Ambaji Bhadarvi Poonam મહામેળામાં GSRTCની 30 હજાર એક્સ્ટ્રા ટ્રીપ, 13 લાખથી વધુ મુસાફરોને લાભ

Ambaji Bhadarvi Poonam GSRTC Extra Trips: અંબાજી ખાતે યોજાયેલા ભાદરવી પૂનમના મહામેળા દરમિયાન ગુજરાત રાજ્ય માર્ગ વાહનવ્યવહાર નિગમ (GSRTC) દ્વારા શ્રદ્ધાળુઓની સુવિધા માટે વિશેષ બસ વ્યવસ્થા કરવામાં આવી હતી. સાત દિવસ દરમિયાન નિગમ દ્વારા કુલ 30,000 એક્સ્ટ્રા ટ્રીપનું સંચાલન કરવામાં આવ્યું હતું.

13.04 લાખ મુસાફરોએ વિશેષ બસ સેવાનો લાભ લીધો

મેળા દરમિયાન શ્રદ્ધાળુઓની વધતી ભીડને ધ્યાનમાં રાખીને GSRTC દ્વારા રાજ્યના વિવિધ વિસ્તારોમાંથી અંબાજી માટે વધારાની બસો દોડાવવામાં આવી હતી. આ વિશેષ બસ સેવાઓનો 13.04 લાખ મુસાફરોએ લાભ લીધો હોવાનું નિગમ દ્વારા જણાવાયું છે.

સાત દિવસમાં રૂ. 9.51 કરોડની આવક

મેળા દરમિયાન મોટી સંખ્યામાં મુસાફરોએ GSRTCની બસ સેવાનો ઉપયોગ કર્યો હતો. નિગમના જણાવ્યા મુજબ, સાત દિવસના સમયગાળામાં આ એક્સ્ટ્રા ટ્રીપ થકી રૂ. 9.51 કરોડની આવક થઈ હતી.

શ્રદ્ધાળુઓ માટે સુચારૂ પરિવહન આયોજન

અંબાજી ભાદરવી પૂનમના મહામેળા દરમિયાન રાજ્યભરમાંથી આવતા માઈભક્તોને પરિવહનની મુશ્કેલી ન પડે તે માટે GSRTC દ્વારા વિશેષ આયોજન કરવામાં આવ્યું હતું. વધારાની બસો અને એક્સ્ટ્રા ટ્રીપના આયોજનથી મોટી સંખ્યામાં શ્રદ્ધાળુઓને તેમના ગંતવ્ય સુધી પહોંચવામાં મદદ મળી હતી. નિગમના જણાવ્યા મુજબ, નાયબ મુખ્યમંત્રી હર્ષ સંઘવીના માર્ગદર્શન હેઠળ અધિકારીઓ અને કર્મચારીઓ દ્વારા મેળા દરમિયાન બસ સેવાનું આયોજન કરવામાં આવ્યું હતું. મુસાફરોની સુરક્ષા અને સમયપાલનને ધ્યાનમાં રાખીને વિશેષ પરિવહન વ્યવસ્થા કરવામાં આવી હતી.