Yashasvi Jaiswal બેટિંગની સાથે વિકેટકીપિંગ પર કરી રહ્યો છે કામ, મુંબઈ રણજી કેપ્ટને કર્યો ખુલાસો
Yashasvi Jaiswal
Yashasvi Jaiswal બેટિંગની સાથે વિકેટકીપિંગ પર કરી રહ્યો છે કામ, મુંબઈ રણજી કેપ્ટને કર્યો ખુલાસો
Yashasvi Jaiswal
Yashasvi Jaiswal: ભારતીય ક્રિકેટ ટીમના સ્ટાર ઓપનિંગ બેટ્સમેન યશસ્વી જયસ્વાલ માટે આગામી ન્યૂઝીલેન્ડ પ્રવાસ મહત્વપૂર્ણ રહેશે, જે 2026 માં બેટથી ઉત્તમ ફોર્મમાં રહ્યો છે. ટીમ ઈન્ડિયા ન્યુઝીલેન્ડમાં 2 ટેસ્ટ સિરીઝ રમશે, અને આનાથી યશસ્વી જયસ્વાલને સ્વિંગિંગ પરિસ્થિતિઓમાં ઓપનિંગ બેટ્સમેન તરીકે કઠિન કસોટીનો સામનો કરવો પડશે. આની તૈયારીમાં યશસ્વી જયસ્વાલ 2026-27 રણજી ટ્રોફીમાં મુંબઈ તરફથી રમતા જોવા મળશે, આ મેચમાં તેની પાસે તેની તૈયારીઓને વધુ મજબૂત બનાવવાની એક સારી તક હશે.
આ દરમિયાન મુંબઈ રણજી ટ્રોફીના કેપ્ટન સિદ્ધેશ લાડે યશસ્વી જયસ્વાલની તાલીમ અંગે એક મહત્વપૂર્ણ ખુલાસો કર્યો છે. તેને ખુલાસો કર્યો છે કે યશસ્વી જયસ્વાલ આગામી રણજી ટ્રોફી સીઝન પહેલા પોતાની કુશળતાને નિખારીને બેટિંગની સાથે વિકેટકીપિંગ પર પણ કામ કરી રહ્યો છે. તમને જણાવી દઈએ કે મુંબઈએ તાજેતરમાં આગામી રણજી ટ્રોફી માટે પોતાની ટીમની જાહેરાત કરી હતી, જેમાં સૂર્યકુમાર યાદવનો સમાવેશ થતો નથી.
યશસ્વી જયસ્વાલ પોતાની રમતમાં વધારો કરવા માગે છે
મુંબઈ 11 ઓક્ટોબરે વાનખેડે સ્ટેડિયમ ખાતે ચંદીગઢ સામે 2026-27 રણજી ટ્રોફી સીઝનનો પોતાની પહેલી મેચ રમશે, જેમાં યશસ્વી જયસ્વાલ મેદાનમાં ઉતરશે. પરંતુ ન્યુઝીલેન્ડ પ્રવાસને કારણે યશસ્વી જયસ્વાલ બીજી મેચમાં પસંદગી માટે ઉપલબ્ધ રહેશે નહીં. યશસ્વી જયસ્વાલની તૈયારી અંગે, મુંબઈ રણજી ટીમના કેપ્ટન સિદ્ધેશ લાડે મીડિયાને જણાવ્યું હતું કે યશસ્વી જયસ્વાલ એક એવો ખેલાડી છે જેણે વિકેટકીપિંગની પ્રેક્ટિસ શરૂ કરી દીધી છે કારણ કે તેને લાગે છે કે તે તેની રમતમાં કંઈક વધુ ઉમેરવા માગે છે. "મને ખબર નથી કે તેના ઈરાદા શું છે, પરંતુ તે હાલમાં વિકેટકીપિંગની પ્રેક્ટિસ કરી રહ્યો છે, અને જો તે પ્રેક્ટિસ ચાલુ રાખશે, તો તે તેની આદત પડી જશે."
પ્રેક્ટિસ મેચમાં યશસ્વી જયસ્વાલે લગભગ 10 ઓવર સુધી વિકેટ કીપિંગ કરી
હાલમાં વિશ્વના બેસ્ટ ઓપનિંગ બેટ્સમેનોમાંથી એક માનવામાં આવતા યશસ્વી જયસ્વાલ, ચંદીગઢ સામેની રણજી ટ્રોફી મેચ પહેલા મુંબઈની પ્રેક્ટિસ મેચ દરમિયાન લગભગ 10 ઓવર સુધી વિકેટ રાખી હતી. એ વાત સમજી શકાય છે કે યશસ્વી જયસ્વાલ, જે ઘણીવાર નેટમાં લેગ સ્પિન બોલિંગ કરતા જોવા મળે છે, તે હવે બેકઅપ વિકેટકીપર તરીકે પોતાને તૈયાર કરી રહ્યો છે.
આ પણ વાંચો: India Vs Pakistan મેચ આ દિવસે રમાશે, U19 એશિયા કપ 2026નું શેડ્યૂલ જાહેર
