Surat Breaking: લક્ઝરી બસો સામે RTOનો સપાટો, 55 બસને ચલણ; 5 બસ ડિટેઇન
Surat Breaking
Surat Breaking: લક્ઝરી બસો સામે RTOનો સપાટો, 55 બસને ચલણ; 5 બસ ડિટેઇન
Surat Breaking
Surat Breaking: રાત્રિના સમયે દોડતી લક્ઝરી બસો સામે સુરત RTO દ્વારા મોટી કાર્યવાહી હાથ ધરવામાં આવી છે. બાકી રહેલા ટેક્સ અને RTOના નિયમોની અવગણના જેવા મુદ્દાઓને લઈને તંત્ર દ્વારા લક્ઝરી બસ સંચાલકો સામે સ્પેશિયલ ડ્રાઇવ શરૂ કરવામાં આવી છે. સુરત સહિત સમગ્ર જિલ્લામાં ચાલતી લક્ઝરી બસોની તપાસ દરમિયાન નિયમોનું ઉલ્લંઘન સામે આવતા કાર્યવાહી કરવામાં આવી છે.
55 લક્ઝરી બસ સામે ચલણ
RTOની સ્પેશિયલ ડ્રાઇવ દરમિયાન સુરત સહિત જિલ્લાના વિવિધ વિસ્તારોમાં લક્ઝરી બસોનું ચેકિંગ કરવામાં આવ્યું હતું. તપાસ દરમિયાન નિયમોના ભંગ અને અન્ય ખામીઓ સામે આવતા 55 લક્ઝરી બસને ચલણ ઈશ્યૂ કરવામાં આવ્યા છે.
5 બસ RTO દ્વારા ડિટેઇન
ચેકિંગ દરમિયાન પાંચ લક્ઝરી બસનો RTO ટેક્સ બાકી હોવાનું સામે આવ્યું હતું. બાકી ટેક્સને પગલે RTO દ્વારા આ પાંચ બસને ડિટેઇન કરવામાં આવી છે. ટેક્સની ચુકવણી સહિતના નિયમોના પાલન બાદ આગળની કાર્યવાહી કરવામાં આવશે.
8.40 લાખની વસૂલાત
RTOની કાર્યવાહીમાં વિવિધ નિયમોના ભંગ તેમજ બાકી નીકળતા ટેક્સ સહિત કુલ ₹8.40 લાખની વસૂલાત કરવામાં આવી છે. રાત્રિના સમયે મુસાફરોને લઈને દોડતી લક્ઝરી બસોમાં નિયમોનું પાલન થાય છે કે નહીં તે અંગે તંત્ર દ્વારા તપાસ હાથ ધરવામાં આવી રહી છે.
લક્ઝરી બસો સામે સ્પેશિયલ ડ્રાઇવ
RTO દ્વારા લક્ઝરી બસ સંચાલકો સામે ખાસ સ્પેશિયલ ડ્રાઇવનું આયોજન કરવામાં આવ્યું છે. ખાસ કરીને બાકી ટેક્સ ધરાવતી બસો અને RTOના નિયમોની અવગણના કરતી બસો સામે કાર્યવાહી કરવામાં આવી રહી છે.
ટેક્સ નહીં ભરનારા સંચાલકો સામે કડક વલણ
સરકારને ચૂકવવાનો ટેક્સ બાકી રાખીને બસોનું સંચાલન કરતા ઓપરેટરો સામે RTOએ કડક વલણ અપનાવ્યું છે. બાકી ટેક્સની વસૂલાત તેમજ નિયમોના પાલન માટે આ પ્રકારની કાર્યવાહી આગામી દિવસોમાં પણ ચાલુ રહે તેવી શક્યતા છે.
