ભાવનગરમાં નકલી દારૂ મામલે પોલીસની મોટી કાર્યવાહી, વરતેજ પોલીસના 4 કર્મચારી સસ્પેન્ડ

Bhavnagar Fake Liquor Case: ભાવનગર જિલ્લામાં નકલી દારૂ મામલે જિલ્લા પોલીસ વડાએ મોટી કાર્યવાહી હાથ ધરી છે. સમગ્ર મામલામાં વરતેજ પોલીસ સ્ટેશનના 4 પોલીસકર્મીઓને સસ્પેન્ડ કરવામાં આવ્યા છે. સાથે જ નકલી દારૂના કેસમાં 15થી વધુ બુટલેગરો સામે ગુનો નોંધવામાં આવ્યો છે.

વરતેજ પોલીસના 4 કર્મચારી સસ્પેન્ડ
નકલી દારૂના મામલાને ગંભીરતાથી લેતા ભાવનગર જિલ્લા પોલીસ વડા દ્વારા વરતેજ પોલીસ સ્ટેશનના ચાર પોલીસકર્મીઓ સામે સસ્પેન્શનની કાર્યવાહી કરવામાં આવી છે. આ કાર્યવાહીથી પોલીસ બેડામાં પણ ખળભળાટ મચ્યો છે.

15થી વધુ બુટલેગર સામે ગુનો
સમગ્ર મામલે વરતેજ પોલીસે તપાસનો ધમધમાટ શરૂ કર્યો છે. પોલીસ તપાસમાં નકલી દારૂના નેટવર્ક સાથે સંકળાયેલા 15થી વધુ બુટલેગરો સામે ગુનો નોંધાયો હોવાનું સામે આવ્યું છે. પોલીસ હવે આ નેટવર્કમાં અન્ય કેટલા લોકો સંડોવાયેલા છે અને નકલી દારૂ ક્યાંથી આવ્યો હતો તે સહિતના મુદ્દાઓની તપાસ કરી રહી છે.

દારૂ આપનાર મુખ્ય બુટલેગર તરીકે ગૌતમ સોલંકીનું નામ
પોલીસ તપાસમાં નકલી દારૂ આપનાર મુખ્ય બુટલેગર તરીકે ગૌતમ સોલંકીનું નામ સામે આવ્યું છે. સમગ્ર કેસમાં તેની ભૂમિકા અંગે પોલીસે તપાસ શરૂ કરી છે.

પોલીસ તપાસનો ધમધમાટ શરૂ
વરતેજ પોલીસે સમગ્ર મામલે ગુનો નોંધી વધુ તપાસ હાથ ધરી છે. નકલી દારૂના સપ્લાયથી લઈને તેના વિતરણ સુધીની કડી શોધવા માટે પોલીસ દ્વારા તપાસ તેજ કરવામાં આવી છે. આ કેસમાં આગામી દિવસોમાં વધુ આરોપીઓના નામ સામે આવે તેવી શક્યતા છે. સાથે જ નકલી દારૂના સમગ્ર નેટવર્ક સુધી પહોંચવા માટે પોલીસ દ્વારા અલગ-અલગ દિશામાં તપાસ હાથ ધરવામાં આવી રહી છે.