Aman Sehrawatએ વિશ્વના નંબર 1 કુસ્તીબાજને હરાવ્યો, ભારતને અપાવ્યો 20મો ગોલ્ડ મેડલ

Aman Sehrawat: અમન સેહરાવતે ગોલ્ડ મેડલ જીત્યો છે. તેને પુરુષોની 57 કિગ્રા સ્પર્ધાની ફાઈનલમાં વિશ્વના નંબર એક કુસ્તીબાજને હરાવ્યો હતો. છેલ્લી ઘડી સુધી મેચ રોમાંચક રહી હતી, જેમાં અમને નોર્થ કોરિયાના ચોંગ સોંગને 11-7 થી હરાવીને ગોલ્ડ મેડલ જીત્યો હતો.

એશિયન ગેમ્સ 2026માં આ ભારતનો 20મો ગોલ્ડ મેડલ છે અને કુસ્તીમાં એકંદરે બીજો ગોલ્ડ મેડલ છે. એશિયન ગેમ્સમાં આ અમન સેહરાવતનો પહેલો ગોલ્ડ મેડલ છે. તેને 2022 એશિયન ગેમ્સમાં બ્રોન્ઝ મેડલથી સંતોષ માનવો પડ્યો હતો.

કુસ્તીની મેચ 6 મિનિટ ચાલે છે, જેમાં 3 મિનિટના 2 રાઉન્ડ હોય છે. અમન શરૂઆતમાં 2-0થી આગળ હતો અને પ્રથમ 3 મિનિટ પછી પણ તે તેના કોરિયન પ્રતિસ્પર્ધીથી આગળ હતો. પરંતુ ચોંગ સોંગે આગામી 3 મિનિટમાં બતાવ્યું કે તે શા માટે વિશ્વનો નંબર વન છે. અમન સેહરાવત થાકી ગયો હોવા છતાં, તેને મેચની ચોથી અને પાંચમી મિનિટમાં સંપૂર્ણ રીતે પ્રભુત્વ મેળવ્યું.

છેલ્લી ઘડીએ મેચનું પલટી

મેચમાં ફક્ત 1 મિનિટ બાકી હતી ત્યારે ચોંગ સોંગે અમન પર 7-6 ની લીડ મેળવી લીધી. નોર્થ કોરિયન પહેલવાનના આક્રમક અભિગમને કારણે એવું લાગતું હતું કે અમન સેહરાવત પાછળ પડી જશે. પરંતુ અંતિમ મિનિટમાં ચોંગ સોંગ પોતાની આક્રમકતામાં ફસાઈ ગયો, જેનો અમનને ફાયદો થયો.

અંતિમ મિનિટમાં અમન તેના વિરોધીના ટેકડાઉન પ્રયાસ પર વળતો હુમલો કર્યો અને તેને મેટ પર પછાડી દીધો, જેનાથી 2 મહત્વપૂર્ણ પોઈન્ટ મળ્યા. આ દરમિયાન નોર્થ કોરિયાની ટીમે રેફરીના નિર્ણયને પડકાર્યો, પરંતુ તે તેમના પર ઉલટો પડ્યો. અંતે અમન સેહરાવતે 11-7 થી જીત મેળવી.

ભારત પાસે 20 ગોલ્ડ મેડલ

અમન સેહરાવતે એશિયન ગેમ્સમાં ભારતનો 20મો ગોલ્ડ મેડલ જીત્યો. અત્યાર સુધીમાં ભારતે 2026 એશિયન ગેમ્સમાં 20 ગોલ્ડ, 26 સિલ્વર અને 36 બ્રોન્ઝ મેડલ જીત્યા છે. ભારતીય ખેલાડીઓએ કુલ 82 મેડલ જીત્યા છે, જેનાથી ભારત મેડલ ટેબલમાં પાંચમા નંબરે છે.

આ પણ વાંચો: India Vs Pakistanએ સાથે મળીને રચ્યો ઈતિહાસ, T20I ક્રિકેટમાં પહેલીવાર હાંસલ કરી આ સિદ્ધિ