Rajkot ના સદર વિસ્તારમાં નવું બોક્સ કલવર્ટ ખુલ્લું મુકાયું, હજારો લોકોને મળશે રાહત
Rajkot Mayor
Rajkot ના સદર વિસ્તારમાં નવું બોક્સ કલવર્ટ ખુલ્લું મુકાયું, હજારો લોકોને મળશે રાહત
Rajkot Mayor
Rajkot : મેયરના હસ્તે બોક્સ કલવર્ટનું ઉદ્ઘાટન કરવામાં આવ્યું હતું. રાજકોટના મુખ્ય બજાર ગણાતા સદર બજાર તેમજ સિવિલ હોસ્પિટલ ચોક તરફ આવતા-જતા લોકોને આ નવા બોક્સ કલવર્ટથી રાહત મળવાની શક્યતા છે. સદર વિસ્તાર શહેરના મહત્વના અને સતત ધમધમતા વિસ્તારો પૈકીનો એક છે.
દિવસ દરમિયાન હજારો લોકો અહીંથી પસાર થતા હોય છે, ત્યારે નવા બોક્સ કલવર્ટથી અવરજવર વધુ સરળ બનશે. આ બોક્સ કલવર્ટના નિર્માણ પાછળ કુલ રૂ. 2,20,90,900નો ખર્ચ થયો હોવાનું જણાવાયું છે. રાજકોટ મહાનગરપાલિકા દ્વારા શહેરમાં હાથ ધરાતા વિકાસકામોમાં પારદર્શિતા લાવવા માટે પણ એક નવી પહેલ કરવામાં આવી છે.
બોક્સ કલવર્ટની સાથે એક વિશેષ બોર્ડ પણ મૂકવામાં આવ્યું છે
આ બોર્ડ પર બોક્સ કલવર્ટ બનાવનાર કંપનીનું નામ, કામનો ખર્ચ તેમજ ફરિયાદ કરવા માટેનો કમ્પ્લેન નંબર સહિતની જરૂરી વિગતો દર્શાવવામાં આવી છે. જેના કારણે સ્થાનિક નાગરિકોને વિકાસકામ અંગેની માહિતી સરળતાથી મળી શકશે. રાજકોટ મહાનગરપાલિકા દ્વારા જણાવવામાં આવ્યું છે કે હવે શહેરમાં કરવામાં આવતા અન્ય વિકાસકામોના સ્થળે પણ આ પ્રકારના માહિતીપ્રદ બોર્ડ મૂકવામાં આવશે. વિકાસકામની વિગતો જાહેર સ્થળે દર્શાવવાથી નાગરિકોને કામ અંગેની જરૂરી માહિતી મળી રહે તેવી વ્યવસ્થા ઉભી કરવામાં આવી રહી છે.
સદર વિસ્તાર રાજકોટ શહેરના વ્યસ્ત વિસ્તારોમાં સામેલ હોવાથી અહીંથી રોજ મોટી સંખ્યામાં વાહનો અને રાહદારીઓ પસાર થાય છે. સદર બજાર ઉપરાંત સિવિલ હોસ્પિટલ ચોક તરફ જતા લોકો માટે પણ આ માર્ગ મહત્વપૂર્ણ છે. નવા બોક્સ કલવર્ટના કારણે સ્થાનિક અવરજવર અને માર્ગ વ્યવસ્થામાં સુવિધા વધવાની અપેક્ષા છે.
રોજિંદા અવરજવર કરતા હજારો નાગરિકોને તેનો સીધો લાભ મળવાની અપેક્ષા છે
મેયરના હસ્તે બોક્સ કલવર્ટ ખુલ્લું મુકાયા બાદ રાજકોટ મહાનગરપાલિકાના અધિકારીઓ અને સંબંધિત પ્રતિનિધિઓએ સ્થળની મુલાકાત લીધી હતી. વિકાસકામ સાથે લગાવવામાં આવેલા માહિતી બોર્ડની પણ વિગતો રજૂ કરવામાં આવી હતી. RMCની આ નવી પહેલ અંતર્ગત ભવિષ્યમાં શહેરમાં થતા વિકાસકામો અંગે નાગરિકોને સ્થળ પર જ માહિતી મળી રહે તે દિશામાં પ્રયાસ કરવામાં આવશે. આ સાથે ફરિયાદ નંબર ઉપલબ્ધ હોવાથી નાગરિકો વિકાસકામને લગતી સમસ્યા કે ફરિયાદ અંગે સંબંધિત તંત્રનો સંપર્ક પણ કરી શકશે.
સદર વિસ્તારમાં બોક્સ કલવર્ટનું કામ પૂર્ણ થતાં હવે સ્થાનિક લોકો તેમજ રોજિંદા અવરજવર કરતા હજારો નાગરિકોને તેનો સીધો લાભ મળવાની અપેક્ષા છે.
Vivek Shah
વિવેક શાહ ગ્રોથ નાઉ ન્યૂઝમાં Senior Assignment Editor તરીકે કામ કરે છે. ક્રાઇમ હોય કે ઘટના, મૂળમાં ઉતરીને રિપોર્ટિંગ કરવાની આદતે તેમણે અલગ ઓળખ બનાવી છે.. તેમના દ્વારા લખાતી પોલીસ પંચાત સ્પેશયલ કોલમ ખાસ વંચાય છે.. 11 વર્ષનો બોહળો અનુભવ તેમણે મોટા નેટવર્કની વિવિધ ચેનલ્સ સાથે કામ કરીને કેળવ્યો છે
