Iran Suspends Indirect Talks US: ગાઝા અને લેબનોનમાં ઇઝરાયલની ચાલી રહેલી લશ્કરી કાર્યવાહી વચ્ચે ઇરાને એક મોટો નિર્ણય લીધો છે અને અમેરિકા સાથે પરોક્ષ સંદેશાઓની આપ-લે પર પ્રતિબંધ મૂક્યો છે. ગાઝા અને લેબનોનમાં ઇઝરાયલની ચાલી રહેલી લશ્કરી કાર્યવાહી વચ્ચે ઇરાને એક મોટો નિર્ણય લીધો છે અને અમેરિકા સાથે પરોક્ષ સંદેશાઓની આપ-લે પર પ્રતિબંધ મૂક્યો છે. તેહરાન કહે છે કે જ્યાં સુધી ઇઝરાયલ તેનું લશ્કરી અભિયાન બંધ ન કરે અને લેબનોનના કબજા હેઠળના વિસ્તારોમાંથી તેના સૈનિકો પાછા ન ખેંચે ત્યાં સુધી વાતચીત ફરી શરૂ થશે નહીં.

અમેરિકા સાથે શાંતિ મંત્રણામાં પર બ્રેક
ઈરાનની અર્ધ-સત્તાવાર સમાચાર એજન્સી તસ્નીમના જણાવ્યા અનુસાર, લેબનોનમાં ઈઝરાયલના સતત હુમલાઓના વિરોધમાં ઈરાને અમેરિકા સાથે પરોક્ષ વાટાઘાટો અને મધ્યસ્થી દ્વારા સંદેશાઓની આપ-લે સ્થગિત કરી દીધી છે. અહેવાલ મુજબ, લેબનોનમાં ઇઝરાયલ દ્વારા યુદ્ધવિરામના સતત ઉલ્લંઘનના પ્રતિભાવમાં આ નિર્ણય લેવામાં આવ્યો હતો, જેને ઈરાન આ ક્ષેત્રમાં વ્યાપક યુદ્ધવિરામ વ્યવસ્થાની મુખ્ય શરતોમાંની એક માને છે.

માંગણીઓ પૂર્ણ ન થાય ત્યાં સુધી પ્રતિબંધ ચાલુ રહેશે
તસ્નીમ ન્યૂઝ એજન્સીના અહેવાલ મુજબ, ઈરાની વાટાઘાટ ટીમ ગાઝા અને લેબનોન અંગેની તેમની માંગણીઓ પૂર્ણ ન થાય ત્યાં સુધી મધ્યસ્થી દ્વારા વાતચીત અને સંદેશાઓની આપ-લે બંધ કરશે. ઈરાની અધિકારીઓ અને વાટાઘાટકારોએ સ્પષ્ટ કર્યું છે કે ગાઝા અને લેબનોનમાં ઇઝરાયલી લશ્કરી કાર્યવાહી તાત્કાલિક બંધ કરવી જોઈએ અને ઇઝરાયલી દળોએ લેબનોનના કબજા હેઠળના પ્રદેશોમાંથી સંપૂર્ણપણે પાછી ખેંચી લેવી જોઈએ.

ઇઝરાયલી હુમલાઓનો જવાબ આપવાની તૈયારી
અહેવાલોમાં જણાવાયું છે કે ઈરાન અને તેના સાથી સંગઠનો ઇઝરાયલી હુમલાઓનો કડક જવાબ આપવા માટે નવી વ્યૂહરચના તૈયાર કરી રહ્યા છે. આ સાથે નવા મોરચા ખોલવાની સંભાવનાઓ પર પણ વિચારણા ચાલી રહી છે. વ્યૂહાત્મક પગલાંના ભાગરૂપે ઈરાન હોર્મુઝ જળમાર્ગ (Strait of Hormuz) અને બાબ અલ-મંદાબ (Bab al-Mandab) જેવા મહત્વના સમુદ્રી માર્ગો પર દબાણ વધારવાના વિકલ્પો પર પણ વિચાર કરી રહ્યું હોવાનું જણાવાયું છે. આ દરમિયાન રવિવારે ઇઝરાયલી સેનાએ લેબનાનમાં સ્થિત ઐતિહાસિક બીફોર્ટ કિલ્લા (અલ-શકીફ) પર કબજો જમાવ્યો હોવાના અહેવાલો સામે આવ્યા છે. આ ઘટનાએ મધ્ય પૂર્વમાં તણાવ વધુ વધાર્યો છે અને વિસ્તારની પરિસ્થિતિ વધુ જટિલ બની રહી છે.