Tanisha Mukherjeeએ પાપારાઝીને કરી ખાસ અપીલ, જયા બચ્ચનને હેરાન ન કરવાની કહી વાત

Tanisha Mukherjee: નવરાત્રિ શરૂ થવામાં હવે થોડા જ કલાકો બાકી છે. બધે દુર્ગા પંડાલો શણગારવામાં આવ્યા છે અને ભક્તો દેવી માતાના આગમનની રાહ જોઈ રહ્યા છે. આ દરમિયાન કાજોલની બહેન અને એક્ટ્રેસ તનિષા મુખર્જીએ દુર્ગા પૂજા ઉજવણીનું કવરેજ કરી રહેલા પાપારાઝીઓને ખાસ અપીલ કરી છે. મીડિયા સાથે વાત કરતી વખતે તનિષા મુખર્જીએ ફોટોગ્રાફરો અને પત્રકારોને દુર્ગા પૂજા દરમિયાન ધક્કામુક્કી ટાળવા અને તેમની આસપાસના લોકોનું ધ્યાન રાખવાની અપીલ કરી છે.

આ સાથે તેણે પાપારાઝીઓને પણ અપીલ કરી છે કે તેઓ જાણી જોઈને જયા બચ્ચનને ખલેલ પહોંચાડે નહીં. તનિષા કહે છે કે પાપારાઝી જાણી જોઈને જયાજીને ઉશ્કેરે છે. એક કાર્યક્રમ દરમિયાન બોલતી વખતે તેણે કહ્યું કે તે જાણે છે કે પાપારાઝી જાણી જોઈને જયા બચ્ચનને ખલેલ પહોંચાડે છે.

જયા બચ્ચનને પાપારાઝી ઉશ્કેરે છે: તનિષા મુખર્જી

તનિષા મુખર્જી કહે છે કે "મેં તમારામાંથી કેટલાકને જાણી જોઈને તેમને ઉશ્કેરતા જોયા છે. તેથી હું તમને બધાને વિનંતી કરવા માગુ છું કે ઓછામાં ઓછું દુર્ગા પૂજા દરમિયાન આવા વર્તનથી દૂર રહો. કૃપા કરીને અમારી જયા આંટીને પરેશાન ન કરો. શું તે ઠીક છે?" દુર્ગા પૂજા શરૂ થવાના સમયે તનિષા મુખર્જીનું આ નિવેદન સામે આવ્યું છે. મુખર્જી પરિવાર નોર્થ બોમ્બે સાર્વજનિક દુર્ગા પંડાલનું પણ આયોજન કરે છે, જે મુંબઈના સૌથી પ્રખ્યાત પૈકીનું એક છે, અને તે એક એવું સ્થાન છે જ્યાં બોલીવુડ સેલિબ્રિટીઓ દર વર્ષે દેવીના આશીર્વાદ મેળવવા માટે આવે છે.

તનિષા મુખર્જીની પાપારાઝી પ્રત્યેની અપીલ

તનિષા મુખર્જીએ પાપારાઝી અને સામાન્ય લોકોને દુર્ગા પંડાલોમાં સાવચેત રહેવા, ઝઘડા ટાળવા અને એકબીજાની સંભાળ રાખવાની અપીલ પણ કરી છે. મુખર્જી પરિવારમાં દુર્ગા પૂજાનું ખાસ સ્થાન છે. કાજોલ, તનિષા મુખર્જી અને તેમનો પરિવાર દર વર્ષે મુંબઈમાં નોર્થ બોમ્બે પબ્લિક દુર્ગા પૂજા પંડાલનું આયોજન કરે છે. આ પંડાલનો પરિવાર સાથે ઊંડો સંબંધ છે. રાની મુખર્જી પણ નવરાત્રિ દરમિયાન સતત 9 દિવસ દુર્ગા પંડાલમાં હાજર રહે છે. જયા બચ્ચન દર વર્ષે મુખર્જી પરિવાર દ્વારા આયોજિત આ દુર્ગા પંડાલની મુલાકાત લેવાનું પણ પસંદ કરે છે, જ્યાં કાજોલ અને મુખર્જી પરિવાર સાથેની તેમની નિકટતા જોઈ શકાય છે.

જયા બચ્ચનનું પાપારાઝી સાથેનું કનેક્શન

પાપારાઝી સાથેના જયા બચ્ચનના સમીકરણની વાત કરીએ તો, તે ઘણીવાર તેમના પર ગુસ્સે થતી જોવા મળે છે. આ દિગ્ગજ એક્ટ્રેસે મોટા અવાજો, ફ્લેશ અને જાહેરમાં તેમની અંગત જગ્યાનો આદર કર્યા વિના તેમની નજીક જવાના પ્રયાસો દ્વારા પોતાની નારાજગી વ્યક્ત કરી છે. પરંતુ તાજેતરમાં ગુલઝારના બુક લોન્ચ ઈવેમ્ટમાં જયા બચ્ચનનો એક અલગ જ ચહેરો જોવા મળ્યો . તે હસતી જોવા મળી હતી. ઘણા લોકોએ આ વીડિયો પર ફની પ્રતિક્રિયાઓ સાથે કોમેન્ટ કરી હતી.

આ પણ વાંચો: Anil Kapoor: 39 વર્ષ પછી મિસ્ટર ઈન્ડિયા બન્યો અનિલ કપૂર, આઈકોનિક લુક કર્યો રિક્રિએટ