VISWAS Project Phase 2 : જૂનાગઢ-અમરેલીમાં CCTV નેટવર્કનો વ્યાપ વધશે, VISWAS ફેઝ-2 હેઠળ 768 કેમેરા કાર્યરત
VISWAS Project Phase 2 Junagadh Amreli
VISWAS Project Phase 2 : જૂનાગઢ-અમરેલીમાં CCTV નેટવર્કનો વ્યાપ વધશે, VISWAS ફેઝ-2 હેઠળ 768 કેમેરા કાર્યરત
VISWAS Project Phase 2 Junagadh Amreli
VISWAS Project Phase 2 Junagadh Amreli: જૂનાગઢ અને અમરેલી જિલ્લામાં કાયદો અને વ્યવસ્થાની સ્થિતિ વધુ મજબૂત બનાવવા માટે CCTV કેમેરા નેટવર્કનો વ્યાપ વધારવામાં આવી રહ્યો છે. VISWAS (Video Integration and State-wide Advanced Security) પ્રોજેક્ટ ફેઝ-2 હેઠળ બંને જિલ્લામાં કુલ 768 CCTV કેમેરા લગાવવામાં આવ્યા હોવાનું કાયદા રાજ્ય મંત્રી કૌશિકભાઈ વેકરિયાએ વિધાનસભા ગૃહમાં જણાવ્યું હતું.
જૂનાગઢમાં 452, અમરેલીમાં 316 કેમેરા
મંત્રીશ્રીના જણાવ્યા મુજબ VISWAS પ્રોજેક્ટ ફેઝ-2 હેઠળ હાલ જૂનાગઢ જિલ્લામાં 452 અને અમરેલી જિલ્લામાં 316 CCTV કેમેરા કાર્યરત છે. આ આધુનિક સર્વેલન્સ નેટવર્કમાં મુખ્ય માર્ગો, સંવેદનશીલ વિસ્તારો અને જાહેર સ્થળોને આવરી લેવામાં આવ્યા છે. કેમેરા નેટવર્કના વિસ્તરણથી પોલીસને વિવિધ વિસ્તારો પર સતત નજર રાખવામાં મદદ મળશે.
NETRAM અને TRINETRA સાથે લાઇવ કનેક્શન
આ તમામ CCTV કેમેરાનું લાઇવ સિંક્રોનાઈઝેશન જિલ્લા કક્ષાના ‘નેત્રમ’ (NETRAM) કમાન્ડ એન્ડ કંટ્રોલ સેન્ટર તથા રાજ્ય સ્તરના ‘ત્રિનેત્ર’ (TRINETRA) ઈન્ટિગ્રેટેડ કમાન્ડ એન્ડ કંટ્રોલ સેન્ટર સાથે કરવામાં આવ્યું છે. આ વ્યવસ્થાથી ટ્રાફિક નિયંત્રણ, વાહનોનું ટ્રેકિંગ તેમજ ગુના નિવારણમાં ટેક્નોલોજીનો વધુ અસરકારક ઉપયોગ થઈ શકશે.
ગુના નિવારણ અને જાહેર સુરક્ષાને મળશે વેગ
કૌશિકભાઈ વેકરિયાએ જણાવ્યું કે રાજ્ય સરકાર દ્વારા કાયદો અને વ્યવસ્થાની સ્થિતિ સુદૃઢ બનાવવા CCTV કેમેરા નેટવર્ક વધારવાનું વિશેષ આયોજન હાથ ધરવામાં આવ્યું છે. આધુનિક સર્વેલન્સ સિસ્ટમના કારણે પોલીસને શંકાસ્પદ ગતિવિધિઓ પર નજર રાખવા, ટ્રાફિકનું મોનિટરિંગ કરવા અને જરૂરિયાતના સમયે ઘટનાઓની તપાસમાં મદદ મળશે. આમ, જૂનાગઢ અને અમરેલી જિલ્લામાં ટેક્નોલોજી આધારિત સુરક્ષા વ્યવસ્થાને વધુ મજબૂતી મળશે.
R Gajjar
Rupin Bakraniya is a seasoned journalist with over 11 years of experience, he has contributed to leading media houses, including the Ahmedabad Mirror and The Indian Express. He is recognized for his analytical depth and expertise in navigating complex global and economic narratives. [email protected]
