Ebola Virus : ડેમોક્રેટિક રિપબ્લિક ઓફ કોંગોમાં ઇબોલા વાયરસનો કહેર, અત્યાર સુધી 3000 થી વધુના મોત
Ebola Virus
Ebola Virus : ડેમોક્રેટિક રિપબ્લિક ઓફ કોંગોમાં ઇબોલા વાયરસનો કહેર, અત્યાર સુધી 3000 થી વધુના મોત
Ebola Virus
Ebola Virus : 2 સપ્ટેમ્બર 2026ના અહેવાલ મુજબ અત્યાર સુધીમાં 3,007 લોકોનાં મોત નોંધાયા છે, જ્યારે 6,186 કન્ફર્મ કેસ સામે આવ્યા છે. આ પ્રકોપને કોંગોના ઇતિહાસમાં અત્યાર સુધીનો સૌથી ઘાતક ઇબોલા પ્રકોપ ગણાવવામાં આવી રહ્યો છે.
આ ઇબોલા પ્રકોપની શરૂઆત મે 2026માં ઇટુરી પ્રાંતમાંથી થઈ હતી. ત્યારબાદ વાયરસનો ફેલાવો વધતો ગયો અને હવે દેશના છ પ્રાંતો સુધી અસર પહોંચી છે.
કોંગોમાં ઇબોલા મહામારીનો કહેર
વર્લ્ડ હેલ્થ ઓર્ગેનાઇઝેશન (WHO)ના તાજેતરના અહેવાલ મુજબ આ પ્રકોપમાં Bundibugyo speciesનો ઇબોલા વાયરસ જવાબદાર છે.આ પ્રકોપની સૌથી મોટી ચિંતાઓમાંની એક તેનો ઊંચો મૃત્યુદર છે. WHOના 26 ઓગસ્ટના આંકડા મુજબ જ 5,794 કન્ફર્મ કેસમાંથી 2786 લોકોનાં મોત થયા હતા, જે લગભગ 48.1 ટકાનો કેસ-ફેટાલિટી રેશિયો દર્શાવે છે.
ત્યારબાદના સત્તાવાર આંકડામાં મૃત્યુઆંક 3000ને વટાવી ગયો છે. કોંગોમાં ઇબોલા સામેની લડાઈ અનેક પડકારો વચ્ચે ચાલી રહી છે. અસરગ્રસ્ત વિસ્તારોમાં અસુરક્ષા, લોકોનું સ્થળાંતર, નબળી આરોગ્ય વ્યવસ્થા અને આરોગ્ય કેન્દ્રો સુધી પહોંચવામાં મુશ્કેલીને કારણે સંક્રમણની ચેઇન તોડવી મુશ્કેલ બની રહી છે. WHOના જણાવ્યા મુજબ આ પરિસ્થિતિમાં લોકોની સતત અવરજવર અને આરોગ્ય સેવાઓની મર્યાદિત પહોંચ પણ જોખમ વધારી રહી છે.
કોંગોમાં ઇબોલાનો કહેર
હાલની પરિસ્થિતિમાં વધુ એક મહત્વની બાબત એ છે કે Bundibugyo strain માટે હાલમાં કોઈ મંજૂર ચોક્કસ સારવાર અથવા વેક્સિન ઉપલબ્ધ નથી. જોકે સંશોધન અને ક્લિનિકલ ટ્રાયલ દ્વારા નવા વિકલ્પો વિકસાવવામાં આવી રહ્યા છે. દરમિયાન, ફ્રન્ટલાઇન હેલ્થ વર્કર્સને Ervebo વેક્સિન આપવાનું શરૂ કરવામાં આવ્યું છે, જે ઇબોલાના અલગ Zaire strain સામે મંજૂર છે.WHO અને સ્થાનિક સત્તાધિકારીઓ દ્વારા સર્વેલન્સ, કોન્ટેક્ટ ટ્રેસિંગ, ટેસ્ટિંગ, સારવારની તૈયારી અને જનજાગૃતિ સહિતના પગલાં લેવામાં આવી રહ્યા છે.
3,000થી વધુ લોકોનાં મોત અને 6,000થી વધુ કેસ સાથે કોંગોમાં ઇબોલાની સ્થિતિ વૈશ્વિક આરોગ્ય માટે ગંભીર ચિંતાનો વિષય બની છે. હવે સંક્રમણની ચેઇન કેટલી ઝડપથી તોડી શકાય છે અને નવા કેસોને કાબૂમાં લેવા માટે આરોગ્ય તંત્ર કેટલું અસરકારક સાબિત થાય છે તેના પર સમગ્ર વિશ્વની નજર છે.
Vivek Shah
વિવેક શાહ મિડીયા ક્ષેત્રે બહોળો અનુભવ ધરાવે છે, TV9 Gujaratiમાં તેમણે રીપોર્ટર અને પ્રોડયુસર તરીકે પણ 7 વર્ષ કરતા વધુ સમય કામ કર્યુ છે, સાથે સાથે ABP Asmitaમાં 2 વર્ષ જેટલો સમય Associate Producer તરીકે કામ કર્યુ છે અને Sandesh NEWS Digitalમાં છેલ્લા 2 વર્ષ Senior Sub Editor તરીકે કામ કર્યુ છે. ગુજરાત ફર્સ્ટમાં Assistant Ediotor તરીકે તેમણે 3 મહિના કામ કર્યુ અને હાલમાં તેઓ Growthnow NEWS માં Senior Assignment Editor તરીકે ડિજિટલ વિભાગમાં કામ કરી રહ્યાં છે.
