Paytm: રિઝર્વ બેંક ઓફ ઈન્ડિયાએ (RBI) શુક્રવારે જણાવ્યું હતું કે, તેણે Paytm પેમેન્ટ્સ બેંકને આપવામાં આવેલું બેંકિંગ લાઇસન્સ રદ કરી દીધું છે. એક નિવેદનમાં, RBIએ કહ્યું કે, લાઇસન્સ રદ કરવામાં આવ્યું છે. કારણ કે, બેંકના કાર્યો એવી રીતે ચલાવવામાં આવી રહ્યા હતા, જે બેંક અને તેના થાપણદારોના હિત માટે હાનિકારક હતા.

RBIએ આ મામલે વધુ જણાવતા કહ્યુ કે, બેંકના સંચાલનનું સામાન્ય પાત્ર થાપણદારોના હિત તેમજ જાહેર હિત માટે પ્રતિકૂળ છે. આને કારણે Paytm પેમેન્ટ્સ બેંકને કોઈપણ બેંકિંગ વ્યવસાય કરવા પર પ્રતિબંધ મૂકવામાં આવ્યો છે. RBIએ એમ પણ કહ્યું કે, તે બેંક બંધ કરવા માટે હાઇકોર્ટમાં અરજી દાખલ કરશે.

બેંકે વધુમાં જણાવ્યું છે  કે, પેટીએમ પેમેન્ટ્સ બેંક લિમિટેડ પાસે બેંક બંધ થવાની સ્થિતિમાં તેની સંપૂર્ણ થાપણ જવાબદારી પૂરી કરવા માટે પૂરતું ચલણ છે. Paytm પેમેન્ટ્સ બેંકને 11 માર્ચ, 2022થી નવા ગ્રાહકો ઉમેરવા પર પ્રતિબંધ મૂકવામાં આવ્યો હતો.