Surat માં બાપ્પાનું ‘ભૂતિયા’ રૂપ, અડાજણમાં અનોખી થીમ જોવા ઉમટ્યા લોકો
Haunted Ganpati Theme
Surat માં બાપ્પાનું ‘ભૂતિયા’ રૂપ, અડાજણમાં અનોખી થીમ જોવા ઉમટ્યા લોકો
Haunted Ganpati Theme
Surat : અહીં શક્તિ ફાયટર ગ્રુપ દ્વારા આ વખતે ‘ભૂતિયા’ થીમ પર ગણપતિ બાપાની સ્થાપના કરવામાં આવી છે. ભક્તિ સાથે હોરર અને રોમાંચનો અનુભવ કરાવતી આ થીમ જોવા માટે મોટી સંખ્યામાં લોકો અડાજણ પહોંચી રહ્યા છે. શક્તિ ફાયટર ગ્રુપ દ્વારા દર વર્ષે ગણપતિ મહોત્સવમાં અલગ-અલગ અને અનોખી થીમ તૈયાર કરવામાં આવે છે.
આ વર્ષે પણ ગ્રુપે કંઈક અલગ કરવાનો પ્રયાસ કર્યો છે. ભૂતિયા થીમમાં વિવિધ હોરર આકૃતિઓ અને વાતાવરણ ઊભું કરવામાં આવ્યું છે, જેના કારણે દર્શન માટે આવતા લોકોમાં ઉત્સુકતા જોવા મળી રહી છે.
સુરતમાં ગણપતિની અનોખી થીમ
ખાસ કરીને બાળકોને ધ્યાનમાં રાખીને આ થીમ તૈયાર કરવામાં આવી હોવાનું આયોજકો દ્વારા જણાવવામાં આવ્યું છે. થીમમાં હોરર સાથે એક ખાસ સંદેશ પણ રજૂ કરવાનો પ્રયાસ કરવામાં આવ્યો છે. વ્યક્તિની અંદર સારા અને ખરાબ બંને પ્રકારના ગુણો રહેલા હોય છે અને યોગ્ય માર્ગ પસંદ કરવાનો સંદેશ આ થીમ દ્વારા આપવાનો પ્રયાસ કરવામાં આવ્યો છે.
આ અનોખી થીમને કારણે અડાજણ ખાતે સ્થાપિત ગણપતિ બાપ્પાના દર્શન સાથે લોકો હોરર થીમનો અનુભવ પણ કરી રહ્યા છે. દૂર-દૂરથી લોકો અહીં આવીને બાપ્પાના દર્શન કરે છે અને ત્યારબાદ સમગ્ર થીમને નિહાળે છે. શક્તિ ફાયટર ગ્રુપ માટે આ પ્રકારની થીમ તૈયાર કરવી નવી વાત નથી.
છેલ્લા 35 વર્ષથી કરે છે અલગ થીમ પર ગણપતિ
છેલ્લા 35 વર્ષથી ગ્રુપ દ્વારા ગણપતિ મહોત્સવ દરમિયાન અલગ-અલગ થીમ તૈયાર કરવામાં આવે છે. દર વર્ષે કંઈક નવું રજૂ કરવાની પરંપરાને કારણે સ્થાનિક લોકોમાં પણ આ ગણપતિ સ્થાપનાને લઈને ઉત્સુકતા રહે છે. આ વખતે તૈયાર કરવામાં આવેલી ભૂતિયા થીમમાં ભક્તિ અને મનોરંજનનો અનોખો સમન્વય જોવા મળી રહ્યો છે. ગણપતિ બાપ્પાના દર્શન કરવા આવતા લોકો માટે પંડાલમાં અલગ પ્રકારનું વાતાવરણ ઊભું કરવામાં આવ્યું છે.
થીમને જોવા માટે લોકો પરિવાર સાથે પણ પહોંચી રહ્યા છે. બાળકોમાં ખાસ કરીને હોરર થીમને લઈને ઉત્સુકતા જોવા મળી રહી છે. જોકે, થીમનો મુખ્ય ઉદ્દેશ માત્ર ડરાવવાનો નહીં પરંતુ વ્યક્તિના વ્યક્તિત્વમાં રહેલા સારા અને ખરાબ પાસાઓ અંગે વિચારવાનો સંદેશ આપવાનો હોવાનું આયોજકોનું કહેવું છે. અડાજણમાં બાપ્પાની આ અનોખી સ્થાપના અને ભૂતિયા થીમ હાલ સ્થાનિકોમાં ચર્ચાનો વિષય બની છે. ભક્તિ, સર્જનાત્મકતા અને અનોખી થીમના સંગમને કારણે શક્તિ ફાયટર ગ્રુપનું આ ગણપતિ આયોજન લોકો માટે ખાસ આકર્ષણ બની રહ્યું છે.
આ પણ વાંચો : Dabhoi : ચોમાસાની વિદાય પહેલાં શિયાળાની દસ્તક! ડભોઇમાં ગાઢ ધુમ્મસથી વાતાવરણ બદલાયું
Vivek Shah
વિવેક શાહ ગ્રોથ નાઉ ન્યૂઝમાં Senior Assignment Editor તરીકે કામ કરે છે. ક્રાઇમ હોય કે ઘટના, મૂળમાં ઉતરીને રિપોર્ટિંગ કરવાની આદતે તેમણે અલગ ઓળખ બનાવી છે.. તેમના દ્વારા લખાતી પોલીસ પંચાત સ્પેશયલ કોલમ ખાસ વંચાય છે.. 11 વર્ષનો બોહળો અનુભવ તેમણે મોટા નેટવર્કની વિવિધ ચેનલ્સ સાથે કામ કરીને કેળવ્યો છે
