Surat માં ગણપતિ આગમનમાં અવ્યવસ્થા, ભાગદોડ વચ્ચે અનેક ભકતો ધક્કામુક્કીમાં નીચે પટકાયા
Surat
Surat માં ગણપતિ આગમનમાં અવ્યવસ્થા, ભાગદોડ વચ્ચે અનેક ભકતો ધક્કામુક્કીમાં નીચે પટકાયા
Surat
Surat : ‘સરકાર’ ગ્રુપના ગણપતિ આગમન દરમિયાન મોટી સંખ્યામાં ભક્તો ઉમટી પડતાં ભીડ વધી ગઈ હતી. આ દરમિયાન ધક્કામુક્કી અને ભાગદોડ જેવી સ્થિતિ સર્જાઈ હોવાની માહિતી મળી રહી છે. પ્રાથમિક માહિતી મુજબ, ગણપતિ આગમનને નિહાળવા અને તેમાં જોડાવા માટે મોટી સંખ્યામાં લોકો રામચોક ખાતે એકત્ર થયા હતા.
ભીડ વધુ થતાં વ્યવસ્થામાં મુશ્કેલી સર્જાઈ હતી. આ દરમિયાન વિડિયોગ્રાફર માટે બનાવવામાં આવેલું ટેબલ તૂટી પડતાં તેના પર ઉભેલા અનેક લોકો નીચે પટકાયા હતા.
ગણપતિ બાપ્પાના આગમનમાં અવ્યવસ્થા
ટેબલ તૂટી પડ્યા બાદ આસપાસના લોકોમાં પણ અફરાતફરીનો માહોલ સર્જાયો હતો. એકસાથે અનેક લોકો નીચે પડતાં અન્ય લોકો પણ ગભરાઈ ગયા હતા. ઘટનાના વીડિયો સામે આવતા આગમન દરમિયાન થયેલી અવ્યવસ્થાના દૃશ્યો સ્પષ્ટપણે જોવા મળી રહ્યા છે.
ટેબલ પડવાને કારણે કેટલાક લોકોને પગમાં ઈજા થઈ હોવાની માહિતી મળી રહી છે. જોકે, ઈજાગ્રસ્તોની ચોક્કસ સંખ્યા અને તેમની હાલની સ્થિતિ અંગે સત્તાવાર વિગતો હજુ સામે આવી નથી. ગણપતિ આગમન દરમિયાન ભીડ વધતા મોટી સંખ્યામાં ભક્તો વચ્ચે ધક્કામુક્કીની સ્થિતિ પણ સર્જાઈ હતી. જેના કારણે થોડા સમય માટે સમગ્ર સ્થળે અફરાતફરીનો માહોલ જોવા મળ્યો હતો.
ટેબલ તૂટતાં ભક્તો પટકાયા
આ ઘટનાને પગલે ગણપતિ આગમનના આયોજન અને ભીડ વ્યવસ્થાપનને લઈને પણ સવાલો ઊભા થયા છે. મોટી સંખ્યામાં લોકો એકત્ર થવાના હોય તેવા ધાર્મિક અને જાહેર કાર્યક્રમોમાં યોગ્ય બેરિકેડિંગ, સુરક્ષા વ્યવસ્થા તથા લોકોની અવરજવર માટે પૂરતી જગ્યા રાખવી જરૂરી બને છે. રામચોક ખાતે બનેલી આ ઘટનામાં સદનસીબે કોઈ મોટી જાનહાનિ થઈ હોવાની માહિતી હાલ સામે આવી નથી.
જોકે, ટેબલ તૂટતાં અનેક લોકો નીચે પટકાતા કેટલાક લોકોને ઈજા પહોંચી હોવાની પ્રાથમિક માહિતી છે. ગણપતિ આગમન દરમિયાન સર્જાયેલી આ ઘટનાના વીડિયો સોશિયલ મીડિયા પર પણ ચર્ચાનો વિષય બન્યા છે. હવે આગામી સમયમાં આવા મોટા ધાર્મિક કાર્યક્રમોમાં ભીડને નિયંત્રિત કરવા અને ભક્તોની સુરક્ષા માટે વધુ સઘન વ્યવસ્થા કરવામાં આવે છે કે નહીં તેના પર સૌની નજર રહેશે.
Vivek Shah
વિવેક શાહ મિડીયા ક્ષેત્રે બહોળો અનુભવ ધરાવે છે, TV9 Gujaratiમાં તેમણે રીપોર્ટર અને પ્રોડયુસર તરીકે પણ 7 વર્ષ કરતા વધુ સમય કામ કર્યુ છે, સાથે સાથે ABP Asmitaમાં 2 વર્ષ જેટલો સમય Associate Producer તરીકે કામ કર્યુ છે અને Sandesh NEWS Digitalમાં છેલ્લા 2 વર્ષ Senior Sub Editor તરીકે કામ કર્યુ છે. ગુજરાત ફર્સ્ટમાં Assistant Ediotor તરીકે તેમણે 3 મહિના કામ કર્યુ અને હાલમાં તેઓ Growthnow NEWS માં Senior Assignment Editor તરીકે ડિજિટલ વિભાગમાં કામ કરી રહ્યાં છે.
