પાદરા એક્સપ્રેસવે પર ભયાનક અકસ્માત: સુરત ગ્રામ્ય SOGના હેડ કોન્સ્ટેબલનું મોત
પાદરા એક્સપ્રેસવે પર ભયાનક અકસ્માત: સુરત ગ્રામ્ય SOGના હેડ કોન્સ્ટેબલનું મોત
વડોદરા: Padra નજીક એક્સપ્રેસવે પર સર્જાયેલા ગંભીર માર્ગ અકસ્માતમાં Surat ગ્રામ્ય SOG શાખાના હેડ કોન્સ્ટેબલ ભરતભાઈ દેસાઈનું ઘટના સ્થળે જ કરુણ મોત થયું છે. આ અકસ્માતે સમગ્ર પોલીસ વિભાગમાં શોકની લાગણી ફેલાઈ છે.
મળતી માહિતી મુજબ, હેડ કોન્સ્ટેબલ ભરતભાઈ દેસાઈ કારમાં મુસાફરી કરી રહ્યા હતા ત્યારે તેમની કાર અચાનક આગળ જઈ રહેલી ST બસ પાછળ જોરદાર અથડાઈ હતી. અથડામણ એટલી ભયાનક હતી કે કારનો આગળનો ભાગ સંપૂર્ણપણે કચડી ગયો હતો.
અકસ્માત બાદ આસપાસના લોકોએ તાત્કાલિક રાહત અને બચાવ કામગીરી હાથ ધરી હતી, પરંતુ ગંભીર ઇજાઓને કારણે ભરતભાઈ દેસાઈને સ્થળ પર જ મૃત જાહેર કરવામાં આવ્યા હતા. ઘટનાની જાણ થતાં પોલીસ કાફલો તરત જ સ્થળ પર પહોંચી ગયો હતો અને આગળની કાર્યવાહી શરૂ કરી હતી.
આ ઘટનાએ ફરી એકવાર હાઇવે પર વધતા અકસ્માતોને લઈને ચિંતા વધારી છે. પોલીસ દ્વારા અકસ્માતના ચોક્કસ કારણોની તપાસ હાથ ધરવામાં આવી રહી છે.
