વડોદરા: કપુરાઈ પોલીસ દ્વારા કન્ટેનરમાં પાઈપોની આડમાં દારૂની હેરાફેરીનો પર્દાફાશ કરવામાં આવ્યો છે.

અમદાવાદ–મુંબઈ નેશનલ હાઈવે-48 પરથી અંદાજે ₹20.59 લાખની કિંમતનો દારૂ ભરેલું કન્ટેનર ઝડપી પાડવામાં આવ્યું હતું. જોકે કન્ટેનરનો ચાલક અંધારાનો લાભ લઈને ઘટનાસ્થળેથી ફરાર થઈ ગયો હતો.

પોલીસે કન્ટેનર અને દારૂ સહિત કુલ અંદાજે ₹30.59 લાખનો મુદ્દામાલ કબજે કર્યો છે, જેમાં દારૂ અને આશરે ₹10 લાખનું કન્ટેનર સામેલ છે.

આ મામલે કપુરાઈ પોલીસે આગળની કાર્યવાહી હાથ ધરી વધુ તપાસ શરૂ કરી છે.