Shreyas Iyerએ એમએસ ધોનીનો રેકોર્ડ તોડ્યો, T20 કેપ્ટનશીપમાં નંબર 1 બન્યો

Shreyas Iyer: T20 ક્રિકેટમાં મોટા સ્કોર બનાવવા અને ટીમને આક્રમક રમત માટે સતત તૈયાર કરવી સરળ નથી. પરંતુ શ્રેયસ ઐયરની કેપ્ટનશીપ હેઠળ, ટીમ ઈન્ડિયાના બેટ્સમેન મુક્તપણે રમી રહ્યા છે અને સતત રેકોર્ડ તોડી રહ્યા છે. આ જ કારણ છે કે શ્રેયસ ઐયરે પોતાની કેપ્ટનશીપ હેઠળ એવો રેકોર્ડ બનાવ્યો છે કે તેને મહેન્દ્ર સિંહ ધોની જેવા દિગ્ગજ કેપ્ટનને પણ પાછળ છોડી દીધો છે.

હકીકતમાં શ્રેયસ ઐયર હવે T20 ક્રિકેટના ઈતિહાસમાં સૌથી વધુ વખત 200 કે તેથી વધુ રન બનાવનાર ટીમના કેપ્ટનના લિસ્ટમાં પ્રથમ સ્થાને પહોંચી ગયો છે. અત્યાર સુધીમાં શ્રેયસ ઐયરની કેપ્ટનશીપ હેઠળ ટીમોએ T20 મેચમાં 37 વખત 200 કે તેથી વધુ રન બનાવ્યા છે.

આ બાબતમાં તેને ભૂતપૂર્વ ભારતીય કેપ્ટન એમએસ ધોનીને પાછળ છોડી દીધો છે, જેમની કેપ્ટનશીપમાં આવું 36 વખત બન્યું હતું. ખાસ વાત એ છે કે શ્રેયસ ઐયરે ધોની કરતા ઘણી ઓછી મેચોમાં આ સિદ્ધિ મેળવી છે. વિરાટ કોહલી આ ખાસ લિસ્ટમાં ત્રીજા સ્થાને છે. ફાફ ડુ પ્લેસિસ ચોથા સ્થાને છે અને રોહિત શર્મા પાંચમા સ્થાને છે.

T20 કેપ્ટન તરીકે સૌથી વધુ 200+ સ્કોર

37 વખત - શ્રેયસ ઐયર (133 મેચ)

36 વખત - એમએસ ધોની (331 મેચ)

29 વખત - વિરાટ કોહલી (193 મેચ)

27 વખત - ફાફ ડુ પ્લેસિસ (235 મેચ)

25 વખત - રોહિત શર્મા (225 મેચ)

ભારતે જીત સાથે લીડ મેળવી

ઈન્દોરમાં રમાયેલી ત્રીજી T20I મેચમાં ભારતે વેસ્ટ ઈન્ડીઝને 14 રનથી હરાવીને 5 મેચની સિરીઝમાં 2-1ની લીડ મેળવ્યા બાદ આ રેકોર્ડ ચર્ચામાં આવ્યો છે. ભારતે પ્રથમ બેટિંગ કરતા 223 રન બનાવ્યા હતા. જવાબમાં વેસ્ટ ઈન્ડીઝ નિર્ધારિત ઓવરોમાં 7 વિકેટે 209 રન જ બનાવી શક્યું.

ભારત તરફથી અભિષેક શર્માએ 30 બોલમાં 69 રનની વિસ્ફોટક ઈનિંગ રમી. તેને પોતાની ઈનિંગમાં 6 ચોગ્ગા અને 5 છગ્ગા ફટકાર્યા. ઈશાન કિશને પણ 37 રનનું યોગદાન આપ્યું. અર્શદીપ સિંહે બોલિંગમાં મહત્વપૂર્ણ ભૂમિકા ભજવી અને 3 વિકેટ લઈને વેસ્ટ ઈન્ડીઝને લક્ષ્ય સુધી પહોંચતા અટકાવ્યું. ભારતે આખરે 14 રનથી મેચ જીતી લીધી.

આ પણ વાંચો: Ind Vs WI: રોસ્ટન ચેઝે રચ્યો ઈતિહાસ, ભારત સામે સૌથી વધુ વિકેટ લેનાર વેસ્ટ ઈન્ડીઝનો બોલર બન્યો