Surat News : 14 માગણીઓ સાથે મહેસૂલ કર્મચારીઓ હડતાળ પર ઉતર્યા, મહેસૂલ કચેરીઓમાં સરકારી કામ પર દેખાઈ અસર
Revenue Employees Take to Strike
Surat News : 14 માગણીઓ સાથે મહેસૂલ કર્મચારીઓ હડતાળ પર ઉતર્યા, મહેસૂલ કચેરીઓમાં સરકારી કામ પર દેખાઈ અસર
Revenue Employees Take to Strike
Surat News : મહેસૂલ કર્મચારીઓની હડતાળને કારણે અનેક મામલતદાર કચેરીઓ તેમજ જમીન દફતર વિભાગની કામગીરી ઠપ થવાની સ્થિતિ સર્જાઈ છે. રોજિંદા સરકારી કામ માટે કચેરીઓમાં આવતા નાગરિકોને પણ મુશ્કેલીનો સામનો કરવો પડી રહ્યો છે.
મહેસૂલ વિભાગના કર્મચારીઓ દ્વારા સમયસર બઢતી આપવા, ખાલી જગ્યાઓ ભરવા સહિતની વિવિધ માંગણીઓને લઈને હડતાળનું આહ્વાન કરવામાં આવ્યું છે. કર્મચારીઓની કુલ 14 જેટલી મુખ્ય પડતર માંગણીઓ છે, જેને લઈને તેઓ સરકાર સમક્ષ રજૂઆત કરી રહ્યા છે.
હડતાળ થતા નાગરિકો રઝળી પડયા
હડતાળના કારણે મામલતદાર કચેરીઓમાં થતી વિવિધ કામગીરી પર સીધી અસર પડી છે. ખાસ કરીને રોજિંદા પ્રમાણપત્રો, દાખલાઓ, મહેસૂલ સંબંધિત અરજીઓ તેમજ જમીન સંબંધી વિવિધ કામો અટકી જતાં નાગરિકોને ભારે મુશ્કેલી પડી રહી છે. જમીન દફતર વિભાગ સાથે જોડાયેલી કામગીરીમાં પણ વિલંબ થવાની સ્થિતિ સર્જાઈ છે.
વિવિધ સરકારી સેવાઓ માટે કચેરીઓમાં આવતા અરજદારોને હડતાળના કારણે પોતાના કામ માટે રાહ જોવી પડી રહી છે અથવા આગામી દિવસોમાં કામગીરી પૂર્ણ થવાની રાહ જોવી પડી શકે છે. કર્મચારીઓ દ્વારા લાંબા સમયથી પડતર રહેલી માંગણીઓનું નિરાકરણ લાવવા સરકાર સમક્ષ રજૂઆત કરવામાં આવી હોવાનું જણાવાયું છે. કર્મચારીઓનું કહેવું છે કે તેમની માંગણીઓ અંગે યોગ્ય અને સંતોષકારક નિર્ણય લેવામાં આવે તે જરૂરી છે.
હાલ હડતાળને કારણે મહેસૂલ વિભાગની રોજિંદી કામગીરીમાં વિક્ષેપ સર્જાયો છે
ખાસ કરીને જમીન સંબંધિત દસ્તાવેજો અને પ્રમાણપત્રો જેવી નાગરિકોને સીધી અસર કરતી સેવાઓમાં વિલંબ થવાની શક્યતા છે. કર્મચારીઓએ સંકેત આપ્યો છે કે જો સરકાર દ્વારા આગામી સમયમાં તેમની માંગણીઓ અંગે કોઈ સંતોષકારક નિર્ણય લેવામાં નહીં આવે, તો આંદોલન વધુ ઉગ્ર બની શકે છે. જેના કારણે આગામી દિવસોમાં મહેસૂલ વિભાગની કામગીરી પર વધુ અસર થવાની શક્યતા છે.
હવે સરકાર અને મહેસૂલ કર્મચારી સંગઠનો વચ્ચે ચર્ચા અને સમાધાનની પ્રક્રિયા કઈ દિશામાં આગળ વધે છે તેના પર સૌની નજર છે. સરકાર તરફથી યોગ્ય નિર્ણય આવે અને હડતાળ સમાપ્ત થાય તો અટકેલી કામગીરી ફરી સામાન્ય થવાની આશા છે. હાલમાં મહેસૂલ કર્મચારીઓની હડતાળના કારણે રાજ્યભરમાં નાગરિકોને પડતી મુશ્કેલીને ધ્યાનમાં રાખીને આ મુદ્દો મહત્વનો બન્યો છે.
Vivek Shah
વિવેક શાહ ગ્રોથ નાઉ ન્યૂઝમાં Senior Assignment Editor તરીકે કામ કરે છે. ક્રાઇમ હોય કે ઘટના, મૂળમાં ઉતરીને રિપોર્ટિંગ કરવાની આદતે તેમણે અલગ ઓળખ બનાવી છે.. તેમના દ્વારા લખાતી પોલીસ પંચાત સ્પેશયલ કોલમ ખાસ વંચાય છે.. 11 વર્ષનો બોહળો અનુભવ તેમણે મોટા નેટવર્કની વિવિધ ચેનલ્સ સાથે કામ કરીને કેળવ્યો છે
