Asian Games 2026: ગુલવીર સિંહે એશિયન ગેમ્સમાં જીત્યો ત્રીજો મેડલ, 5000 મીટર દોડમાં કર્યું શાનદાર પ્રદર્શન

Asian Games 2026: ભારતીય દોડવીર ગુલવીર સિંહ એક પછી એક શાનદાર સિદ્ધિઓ હાંસલ કરી રહ્યો છે. તેને એશિયન ગેમ્સ 2026માં પોતાનો ત્રીજો મેડલ જીત્યો છે. આ વખતે ગુલવીરએ પુરુષોની 5000 મીટર દોડની ફાઈનલમાં 13:32.75ના સમય સાથે બ્રોન્ઝ મેડલ જીત્યો. બહેરીનના દોડવીર બિરહાનુ બાલેવે આ ઈવેન્ટમાં 13:30.79ના સમય સાથે ગોલ્ડ મેડલ જીત્યો.

ગુલવીરે 2026 એશિયન ગેમ્સમાં ત્રણ મેડલ જીતવાની સિદ્ધિ હાંસલ કરી છે. આ સાથે વર્તમાન એશિયન ગેમ્સમાં 3 મેડલ જીતવાની સિદ્ધિ પણ પ્રાપ્ત થઈ. તે એક જ એશિયન ગેમ્સમાં ત્રણ કે તેથી વધુ મેડલ જીતનાર માત્ર બીજો ભારતીય ખેલાડી બન્યો.

બિરહાનુ બાલ્યુએ ગોલ્ડ મેડલ જીત્યો

ગુલવીરે 5000 મીટર દોડ પૂર્ણ કરવા માટે 13 મિનિટ 32.75 સેકન્ડનો સમય કાઢ્યો. તે બહેરીનના બિરહાનુ બાલ્યુ અને જાપાનના ટોમોનોરી યામાગુચી પછી ત્રીજા સ્થાને રહ્યો. બિરહાનુ બાલ્યુએ 13 મિનિટ 30.79 સેકન્ડના સમય સાથે ગોલ્ડ મેડલ જીત્યો, જ્યારે જાપાનના ટોમોનોરી યામાગુચીએ 13 મિનિટ 31.43 સેકન્ડના સમય સાથે સિલ્વર મેડલ જીત્યો.

https://twitter.com/afiindia/status/2104897044926382425

ગુલવીરે સિંહે મેડલનો કર્યો વરસાદ

5000 મીટરનો બ્રોન્ઝ મેડલ એશિયન ગેમ્સમાં ગુલવીરનો ત્રીજો મેડલ છે. તેને અગાઉ પુરુષોની 1500 મીટર અને 10,000 મીટર દોડમાં સિલ્વર મેડલ જીત્યો હતો. ગુલવીરે 1500 મીટરની ફાઈનલમાં 3 મિનિટ 31.13 સેકન્ડનો સમય કાઢ્યો હતો. તેને 10,000 મીટર દોડમાં પણ 28 મિનિટ 29.38 સેકન્ડનો સમય પસાર કરીને સિલ્વર મેડલ જીત્યો હતો.

10,000 મીટરમાં સિલ્વર મેડલ જીતવો એ ગુલવીર માટે એક સુધારો હતો, કારણ કે તેને હાંગઝોઉમાં અગાઉની ઈવેન્ટમાં બ્રોન્ઝ મેડલ જીત્યો હતો. ગુલવીરે આ વર્ષની શરૂઆતમાં કોમનવેલ્થ ગેમ્સમાં પણ 2 મેડલ જીત્યા હતા. તેને કોમનવેલ્થ ગેમ્સમાં 10,000 મીટરમાં સિલ્વર અને 5000 મીટરમાં બ્રોન્ઝ મેડલ જીત્યો હતો.

આ પણ વાંચો: Sree Charaniએ રચ્યો ઈતિહાસ, ICC રેન્કિંગમાં ઓસ્ટ્રેલિયન બોલરનો ઓલ ટાઈમ રેકોર્ડ તોડ્યો