Surat ના શ્યામ સંગીની માર્કેટમાં 8 કલાક બાદ આગ કાબૂમાં, 6 દુકાનમાં લાખોનું નુકસાન
Surat fire
Surat ના શ્યામ સંગીની માર્કેટમાં 8 કલાક બાદ આગ કાબૂમાં, 6 દુકાનમાં લાખોનું નુકસાન
Surat fire
Surat : આગની ઘટનાને પગલે ફાયર બ્રિગેડની ટીમોએ યુદ્ધના ધોરણે કામગીરી હાથ ધરી હતી. અંદાજે 150થી વધુ ફાયર જવાનો આગ બુઝાવવાની કામગીરીમાં જોડાયા હતા. હાલ આગ કાબૂમાં આવ્યા બાદ ઘટનાસ્થળે કુલિંગની કામગીરી શરૂ કરવામાં આવી છે.
મળતી માહિતી મુજબ, શ્યામ સંગીની ટેક્સટાઇલ માર્કેટની અંદર એક બાદ એક કાપડની દુકાનો આગની ઝપેટમાં આવી હતી. પ્રાથમિક માહિતી પ્રમાણે છ જેટલી કાપડની દુકાનોમાં આગ ફેલાઈ હતી. દુકાનોમાં મોટી માત્રામાં કાપડ અને અન્ય સામગ્રી હોવાથી આગે જોતજોતામાં વિકરાળ સ્વરૂપ ધારણ કર્યું હતું.
150થી વધુ ફાયર જવાનો મેદાને!
ખાસ કરીને ટેક્સટાઇલ માર્કેટમાં પેટ્રોકેમિકલ આધારિત કાપડ અને અન્ય જ્વલનશીલ સામગ્રી હોવાના કારણે આગને કાબૂમાં લેવાની કામગીરી વધુ મુશ્કેલ બની હતી. ભારે ધુમાડા વચ્ચે ફાયર જવાનોએ સતત આગ સામે મોરચો સંભાળ્યો હતો.
આગની ગંભીરતાને ધ્યાનમાં રાખીને મોટી સંખ્યામાં ફાયર ફાઇટિંગ વાહનો અને જવાનોને ઘટનાસ્થળે તૈનાત કરવામાં આવ્યા હતા. સતત આઠ કલાકની કામગીરી બાદ આગ પર કાબૂ મેળવવામાં સફળતા મળી હતી. જોકે, આગ સંપૂર્ણપણે ફરી ન ભભૂકે તે માટે હાલમાં ફાયર વિભાગ દ્વારા અસરગ્રસ્ત વિસ્તારમાં કુલિંગની કામગીરી કરવામાં આવી રહી છે.
દુકાનોમાં લાખો રૂપિયાનું નુકસાન થયું
આ ઘટનામાં કાપડની દુકાનોમાં લાખો રૂપિયાનું નુકસાન થયું હોવાની પ્રાથમિક માહિતી સામે આવી છે. જોકે, ચોક્કસ કેટલું નુકસાન થયું છે તેનો આંકડો સંપૂર્ણ તપાસ અને નુકસાનના આકલન બાદ જ સ્પષ્ટ થશે. દરમિયાન માર્કેટમાં ફાયર સેફ્ટીના પૂરતા સાધનોના અભાવ અંગે પણ સવાલો ઉઠ્યા છે.
આગની ગંભીરતા દરમિયાન જરૂરી ફાયર સેફ્ટી વ્યવસ્થાઓ કેટલી અસરકારક હતી તે અંગે પણ તપાસ થવાની શક્યતા છે. હાલમાં સૌથી મહત્વની બાબત એ છે કે આગ પર કાબૂ મેળવી લેવામાં આવ્યો છે અને ફાયર વિભાગ દ્વારા કુલિંગની કામગીરી ચાલી રહી છે. અધિકારીઓ અને ફાયર જવાનો દ્વારા અસરગ્રસ્ત વિસ્તારોની તપાસ કરવામાં આવી રહી છે.
આગ લાગવાનું કારણ અકબંધ
આગ કયા ચોક્કસ કારણોસર લાગી તે હજુ સુધી સામે આવ્યું નથી. આગનું કારણ જાણવા માટે જરૂરી તપાસ કરવામાં આવશે. સાથે જ ફાયર સેફ્ટીની વ્યવસ્થા, આગના ફેલાવાના કારણો અને દુકાનોમાં થયેલા નુકસાન અંગે પણ તપાસ બાદ વધુ વિગતો સામે આવી શકે છે. સુરતની આ ઘટનાએ ફરી એકવાર ટેક્સટાઇલ માર્કેટ અને કોમર્શિયલ વિસ્તારોમાં ફાયર સેફ્ટી વ્યવસ્થાની ચકાસણી અને આગ સામેની તૈયારી અંગે ગંભીર સવાલો ઉભા કર્યા છે.
આ પણ વાંચો : Bhavnagar : મૌન અનુષ્ઠાન સાથે શિવ ઉપાસના, માયાભાઈ આહિરે યજ્ઞમાં અર્પી આહુતિ
Vivek Shah
વિવેક શાહ મિડીયા ક્ષેત્રે બહોળો અનુભવ ધરાવે છે, TV9 Gujaratiમાં તેમણે રીપોર્ટર અને પ્રોડયુસર તરીકે પણ 7 વર્ષ કરતા વધુ સમય કામ કર્યુ છે, સાથે સાથે ABP Asmitaમાં 2 વર્ષ જેટલો સમય Associate Producer તરીકે કામ કર્યુ છે અને Sandesh NEWS Digitalમાં છેલ્લા 2 વર્ષ Senior Sub Editor તરીકે કામ કર્યુ છે. ગુજરાત ફર્સ્ટમાં Assistant Ediotor તરીકે તેમણે 3 મહિના કામ કર્યુ અને હાલમાં તેઓ Growthnow NEWS માં Senior Assignment Editor તરીકે ડિજિટલ વિભાગમાં કામ કરી રહ્યાં છે.
