Jailer 2ને U/A સર્ટિફિકેટ, 15 ઓક્ટોબરે વિશ્વભરમાં રિલીઝ; રજનીકાંતની ધમાકેદાર વાપસી
Jailer 2
Jailer 2ને U/A સર્ટિફિકેટ, 15 ઓક્ટોબરે વિશ્વભરમાં રિલીઝ; રજનીકાંતની ધમાકેદાર વાપસી
Jailer 2
Jailer 2: સુપરસ્ટાર રજનીકાંતના ચાહકો માટે મોટા સમાચાર સામે આવ્યા છે. ડિરેક્ટર નેલ્સન દિલીપકુમારની મોસ્ટ અવેઇટેડ એક્શન ફિલ્મ ‘Jailer 2’ને સેન્ટ્રલ બોર્ડ ઑફ ફિલ્મ સર્ટિફિકેશન (CBFC) તરફથી U/A સર્ટિફિકેટ મળી ગયું છે. ફિલ્મમાં રજનીકાંત ફરી એકવાર ટાઇગર મુથુવેલ પાંડિયનના પાવરફુલ અવતારમાં જોવા મળશે. ફિલ્મ 15 ઓક્ટોબર 2026ના રોજ દુનિયાભરના સિનેમાઘરોમાં રિલીઝ થવાની છે.
‘Jailer 2’ને મળ્યું U/A સર્ટિફિકેટ
ફિલ્મનું નિર્માણ કરી રહેલી Sun Picturesએ સોશિયલ મીડિયા પર ફિલ્મને U/A સર્ટિફિકેટ મળ્યાની માહિતી શેર કરી છે. ફિલ્મનું ટ્રેલર થોડા સમય પહેલાં રિલીઝ કરવામાં આવ્યું હતું, જેને રજનીકાંતના ફેન્સ તરફથી સારો પ્રતિસાદ મળ્યો હતો.
ટ્રેલર રહસ્ય અને એક્શનથી ભરપૂર છે. શરૂઆતમાં અભિનેતા સૂરજ વેંઝારામૂડુનું પાત્ર બે મહિના દરમિયાન બનેલી ઘટનાઓ પાછળના માસ્ટરમાઇન્ડને શોધવાનો પ્રયાસ કરતું જોવા મળે છે.
કોણ છે આ રહસ્યમય વ્યક્તિ?
ટ્રેલરમાં સૂરજનું પાત્ર પોતાના સાથીને પૂછે છે કે આ સમગ્ર ઘટનાની પાછળ કોણ છે. જવાબ મળે છે કે માત્ર તે જ નહીં, પરંતુ પોતે પણ તેને શોધી શકશે નહીં. ત્યારબાદ ફિલ્મની કહાનીમાં અનેક વિલન એક રહસ્યમય વ્યક્તિની શોધમાં હોવાનું જોવા મળે છે.
આ દરમિયાન ટાઇગર મુથુવેલ પાંડિયન તરીકે રજનીકાંતની ધમાકેદાર એન્ટ્રી થાય છે. શરૂઆતમાં એવું લાગે છે કે તે ક્યાંક ગાયબ થઈ ગયો છે, પરંતુ બાદમાં ખુલાસો થાય છે કે તેણે ડ્રાઇવરનો વેશ ધારણ કરીને પોતાની ઓળખ છુપાવી છે.
રજનીકાંત સામે SJ સૂર્યાનો ખતરનાક મુકાબલો
ટ્રેલરમાં રજનીકાંતનું પાત્ર દુશ્મનો સામે લડવા માટે સ્નાઇપર્સનો ઉપયોગ કરતું જોવા મળે છે. બીજી તરફ SJ સૂર્યા વિલનના રોલમાં જોવા મળશે. તે પણ રજનીકાંતના પાત્રને તેના જ અંદાજમાં જવાબ આપવાની વાત કરતો જોવા મળે છે.
ફિલ્મમાં રજનીકાંત અને વિદ્યા બાલન વચ્ચેની વાતચીત પણ ટ્રેલરમાં ખાસ ધ્યાન ખેંચે છે. ચા કે કોફીને લઈને બંને વચ્ચેનો સંવાદ ટ્રેલરમાં હળવી કોમેડીનો ટચ આપે છે.
‘કલ્પક્સ’ની એન્ટ્રીથી વધશે એક્શન
ટ્રેલરમાં ‘કલ્પક્સ’ નામના ખતરનાક પાત્રનો પણ ઉલ્લેખ કરવામાં આવ્યો છે. રજનીકાંતના પાત્રને તેની ખતરનાક છબી અંગે ચેતવણી આપવામાં આવે છે. જોકે મુથુવેલ પાંડિયન પોતાના અંદાજમાં આ પડકાર સ્વીકારતો જોવા મળે છે.
આગળ તે દુશ્મનોને જૂની પદ્ધતિ છોડીને નવા સમયના ખતરનાક અંદાજમાં જવાબ આપવાની વાત કરે છે. જેના કારણે ફિલ્મમાં હાઇ-વોલ્ટેજ એક્શન અને માસ એન્ટરટેઇનમેન્ટની ઝલક જોવા મળે છે.
15 ઓક્ટોબરે દુનિયાભરમાં રિલીઝ
‘Jailer 2’ની જાહેરાત થઈ ત્યારથી જ રજનીકાંતના ચાહકોમાં ફિલ્મને લઈને ભારે ઉત્સાહ જોવા મળી રહ્યો છે. આ વર્ષે એપ્રિલમાં નિર્માતાઓએ ફિલ્મનું શૂટિંગ પૂર્ણ થયાની જાહેરાત કરી હતી અને કેક કટિંગ સેરેમનીની તસવીરો પણ શેર કરી હતી.
હવે 15 ઓક્ટોબરે ‘Jailer 2’ વિશ્વભરના સિનેમાઘરોમાં રિલીઝ થવા જઈ રહી છે. U/A સર્ટિફિકેટ મળ્યા બાદ ફિલ્મની રિલીઝનો રસ્તો પણ સાફ થઈ ગયો છે.
