Karan Joharએ ફિલ્મની જાહેરાત કરી, પહેલા RAW ચીફની સ્ટોરીની રિલીઝ ડેટ જાહેર

Karan Johar: ફેમસ બોલીવુડ ફિલ્મ મેકર કરણ જોહર એક જાસૂસી ફિલ્મ બનાવવા જઈ રહ્યા છે, જેમાં વાસ્તવિક જીવનની વાર્તા દર્શાવવામાં આવશે. તેમની ફિલ્મ રામેશ્વર નાથ કાઓ (આરએન કાઓ) ની સ્ટોરી કહેશે, જે ભારતની ગુપ્તચર એજન્સી રિસર્ચ એન્ડ એનાલિસિસ વિંગ (RAW) ના સ્થાપક અને પ્રથમ વડા હતા.

આ ફિલ્મ નીતિન ગોખલેના પુસ્તક "આરએન કાઓ: જેન્ટલમેન સ્પાયમાસ્ટર" પર આધારિત છે. કરણ જોહરે 21 સપ્ટેમ્બરના રોજ સોશિયલ મીડિયા દ્વારા ફિલ્મની જાહેરાત કરી હતી. તેને કહ્યું હતું કે તેઓ આ ફિલ્મની જાહેરાત કરતા ખૂબ જ ખુશ છે.

RAWની 58મી વર્ષગાંઠ નિમિત્તે આ ફિલ્મની જાહેરાત કરી

RAWની સ્થાપના 21 સપ્ટેમ્બર, 1968 ના રોજ થઈ હતી. કરણે તેની સ્થાપનાની 58મી વર્ષગાંઠ નિમિત્તે આ ફિલ્મની જાહેરાત કરી હતી. આ ફિલ્મ 2028માં મોટા પડદા પર રિલીઝ થશે, તે જ વર્ષે RAW તેની સ્થાપનાના 60 વર્ષ પૂર્ણ કરશે. પરંતુ કરણે હજુ સુધી ફિલ્મના ટાઈટલ અથવા કલાકારો વિશે કોઈ વિગતો શેર કરી નથી.

View post on Instagram

રામેશ્વર નાથ કાવના પહેલા મિશનની સ્ટોરી

કરણ જોહરે ઈન્સ્ટાગ્રામ પર એક પોસ્ટ પોસ્ટ કરી. પોસ્ટમાં તેને લખ્યું છે કે "તેને એવું બનાવ્યું જે અદ્રશ્ય છે, પરંતુ જેની અસર હંમેશા ઈતિહાસમાં યાદ રહેશે. આજે RAW ના 58 વર્ષ પૂરા થાય છે, અને અમને આરએન કાઓની સ્ટોરી પર આધારિત અમારી ફિલ્મની જાહેરાત કરતા આનંદ થાય છે. આરએન કાઓએ પડદા પાછળ કામ કર્યું અને આજે આપણે જેને RAW તરીકે ઓળખીએ છીએ તે સંસ્થાને દુનિયા સમક્ષ લાવી. તેમના પહેલા મિશનની સ્ટોરી પણ સામેલ કરવામાં આવશે."

ફિલ્મ ક્યારે રિલીઝ થશે?

કરણ જોહરે પોસ્ટમાં રિલીઝ તારીખ પણ શેર કરી. તેને લખ્યું છે કે "નીતિન ગોખલેના પુસ્તક 'જેન્ટલમેન સ્પાયમાસ્ટર' પર આધારિત, આ સ્ટોરી 11 ઓગસ્ટ, 2028 ના રોજ મોટા પડદા પર આવશે." આનો અર્થ એ થયો કે ફિલ્મની રિલીઝને હજુ 2 વર્ષ બાકી છે.

આ ફિલ્મ 1955 થી 1971 ના સમયગાળાને આવરી લે તેવી શક્યતા છે. આ ફિલ્મમાં RAW ની સ્થાપના તરફ દોરી જતી પરિસ્થિતિઓ અને 1971ના પાકિસ્તાન સામેના યુદ્ધમાં તેમને ભજવેલી મહત્વપૂર્ણ ભૂમિકા, આ બધું ફિલ્મમાં સામેલ હશે.

આ પણ વાંચો: The Vvaan: સિદ્ધાર્થ મલ્હોત્રા-તમન્ના ભાટિયાની ફિલ્મ 'ધ વન' વિવાદમાં, પરમિશન વગર કર્યો ગીતનો ઉપયોગ?