Asian Games 2026: ભારતે જેવલિન થ્રો ગેમમાં મચાવી ધૂમ, યશવીર સિંહે જીત્યો સિલ્વર મેડલ, રોહિત યાદવે જીત્યો બ્રોન્ઝ

Asian Games 2026: 28 સપ્ટેમ્બરનો દિવસ 2026 એશિયન ગેમ્સમાં ભારતીય ખેલાડીઓ માટે ખૂબ જ મહત્વપૂર્ણ હતો. જેવલિન થ્રોમાં ભારતનું પ્રભુત્વ રહ્યું. 2 ભારતીય ખેલાડીઓએ સારું પ્રદર્શન કરીને સિલ્વર અને બ્રોન્ઝ મેડલ જીત્યા. સ્ટાર એથ્લીટ યશવીર સિંહે સિલ્વર મેડલ જીત્યો, જ્યારે ભારતના રોહિત યાદવે બ્રોન્ઝ મેડલ જીત્યો.

આ પ્રદર્શન સ્ટાર જેવલિન ફેંકનાર નીરજ ચોપરાની ગેરહાજરીમાં થયું. નીરજ ચોપરા ઈજાને કારણે 2026 એશિયન ગેમ્સમાં ભાગ લઈ શક્યો ન હતો. તેથી, જેવલિન થ્રોમાં મેડલ જીતવાની જવાબદારી રોહિત યાદવ અને યશવીર સિંહના ખભા પર આવી ગઈ. બંનેએ આ જવાબદારી પ્રશંસનીય રીતે નિભાવી, ભારત માટે 2 મેડલ જીતવાની સિદ્ધિ હાંસલ કરી.

યશવીર સિંહે વ્યક્તિગત બેસ્ટ પ્રદર્શન કર્યું

યશવીર સિંહે સિલ્વર મેડલ જીતવાના પોતાના અંતિમ પ્રયાસમાં વ્યક્તિગત બેસ્ટ પ્રદર્શન કર્યું, જ્યારે રોહિત યાદવે બ્રોન્ઝ મેડલ જીત્યો. અંતિમ પ્રયાસ સુધી યશવીરની સ્પર્ધા તીવ્ર રહી. તેને પોતાના અંતિમ પ્રયાસમાં 85.72 મીટરના થ્રો સાથે વ્યક્તિગત બેસ્ટ પ્રદર્શન કર્યું. આ પ્રભાવશાળી થ્રોએ તેને બીજું સ્થાન અને સિલ્વર મેડલ અપાવ્યો.

રુમેશ પથિરાગે ગોલ્ડ મેડલ જીત્યો

આ દરમિયાન રોહિત યાદવે પણ 84.35 મીટરના થ્રો સાથે ત્રીજું સ્થાન મેળવ્યું. તેનો અંતિમ પ્રયાસ ફાઉલ જાહેર થયો હતો, પરંતુ તેનો અગાઉનો 84.35 મીટરનો થ્રો તેને પોડિયમ પર સ્થાન મેળવવા માટે પૂરતો હતો. આમ ભારતે આ ઈવેન્ટમાં સિલ્વર અને બ્રોન્ઝ બંને મેડલ મેળવ્યા.

ગોલ્ડ મેડલ શ્રીલંકાના ઈમર્જિંગ ખેલાડી રુમેશ પથિરાજને મળ્યો. તેને પોતાના અંતિમ પ્રયાસમાં 88.55 મીટરનો શાનદાર થ્રો કરીને ગોલ્ડ મેડલ મેળવ્યો. તેનો અંતિમ થ્રો માત્ર સૌથી લાંબો જ ન હતો પણ સ્પર્ધાનો નિર્ણાયક ક્ષણ પણ સાબિત થયો. રુમેશ પથિરાજે અગાઉ 2026 કોમનવેલ્થ ગેમ્સમાં ગોલ્ડ મેડલ જીત્યો હતો. નીરજ ચોપરાએ સિલ્વર મેડલ જીત્યો હતો, જ્યારે યશવીર સિંહે બ્રોન્ઝ મેડલ જીત્યો હતો.

આ પણ વાંચો: WPL 2027 પહેલા અનુભવી ખેલાડીઓ થયા રિલીઝ, જુઓ રિટેન્શન લિસ્ટ