Zelenskuyy International Award: યુક્રેનના રાષ્ટ્રપતિ વોલોદિમીર ઝેલેન્સકીને ગુરુવારે એક સમારોહમાં પ્રતિષ્ઠિત ઇન્ટરનેશનલ ફોર ફ્રીડમ્સ એવોર્ડથી સન્માનિત કરવામાં આવ્યા હતા. ઝેલેન્સકીને ચાર વર્ષ કરતાં વધુ સમય પહેલા રશિયા દ્વારા શરૂ કરાયેલા યુદ્ધનો જવાબ આપવા માટે તેમની અને તેમના દેશની હિંમત અને અડગતા બદલ આ એવોર્ડ આપવામાં આવ્યો હતો. આ સન્માન રૂઝવેલ્ટ ફાઉન્ડેશન દ્વારા આપવામાં આવ્યું હતું, જેની સ્થાપના 1982માં કરવામાં આવી હતી.

યુએસ પ્રમુખ ફ્રેન્કલિન ડી. રૂઝવેલ્ટે 1941ના ભાષણમાં ચાર પ્રકારની સ્વતંત્રતાનો ઉલ્લેખ કર્યો હતો: અભિવ્યક્તિની સ્વતંત્રતા, પૂજાની સ્વતંત્રતા, જરૂરિયાતમાંથી મુક્તિ અને ભયમાંથી મુક્તિ. ફાઉન્ડેશનના પ્રમુખ હ્યુગો ડી જોંગે ગુરુવારે જણાવ્યું હતું કે, "અમે યુક્રેનિયન લોકોની અતૂટ હિંમત અને નિશ્ચય અને તેમના રાષ્ટ્રપતિ ઝેલેન્સકીના મક્કમ અને દૃઢ નેતૃત્વ પ્રત્યે અમારો સર્વોચ્ચ આદર કરીએ છીએ."

ડચ વડાપ્રધાન રોબ ઝેટ્ટેને એક સમારોહમાં ઝેલેન્સ્કીનું સન્માન કર્યું હતું. નેલ્સન મંડેલા, દલાઈ લામા, ભૂતપૂર્વ જર્મન ચાન્સેલર એન્જેલા માર્કેલ અને સંયુક્ત રાષ્ટ્ર અને આંતરરાષ્ટ્રીય રેડ ક્રોસને અગાઉ આ આંતરરાષ્ટ્રીય પુરસ્કારથી સન્માનિત કરવામાં આવ્યા છે.