Kutch : સામખિયાળી ટોલ નજીક ભીષણ આગ, આકાશમાં દેખાયા આગના ગોટેગોટા

Kutch : કચ્છના સામખિયાળી ટોલ નજીક ભીષણ આગ લાગવાની ઘટના સામે આવી છે. સામખિયાળી ટોલ અને રેલવે લાઈન વચ્ચેના વિસ્તારમાં અચાનક આગ ભભૂકી ઉઠતા આસપાસના વિસ્તારમાં અફરાતફરીનો માહોલ સર્જાયો હતો. આગ એટલી વિકરાળ હતી કે તેના ગોટા આકાશ સુધી ઊંચા ઉડતા જોવા મળ્યા હતા. ઘટનાના કારણે નજીકથી પસાર થતા લોકોમાં પણ ભયનો માહોલ જોવા મળ્યો હતો.

પંચાયતની મદદથી આગ પર કાબુ લેવાનો પ્રયત્ન

આગની જાણ થતાં જ સ્થાનિક સ્તરે તાત્કાલિક બચાવ અને આગ પર કાબૂ મેળવવાની કામગીરી શરૂ કરવામાં આવી હતી. આગ વધુ વિસ્તારમાં ન ફેલાય તે માટે પંચાયતની મદદથી આગને કાબૂમાં લેવાના પ્રયાસો કરવામાં આવ્યા હતા. જોકે, આગની તીવ્રતા વધુ હોવાથી તેને સંપૂર્ણપણે કાબૂમાં લેવા માટે ફાયર બ્રિગેડની મદદ લેવામાં આવી હતી. ઘટનાની જાણ થતાં 112ની ટીમ પણ તાત્કાલિક ઘટના સ્થળે પહોંચી હતી. સાથે જ ફાયર બ્રિગેડના જવાનો પણ સ્થળ પર પહોંચ્યા હતા અને આગ પર કાબૂ મેળવવાની કામગીરી હાથ ધરી હતી. આગ કયા કારણોસર લાગી તે અંગે હજુ સુધી ચોક્કસ માહિતી સામે આવી નથી.

112 અને ફાયર બ્રિગેડ ઘટના સ્થળે

સામખિયાળી ટોલ અને રેલવે લાઈન નજીક આગ લાગી હોવાથી સુરક્ષાની દૃષ્ટિએ પણ તંત્ર દ્વારા જરૂરી તકેદારી રાખવામાં આવી રહી છે. આગને કારણે કોઈ જાનહાનિ થઈ છે કે કેમ તે અંગે પણ હાલ સત્તાવાર માહિતી સામે આવી નથી. ફાયર બ્રિગેડની ટીમ દ્વારા આગને સંપૂર્ણપણે કાબૂમાં લેવા માટે સતત કામગીરી કરવામાં આવી રહી છે. હાલમાં ઘટનાસ્થળે 112ની ટીમ, ફાયર બ્રિગેડ તેમજ સ્થાનિક તંત્રની ટીમો હાજર છે. આગના કારણો અને તેના કારણે થયેલા નુકસાન અંગે આગ સંપૂર્ણપણે કાબૂમાં આવ્યા બાદ વધુ વિગતો સામે આવે તેવી શક્યતા છે. સ્થાનિક લોકોમાં પણ આગની ઘટનાને લઈને ચિંતા જોવા મળી રહી છે.

આ પણ વાંચો : Rajkot Civil Hospital ની ગંભીર બેદરકારી? મૃતદેહની અદલાબદલીની તપાસનો ધમધમાટ શરૂ કરાયો