PM Narendra Modi: પ્રધાનમંત્રી નરેન્દ્ર મોદીને આજે ઇન્ડોનેશિયાનું સર્વોચ્ચ સન્માન એનાયત કરવામાં આવ્યું છે. પીએમ મોદી અને રાષ્ટ્રપતિ સુબિયાન્તોની હાજરીમાં બંને દેશો વચ્ચે પ્રતિનિધિમંડળ સ્તરની વાટાઘાટો યોજાઈ હતી.

દ્વિપક્ષીય વાટાઘાટો દરમિયાન ભારત અને ઇન્ડોનેશિયા વચ્ચે સંરક્ષણ અને કૃષિ ક્ષેત્રોને લગતા મોટા કરારો પર હસ્તાક્ષર થયા હતા. અગાઉ જકાર્તાના રાષ્ટ્રપતિ મહેલમાં ભારતીય વડાપ્રધાનનું ભવ્ય સ્વાગત કરવામાં આવ્યું હતું. નોંધનીય છે કે, પીએમ મોદી તેમના વિદેશ પ્રવાસના પહેલા તબક્કામાં ઇન્ડોનેશિયા પહોંચ્યા છે. આ પછી, તેઓ મેલબોર્ન, ઓસ્ટ્રેલિયા અને ન્યુઝીલેન્ડની પણ મુલાકાત લેશે. આ મુલાકાત દરમિયાન અન્ય ઘણા મહત્વપૂર્ણ દ્વિપક્ષીય કરારો પર પણ હસ્તાક્ષર થવાની અપેક્ષા છે.

સર્વોચ્ચ સન્માન અંગે પીએમ મોદીએ શું કહ્યું?
પ્રધાનમંત્રી નરેન્દ્ર મોદીએ તેને દેશભરના લાખો ભારતીયોને સમર્પિત કર્યું હતું. તેમણે કહ્યું કે, ‘આજે સવારે મને ખૂબ જ પ્રેમ અને આદર સાથે ઇન્ડોનેશિયાનું સર્વોચ્ચ સન્માન આપવામાં આવ્યું. આ સન્માન લાખો ભારતીયોનું છે. તે ભારત અને ઇન્ડોનેશિયા વચ્ચેના ઐતિહાસિક અને ઊંડા સંબંધોનું પ્રતીક છે. હવે, આપણા સંબંધો વૈશ્વિક સ્તરે પણ વિસ્તરી રહ્યા છે.’