Asian Games 2026: ભારતીય મેન્સ બેડમિન્ટન ટીમે ક્વાર્ટર ફાઈનલમાં સ્થાન મેળવ્યું, બાંગ્લાદેશને 3-0થી હરાવ્યું

Asian Games 2026: ભારતીય પુરુષોની બેડમિન્ટન ટીમે એશિયન ગેમ્સ 2026ની શાનદાર શરૂઆત કરી. લક્ષ્ય સેન, આયુષ શેટ્ટી અને કિદામ્બી શ્રીકાંતે શાનદાર પ્રદર્શન કરીને બાંગ્લાદેશને એકતરફી ગેમમાં 3-0થી હરાવ્યું.

લક્ષ્ય સેને કર્યું શાનદાર પ્રદર્શન

લક્ષ્ય સેને ભારતને મેચમાં મજબૂત શરૂઆત અપાવી. બાંગ્લાદેશના આયમાન ઈબ્ન ઝમાન સામે રમતા, લક્ષ્યે એક શક્તિશાળી રમતનું પ્રદર્શન કર્યું. તેને પહેલી ગેમમાં સંપૂર્ણ પ્રભુત્વ મેળવ્યું, એક પછી એક શક્તિશાળી શોટ લગાવીને 21-4ના મોટા માર્જિનથી રમત જીતી લીધી. લક્ષ્યે બીજી ગેમમાં આ ગતિ જાળવી રાખી, બીજી ગેમ 21-12થી જીતી, જેનાથી ભારતને મેચમાં 1-0ની લીડ મળી. ઝમાનને લક્ષ્યના શક્તિશાળી સ્મેશનો કોઈ જવાબ મળ્યો નહીં.

આયુષ શેટ્ટીએ પણ કર્યું શાનદાર પ્રદર્શન

આ દરમિયાન BWF વર્લ્ડ ચેમ્પિયનશિપમાં પોતાના પ્રભાવશાળી પ્રદર્શનથી ચર્ચામાં રહેલા આયુષ શેટ્ટીએ બીજી મેચમાં શાનદાર પ્રદર્શન કર્યું. બાંગ્લાદેશી ખેલાડી ગૌરવ સિંઘા પર આયુષે સંપૂર્ણ રીતે પ્રભુત્વ મેળવ્યું, તેને વાપસી કરવાની કોઈપણ તક આપી નહીં. આયુષે પહેલી ગેમ 21-4થી જીતી. બીજી ગેમમાં તેને પોતાનું વર્ચસ્વ જાળવી રાખ્યું, 21-13થી જીતીને ભારતની લીડ 2-0 સુધી વધારી દીધી.

શ્રીકાંતને પહેલી ગેમ જીતવા માટે સંઘર્ષ કરવો પડ્યો

ત્રીજી મેચમાં કિદામ્બી શ્રીકાંતનું પ્રદર્શન પણ શાનદાર રહ્યું. તેને બાંગ્લાદેશી ખેલાડી જુમાર અલ-અમીનને હરાવીને ભારતની જીત પાક્કી કરી. પરંતુ શ્રીકાંતને પહેલી ગેમ જીતવા માટે સંઘર્ષ કરવો પડ્યો હતો, પરંતુ તે 21-15થી જીતવામાં સફળ રહ્યો.

બીજી ગેમમાં, શ્રીકાંતે જુમારને વાપસી કરવાની કોઈપણ તક નકારી કાઢી, 21-10થી જીતીને બાંગ્લાદેશની હાર પર મહોર લગાવી. આ જીત સાથે, ભારતીય પુરુષ ટીમે ક્વાર્ટર ફાઈનલમાં પોતાનું સ્થાન નિશ્ચિત કરી લીધું છે. ભારત હવે મંગળવારે ક્વાર્ટર ફાઈનલમાં જાપાનનો સામનો કરશે. ભારતીય પુરુષ ટીમ માટે જીત તેમનો મેડલ સુનિશ્ચિત કરશે.

આ પણ વાંચો: Abhishek Anand: બિહારથી જાપાન સુધીની સફર... ક્રિકેટની જુનૂને અભિષેક આનંદ આપી એક નવી ઓળખ