Rajkot માં ખાદ્યતેલના ભાવમાં ફરી ભડકો, સિંગતેલ ₹50 મોંઘું થયું તો કપાસિયા તેલમાં ₹ 25નો વધારો
Rajkot Oil Price
Rajkot માં ખાદ્યતેલના ભાવમાં ફરી ભડકો, સિંગતેલ ₹50 મોંઘું થયું તો કપાસિયા તેલમાં ₹ 25નો વધારો
Rajkot Oil Price
Rajkot ના બજારમાં સિંગતેલના ભાવમાં એક જ વખતમાં રૂ.50નો વધારો થયો છે, જ્યારે કપાસિયા તેલના ભાવમાં પણ રૂ.25નો વધારો નોંધાયો છે. ભાવ વધારા બાદ સિંગતેલનો ડબ્બો રૂ.3050 સુધી પહોંચી ગયો છે.
જ્યારે કપાસિયા તેલનો ડબ્બો રૂ.2850એ પહોંચ્યો છે. છેલ્લા કેટલાક સમયથી ખાદ્યતેલના ભાવમાં સતત વધઘટ જોવા મળી રહી છે, ત્યારે ફરી થયેલા આ વધારાથી ગ્રાહકોની ચિંતા વધી છે.
વરસાદ ખેંચાતા તેલ બજારમાં તેજી
વેપારીઓના જણાવ્યા પ્રમાણે, વરસાદ ખેંચાતા મગફળી અને કપાસિયાની આવકને અસર થઈ રહી છે. બજારમાં આવક ઘટતાં કાચા માલની ઉપલબ્ધતા પર અસર પડી રહી છે અને તેના કારણે સિંગતેલ તથા કપાસિયા તેલના ભાવમાં તેજી જોવા મળી રહી છે. મગફળી અને કપાસિયાની આવકમાં ઘટાડો થતાં તેલના ઉત્પાદન અને પુરવઠા પર પણ તેની અસર પડતી હોવાનું બજાર સાથે સંકળાયેલા લોકો જણાવી રહ્યા છે.
બીજી તરફ, બજારમાં ખાદ્યતેલની માંગમાં વધારો જોવા મળતા ભાવ પર વધુ દબાણ આવ્યું છે. ખાસ કરીને સિંગતેલમાં અચાનક રૂ.50નો ઉછાળો આવતા ગ્રાહકો માટે આ વધારો ચિંતાજનક બન્યો છે. કપાસિયા તેલમાં પણ રૂ.25નો વધારો થતાં સામાન્ય પરિવારોના માસિક બજેટમાં વધુ ખર્ચ ઉમેરાયો છે.
મગફળી-કપાસિયાની આવક ઘટતા તેલના ભાવ ઉછળ્યા
જન્માષ્ટમી બાદ ભાવમાં ઘટાડાની આશા રાખતા ગ્રાહકોને બદલે ફરી ભાવવધારાનો સામનો કરવો પડ્યો છે. ખાદ્યતેલ દૈનિક રસોઈમાં આવશ્યક વસ્તુ હોવાથી ભાવમાં થતો દરેક વધારો સીધી રીતે ઘરગથ્થુ ખર્ચને અસર કરે છે. ગૃહિણીઓનું કહેવું છે કે પહેલાથી જ શાકભાજી, અનાજ અને અન્ય જીવનજરૂરી વસ્તુઓના ભાવને કારણે ઘરનું બજેટ સંભાળવું મુશ્કેલ બની રહ્યું છે.
તેમાં હવે ખાદ્યતેલના ભાવમાં વધારો થતાં માસિક ખર્ચ વધુ વધવાની ચિંતા છે. આગામી દિવસોમાં મગફળી અને કપાસિયાની આવક કેવી રહે છે તથા વરસાદની સ્થિતિમાં શું ફેરફાર થાય છે, તેના પર ખાદ્યતેલના ભાવની દિશા નિર્ભર રહેશે. હાલ રાજકોટમાં તેલના વધેલા ભાવે સામાન્ય ગ્રાહકોને વધુ એક મોંઘવારીનો ઝટકો આપ્યો છે.
Vivek Shah
વિવેક શાહ મિડીયા ક્ષેત્રે બહોળો અનુભવ ધરાવે છે, TV9 Gujaratiમાં તેમણે રીપોર્ટર અને પ્રોડયુસર તરીકે પણ 7 વર્ષ કરતા વધુ સમય કામ કર્યુ છે, સાથે સાથે ABP Asmitaમાં 2 વર્ષ જેટલો સમય Associate Producer તરીકે કામ કર્યુ છે અને Sandesh NEWS Digitalમાં છેલ્લા 2 વર્ષ Senior Sub Editor તરીકે કામ કર્યુ છે. ગુજરાત ફર્સ્ટમાં Assistant Ediotor તરીકે તેમણે 3 મહિના કામ કર્યુ અને હાલમાં તેઓ Growthnow NEWS માં Senior Assignment Editor તરીકે ડિજિટલ વિભાગમાં કામ કરી રહ્યાં છે.
