Asian Games 2026: ભારતની એશિયન ગેમ્સની સેમીફાઈનલ કેટલા વાગ્યે શરૂ થશે? જાણો ડિટેલ્સ

Asian Games 2026: ભારતીય વિમેન્સ ક્રિકેટ ટીમે 2026 એશિયન ગેમ્સમાં સેમીફાઈનલમાં સ્થાન મેળવ્યું છે. સેમીફાઈનલ મેચ થોડા કલાકોમાં શરૂ થશે. ભારતીય ટીમ બીજી સેમીફાઈનલમાં બાંગ્લાદેશનો સામનો કરશે. આ મેચ રવિવાર 20 સપ્ટેમ્બરના રોજ રમાશે.

આ ટીમ એશિયન ગેમ્સની સેમીફાઈનલમાં પહોંચી

એશિયન ગેમ્સમાં વિમેન્સ ક્રિકેટ ટુર્નામેન્ટની સેમીફાઈનલમાં 4 ટીમ પહોંચી છે. ભારત, પાકિસ્તાન, શ્રીલંકા અને બાંગ્લાદેશ સેમીફાઈનલમાં છે. ભારતની મેચ બાંગ્લાદેશ સામે થશે, જ્યારે પાકિસ્તાનની મેચ શ્રીલંકા સામે થશે.

પહેલી મેચ 20 સપ્ટેમ્બરે પાકિસ્તાન અને શ્રીલંકા વચ્ચે રમાશે. મેચ ભારતીય સમય મુજબ સવારે 5:30 વાગ્યે શરૂ થશે, જેમાં ટોસ અડધો કલાક પહેલા, સાંજે 5:00 વાગ્યે થશે. જે પણ ટીમ જીતશે તે ફાઈનલમાં પહોંચશે.

કેટલા વાગ્યે શરૂ થશે મેચ

આ પછી ભારતીય ટીમની મેચ શરૂ થશે. ભારત અને બાંગ્લાદેશ વચ્ચેની બીજી સેમીફાઈનલ મેચ ભારતીય સમય મુજબ સવારે 10:30 વાગ્યે રમાશે. ટોસ તેના અડધા કલાક પહેલા એટલે કે સવારે 10 વાગ્યે થશે. જો મેચ સમયસર શરૂ થાય અને યોગ્ય સમય મુજબ રમાશે, તો તે બપોરે 1 વાગ્યાની આસપાસ સમાપ્ત થશે.

ભારત વિરુદ્ધ બાંગ્લાદેશ મેચમાં જે પણ ટીમ જીતશે તે ફાઈનલમાં પહોંચશે. ફાઈનલમાં પહોંચનારી બંને ટીમો મેડલની ખાતરી કરશે. પરંતુ ભારતને ગોલ્ડ મેડલનો દાવેદાર માનવામાં આવે છે. હરમનપ્રીત કૌરની આગેવાની હેઠળની ટીમ ઈન્ડિયા સેમીફાઇનલમાં કેવું પ્રદર્શન કરે છે તે જોવાનું રહેશે.

ભારતે ક્વાર્ટર ફાઈનલમાં જાપાનને ખરાબ રીતે હરાવ્યું

ભારતીય ટીમે ક્વાર્ટર ફાઈનલ મેચમાં જાપાનને હરાવવામાં સફળતા મેળવી. પ્રથમ બેટિંગ કરતા જાપાન 19.5 ઓવરમાં ફક્ત 57 રન જ બનાવી શક્યું. જવાબમાં ભારતે ફક્ત 30 બોલમાં 59 રન બનાવીને 5 ઓવરમાં 2 વિકેટ ગુમાવીને મેચ જીતી લીધી .

આ પણ વાંચો: Abhishek Sharmaની રેકોર્ડબ્રેક ઈનિંગ પછી યુવરાજ સિંહની પોસ્ટ વાયરલ, કહ્યું- "જ્યારે દુનિયા પથ્થર ફેંકે..."