Pakistan: ખૈબર પખ્તૂનખ્વામાં નમાજ દરમિયાન મોટો બ્લાસ્ટ, 10થી વધુ લોકોના મોત

Pakistan: પાકિસ્તાનના ખૈબર પખ્તૂનખ્વાના કોહાટમાં જુની પોલીસ લાઈન્સ પાસે શુક્રવારની નમાજ દરમિયાન એક શક્તિશાળી વિસ્ફોટ થયો હતો. મીડિયા રિપોર્ટ મુજબ10થી વધુ લોકોના મોત થયા છે અને ઘણા લોકો ઘાયલ થયા છે.

પોલીસના જણાવ્યા મુજબ વિસ્ફોટકોથી ભરેલું એક વાહન ઓલ્ડ પોલીસ લાઈન્સના ગેટ સાથે અથડાયાના અહેવાલ મુજબ વિસ્ફોટ અને ગોળીબાર થયો. વિસ્ફોટથી મસ્જિદની બહાર એક ખાડો પડી ગયો, જેના કારણે તેનો બાહ્ય ભાગમાં નુકસાન થયું અને દિવાલ ધરાશાયી થઈ ગઈ. નજીકના મકાનોને પણ નુકસાન થયું હોવાના સમાચાર છે.

હોસ્પિટલના અધિકારીઓના જણાવ્યા મુજબ 25 ઘાયલ લોકોને કોહાટની DHQ હોસ્પિટલમાં લાવવામાં આવ્યા હતા, ત્યારબાદ ઈમરજન્સી જાહેર કરવામાં આવી હતી. ઘાયલ થયેલા લોકોમાં પોલીસકર્મીઓનો પણ સમાવેશ થતો હોવાનું જાણવા મળ્યું છે. Rescue 1122 ટીમો ઘટનાસ્થળે પહોંચી હતી અને ઘાયલોને હોસ્પિટલ પહોંચાડવાનું શરૂ કર્યું હતું.

સુરક્ષા દળોએ વિસ્તારને ઘેરી લીધો

પોલીસ અને સુરક્ષા દળોએ ઓલ્ડ પોલીસ લાઈન્સને ઘેરી લીધી હતી અને સર્ચ અને ક્લિયરન્સ ઓપરેશન ચાલુ હતું. કોહાટ-હાંગુ રોડ હાલમાં વાહન વ્યવહાર માટે બંધ કર્યો હોવાના સમાચાર છે. વિસ્તારમાં વધારાના સુરક્ષા દળો તૈનાત કરવામાં આવ્યા હતા.

ચાલી રહી છે તપાસ

અધિકારીઓ વિસ્ફોટની પરિસ્થિતિ અને જવાબદાર લોકોની ઓળખની તપાસ કરી રહ્યા હતા. વિસ્ફોટ પછી ગોળીબારના અવાજ પણ સાંભળવા મળ્યા હતા. ઘટનામાં મોત થયા હોવાની પુષ્ટિ થઈ હતી અને અન્ય માહિતીની રાહ જોવાઈ રહી છે.

આ પણ વાંચો: Yudh Abhyas 2026: ભારત-અમેરિકાના જવાનોએ કર્યો સંયુક્ત અભ્યાસ, ઔલીમાં આતંકવાદ વિરોધી ઓપરેશનની કરી ડ્રિલ