથમાં 3 સભ્યો હતા. બાદમાં ચેકોસ્લોવાકિયાના ચેક રિપબ્લિક અને સ્લોવાકિયામાં વિભાજન થયા પછી સભ્યોની સંખ્યા વધીને 4 થઈ ગઈ. એસ જયશંકરના પ્રારંભિક રાજદ્વારી પોસ્ટિંગમાંથી એક હંગેરીમાં હતું. તેમને અનિતા ઓર્બન સાથે એક અલગ બેઠક પણ યોજી હતી.

https://twitter.com/DrSJaishankar/status/2102099037042221501

એસ જયશંકરે સ્લોવાકિયાના વિદેશ પ્રધાન જુરાજ બ્લાનર સાથે બેઠક

બેઠક બાદ એસ જયશંકરે X પોસ્ટમાં લખ્યું છે કે "અમે અમારા સંબંધોને વધુ મજબૂત બનાવવા અને ભારત-EU વ્યૂહાત્મક ભાગીદારીને આગળ વધારવા માટે સાથે મળીને કામ કરવાનું નક્કી કર્યું છે." એસ જયશંકરે સ્લોવાકિયાના વિદેશ પ્રધાન જુરાજ બ્લાનર સાથે પણ એક અલગ બેઠક યોજી હતી.

તેમને કહ્યું, "અમારા દ્વિપક્ષીય એજન્ડાની ચર્ચા કરવા સિવાય અમે બહુપક્ષીય સ્તરે અમારા સહયોગને વધુ મજબૂત બનાવવાની રીતો પર પણ ચર્ચા કરી."

આ પણ વાંચો: Canada : ફ્લાઈટ ટ્રેનિંગ દરમિયાન મોટી વિમાન દુર્ઘટના, 2 ભારતીય વિદ્યાર્થીઓના મોત