Anil Kapoor: 39 વર્ષ પછી મિસ્ટર ઈન્ડિયા બન્યો અનિલ કપૂર, આઈકોનિક લુક કર્યો રિક્રિએટ

Anil Kapoor: અનિલ કપૂરે 1987માં આવેલી ફિલ્મ "મિસ્ટર ઈન્ડિયા"નો આઉટફિટ પહેરીને પોતાના કરિયરના સૌથી યાદગાર લુકમાંથી એકને ફરીથી રિક્રિએટ કર્યો છે. "ઈન્ડિયાઝ ટોપ 1%: ધ અનિલ કપૂર શો" ના એક એપિસોડમાં એક્ટરે ખુલાસો કર્યો કે તેનો શર્ટ, ટ્રાઉઝર અને ફેમસ જેકેટ લગભગ 3 દાયકા પછી પણ તેને ફિટ બેસે છે. તેને આ જેકેટ વિશે એક રસપ્રદ વાત પણ જણાવી, તેને ફિલ્મ માટે કસ્ટમ-મેડ બનાવવાને બદલે તેને મુંબઈના ચોર બજારમાંથી ખરીદ્યું હતું.

અનિલ કપૂરે 39 વર્ષ પછી 'મિસ્ટર ઈન્ડિયા' કોસ્ચ્યુમ પહેર્યો

અનિલ કપૂરે પોતાના શોના સેટ પર પોતાનો પ્રખ્યાત "મિસ્ટર ઈન્ડિયા" લુક ફરીથી બનાવ્યો. તેને એ જ શર્ટ, ટ્રાઉઝર અને જેકેટ પહેર્યું હતું જે તેને 1987માં ફિલ્મ રિલીઝ થઈ ત્યારથી રાખ્યું હતું. પોતાના જૂના આઉટફિટને ફરી પહેરવા અંગે એક્ટરે કહ્યું કે "હું કહીશ કે શર્ટ હજુ પણ મને ફિટ થાય છે, ટ્રાઉઝર હજુ પણ ફિટ થાય છે, અને જેકેટ હજુ પણ ફિટ થાય છે. 39 વર્ષ પછી પણ, બધું હજુ પણ મને ફિટ થાય છે. ટીમે કહ્યું કે 'કાશ આપણે "મિસ્ટર ઈન્ડિયા" કોસ્ચ્યુમ શોધી શકીએ,' અને મેં કહ્યું, 'મેં તે રાખ્યું હોત.'"

અનિલ કપૂરે ચોર બજારમાંથી જેકેટ ખરીદ્યું

આ આઈકોનિક જેકેટ પાછળની વાર્તા જણાવતા, અનિલ કપૂરે ખુલાસો કર્યો કે તે ખાસ ફિલ્મ માટે ડિઝાઈન કરવામાં આવ્યું ન હતું, પરંતુ મુંબઈના પ્રખ્યાત ચોર બજારમાંથી ખરીદવામાં આવ્યું હતું. વીડિયોમાં એક્ટર અનિલ કહે છે, "મેં આ જેકેટ ચોર બજારમાંથી ખરીદ્યું હતું. સંયોગથી, હું મારા વાળ પણ લાંબા રાખું છું, જેમ કે મિસ્ટર ઈન્ડિયામાં, તેથી તે આ લુકને કમ્પલીટ કરે છે."

View post on Instagram

ઈન્ડિયાઝ ટોપ 1% ના આગામી એપિસોડની થીમ

આ સપ્તાહના અંતે, સ્ટાર પ્લસનો "ઈન્ડિયાઝ ટોપ 1%" વાસ્તવિક જીવનના "મિસ્ટર ઈન્ડિયા" ને સલામ કરશે જેઓ બદલામાં કંઈપણ અપેક્ષા રાખ્યા વિના દેશ અને સમાજની સેવા કરે છે. "મિસ્ટર ઈન્ડિયા" થીમ પર આધારિત આ ખાસ એપિસોડમાં શોના રસપ્રદ કોયડાઓ અને રમતો દર્શાવવામાં આવશે, સાથે જ એવા લોકોની વાર્તાઓ પણ રજૂ કરવામાં આવશે જેઓ બીજાઓને મદદ કરવાને પોતાનું કર્તવ્ય માને છે.

આ પ્રસંગને વધુ ખાસ બનાવવા માટે, અનિલ કપૂર તે જ કોટ, શર્ટ અને ટ્રાઉઝરમાં જોવા મળશે જે તેને આઈકોનિક ફિલ્મમાં પહેર્યો હતો. તે તેના જેકેટની ખરીદી વિશે એક રસપ્રદ વાર્તા પણ શેર કરશે. તેમને કહ્યું, "આપણે જે એપિસોડ કરી રહ્યા છીએ તે સામાજિક રીતે મહત્વપૂર્ણ છે. તે તેનો મુખ્ય વિષય હતો, અને રાજ કપૂરે ફિલ્મ જોયા પછી એ જ વાત કહી. આ ફિલ્મમાંથી શું પાઠ મળે છે? પાઠ એ છે કે દરેક વ્યક્તિ મિસ્ટર ઈન્ડિયા બની શકે છે. આ એપિસોડ એવા લોકો વિશે છે જેઓ દેશની સેવા કરે છે. તેઓ બદલામાં કંઈપણ અપેક્ષા રાખ્યા વિના દેશ માટે કામ કરે છે. તેઓ તેને તેમની નૈતિક ફરજ માને છે. તેઓ ભારતને આજે જે છે તે બનાવવામાં મદદ કરે છે." 'ઈન્ડિયાઝ ટોપ 1%: ધ અનિલ કપૂર શો' સ્ટાર પ્લસ અને જિયો હોટસ્ટાર પર સ્ટ્રીમ થાય છે.

આ પણ વાંચો: Ranbir Kapoorની ફિલ્મ 'રામાયણ'માં ઈંગ્લિશ વર્ઝન કેમ હશે ટૂંકું? જાણો કારણ