સાપુતારા: ગુજરાત સરકારના કેબિનેટમંત્રી જીતુ વાઘાણી ગત રોજ રક્ષાબંધનની ઉજવણી નિમિત્તે પરિવાર સાથે સાપુતારા પહોંચ્યા હતા. મુલાકાત દરમિયાન તેમણે સાપુતારાના વિવિધ પ્રવાસન સ્થળોની મુલાકાત લઈ કુદરતી સૌંદર્ય અને પ્રવાસન સુવિધાઓનો આનંદ માણ્યો હતો.

મંત્રી જીતુ વાઘાણીએ સાપુતારા પ્રવાસનને લઈને વડાપ્રધાન નરેન્દ્ર મોદીના વિઝનની પ્રશંસા કરી હતી. તેમણે જણાવ્યું હતું કે, વડાપ્રધાન નરેન્દ્ર મોદીની દૂરંદેશી વિચારસરણીને કારણે માત્ર સાપુતારા જ નહીં પરંતુ સમગ્ર ગુજરાતના પ્રવાસન ઉદ્યોગ માટેની વિકાસની દિશામાં સકારાત્મક પરિણામો જોવા મળી રહ્યાં છે.