ખેડા : ખેડા જિલ્લામાંથી મોટા સમાચાર સામે આવ્યા છે. નડિયાદ મહાનગરપાલિકાના પ્રથમ મેયર પદે મનીષ પટેલની સર્વસંમતિથી નિમણૂક કરવામાં આવી છે.

સાથે જ ડેપ્યુટી મેયર પદે કલ્પેશ રાવળની પસંદગી કરવામાં આવી છે, જ્યારે કારોબારી સમિતિના ચેરમેન તરીકે પરાગ બારોટની નિમણૂક કરવામાં આવી છે.

ભાજપ પાસે સ્પષ્ટ બહુમતી હોવાથી તમામ પદોની નિમણૂક સર્વસંમતિથી કરવામાં આવી હોવાનું જાણવા મળ્યું છે. નડિયાદ મનપામાં ભાજપે 13 વોર્ડની 52 બેઠકોમાંથી 51 બેઠકો પર જીત મેળવી હતી.

પાર્ટી નેતા તરીકે મેઘના બેન શાહની નિમણૂક કરવામાં આવી છે, જ્યારે દંડક તરીકે પુષ્પા બેન પરમારની પસંદગી કરવામાં આવી છે.

નડિયાદ મહાનગરપાલિકાના આ નવા પદાધિકારીઓની નિમણૂક બાદ શહેરના રાજકારણમાં નવા સમીકરણો સર્જાયા છે.