Gujarat Assembly Monsoon Session : વિધાનસભામાં ‘વંદે માતરમ’ શરૂ થતાં જ બેસી ગયા ઇમરાન ખેડાવાલા! મંત્રી પ્રવિણ માળીએ કહ્યું ‘માફી માંગવી જોઈએ’

Gujarat Assembly Monsoon Session : વિધાનસભાની કાર્યવાહીનો પ્રારંભ વંદે માતરમના ગાનથી કરવામાં આવ્યો હતો. આ દરમિયાન કોંગ્રેસના ધારાસભ્ય ઇમરાન ખેડાવાલા વંદે માતરમ શરૂ થતાં ઉભા થયા બાદ તરત જ બેસી ગયા હોવાનો મુદ્દો સામે આવ્યો છે.

ઘટનાને લઈને હવે રાજકીય માહોલ ગરમાયો છે. આ સમગ્ર મામલે સરકાર તરફથી ઘટનાને ગંભીરતાથી વખોડી કાઢવામાં આવી છે. મંત્રી પ્રવિણ માળીએ પ્રતિક્રિયા આપતા આ મુદ્દે કોંગ્રેસનું સ્ટેન્ડ સ્પષ્ટ કરવાની માંગ કરી છે. તેમણે સવાલ ઉઠાવ્યો છે કે ઇમરાન ખેડાવાલાએ જે કર્યું તે કોંગ્રેસનું સત્તાવાર સ્ટેન્ડ છે કે પછી ધારાસભ્યનું વ્યક્તિગત કૃત્ય છે?

વિધાનસભામાં વંદે માતરમને લઈ મોટો વિવાદ!

સરકાર તરફથી સ્પષ્ટ કરવામાં આવ્યું છે કે, વંદે માતરમ અને રાષ્ટ્રના સન્માન સાથે જોડાયેલી બાબતોને ગંભીરતાથી લેવામાં આવે છે. મંત્રી દ્વારા એવો મત વ્યક્ત કરવામાં આવ્યો કે આ કૃત્ય જાણીને કરવામાં આવ્યું હોય કે પછી ભૂલથી થયું હોય, પરંતુ આ અંગે માફી માંગવી જોઈએ. વિધાનસભાના પ્રથમ દિવસે બનેલી આ ઘટનાએ રાજકીય ચર્ચાને વેગ આપ્યો છે. એક તરફ સરકાર આ મુદ્દાને રાષ્ટ્ર અને રાષ્ટ્રગીતના સન્માન સાથે જોડીને ગંભીર ગણાવી રહી છે.

જ્યારે બીજી તરફ હવે કોંગ્રેસનું સત્તાવાર વલણ શું રહે છે તેના પર સૌની નજર છે. મંત્રી પ્રવિણ માળીએ ભારપૂર્વક જણાવ્યું કે રાષ્ટ્ર અને રાષ્ટ્રગીતનું અપમાન કોઈપણ સંજોગોમાં ચલાવી લેવામાં નહીં આવે. સરકારનું કહેવું છે કે રાષ્ટ્રીય પ્રતીકો અને રાષ્ટ્રભાવના સાથે સંકળાયેલા કાર્યક્રમોમાં યોગ્ય સન્માન જળવાઈ રહેવું જરૂરી છે.

રાષ્ટ્રગીતના સન્માન પર સવાલ!

આ ઘટનાને પગલે વિધાનસભાની અંદર અને બહાર રાજકીય ચર્ચા તેજ બની છે. ખાસ કરીને વંદે માતરમ દરમિયાન ધારાસભ્યના વર્તનને લઈને વિવિધ પ્રકારની પ્રતિક્રિયાઓ સામે આવી રહી છે. સરકાર તરફથી કોંગ્રેસ પાસે પોતાનું સ્ટેન્ડ સ્પષ્ટ કરવાની માગ કરવામાં આવી છે. હવે કોંગ્રેસ આ સમગ્ર ઘટનાને લઈને શું સ્પષ્ટતા કરે છે અને ઇમરાન ખેડાવાલા તરફથી કોઈ પ્રતિક્રિયા કે માફી આવે છે કે નહીં તે મહત્વનું બનશે. આ મામલે રાજકીય ગરમાવો વધવાની શક્યતા છે

કારણ કે વિધાનસભાના ચોમાસુ સત્રના પ્રથમ જ દિવસે રાષ્ટ્રીય ગીતના સન્માનનો મુદ્દો રાજકીય ચર્ચાના કેન્દ્રમાં આવી ગયો છે. હાલ સમગ્ર મામલે સરકારના કડક વલણ બાદ સૌની નજર કોંગ્રેસના જવાબ અને ધારાસભ્ય ઇમરાન ખેડાવાલાની આગામી પ્રતિક્રિયા પર છે.

આ પણ વાંચો : Surat : અબોલ જીવ માટે ફાયર જવાનો મેદાને, પાંડેસરામાં ગાયનું સફળ રેસ્ક્યૂ કરાયું