Odoo Experience 2026: ગાંધીનગરમાં ટેક્નોલોજી અને બિઝનેસનો મહાકુંભ, Odoo 20ના લોન્ચિંગથી લઈને વર્લ્ડ રેકોર્ડ સુધી બન્યા અનેક આકર્ષણ
Odoo Experience 2026
Odoo Experience 2026: ગાંધીનગરમાં ટેક્નોલોજી અને બિઝનેસનો મહાકુંભ, Odoo 20ના લોન્ચિંગથી લઈને વર્લ્ડ રેકોર્ડ સુધી બન્યા અનેક આકર્ષણ
Odoo Experience 2026
Odoo Experience 2026: ગાંધીનગરના મહાત્મા મંદિર કન્વેન્શન સેન્ટર ખાતે 11 અને 12 સપ્ટેમ્બરના રોજ ‘Odoo Experience 2026 India’નું ભવ્ય આયોજન કરવામાં આવ્યું હતું. બે દિવસીય આ મેગા ઈવેન્ટમાં ટેક્નોલોજી, આંત્રપ્રિન્યોરશિપ, બિઝનેસ, ઈનોવેશન અને કમ્યુનિટીનો અનોખો સંગમ જોવા મળ્યો. બિઝનેસ લીડર્સ, ઉદ્યોગસાહસિકો, ટેક્નોલોજી પ્રોફેશનલ્સ, ક્રિએટર્સ, Odooના ગ્રાહકો, પાર્ટનર્સ અને ડેવલપર્સ સહિત મોટી સંખ્યામાં લોકો એકત્ર થયા હતા. સત્તાવાર કાર્યક્રમમાં 250થી વધુ ટોક્સ, વિવિધ માસ્ટરક્લાસ અને પ્રદર્શનો દ્વારા આધુનિક બિઝનેસ ટેક્નોલોજીના નવા ટ્રેન્ડ્સ રજૂ કરવામાં આવ્યા હતા.
Mantavya Gajjarના કીનોટથી થઈ શરૂઆત
ઈવેન્ટની શરૂઆત Odoo Indiaના મેનેજિંગ ડિરેક્ટર Mantavya Gajjarના કીનોટથી થઈ હતી. તેમણે ભારતીય બિઝનેસની બદલાતી જરૂરિયાતો અને ટેક્નોલોજીના ભવિષ્યને ધ્યાનમાં રાખીને બિઝનેસ સોફ્ટવેરની ભૂમિકા અંગે વાત કરી હતી. Odooના જણાવ્યા મુજબ Gajjar 11 સપ્ટેમ્બરના રોજ ઈવેન્ટનું ઓપનિંગ કીનોટ પણ સંબોધિત કર્યું હતું.
Odoo 20 બન્યું ઈવેન્ટનું મુખ્ય આકર્ષણ
Odoo Experience 2026ની સૌથી મોટી વિશેષતાઓમાં Odoo 20નું લોન્ચિંગ રહ્યું. નવા વર્ઝનમાં બિઝનેસ મેનેજમેન્ટ પ્લેટફોર્મને વધુ આધુનિક બનાવવા માટે વિવિધ ફંક્શન્સમાં સુધારાઓ રજૂ કરવામાં આવ્યા. એકાઉન્ટિંગ, CRM, સેલ્સ, ઈન્વેન્ટરી, HR, મેન્યુફેક્ચરિંગ, વેબસાઇટ અને ઈ-કોમર્સ જેવા ક્ષેત્રોમાં Odooના નવા ફીચર્સ અને ક્ષમતાઓ વિશે પ્રેક્ટિકલ ડેમો અને સેશન્સ યોજાયા હતા. Odooના સત્તાવાર કાર્યક્રમમાં નવા વર્ઝન સાથે જોડાયેલા ઈન્વેન્ટરી અને ડેવલપમેન્ટ માસ્ટરક્લાસનો પણ સમાવેશ કરવામાં આવ્યો હતો.
AIથી લઈને Manufacturing સુધી ચર્ચા
બે દિવસના કાર્યક્રમમાં AI, ઓટોમેશન, મેન્યુફેક્ચરિંગ, ફાઇનાન્સ, ઈ-કોમર્સ, રિટેલ, HR, સેલ્સ, લોજિસ્ટિક્સ અને કસ્ટમર સક્સેસ જેવા વિષયો પર ચર્ચાઓ થઈ. વિવિધ સેશન્સમાં બિઝનેસની રોજિંદી કામગીરીને વધુ સરળ, ઝડપી અને કનેક્ટેડ બનાવવા માટે ટેક્નોલોજીનો ઉપયોગ કેવી રીતે કરી શકાય તે અંગે પ્રેક્ટિકલ માહિતી આપવામાં આવી.
Suniel Shetty સહિત જાણીતા ચહેરાઓએ વધારી ઈવેન્ટની શોભા
ઈવેન્ટમાં ટેક્નોલોજી ઉપરાંત આંત્રપ્રિન્યોરશિપ અને ક્રિએટર ઈકોનોમીને પણ ખાસ સ્થાન આપવામાં આવ્યું હતું. Suniel Shetty, Ghazal Alagh, Dr. Arokiaswamy Velumani, Viraj Bahl, Gaurav Taneja, Sharan Hegde અને Ranveer Allahbadia સહિતના જાણીતા નામોએ બિઝનેસ, બ્રાન્ડિંગ, ઉદ્યોગસાહસિકતા અને બદલાતી ક્રિએટર ઈકોનોમી અંગે પોતાના વિચારો રજૂ કર્યા હતા. આ ચર્ચાઓએ ટેક્નોલોજી આધારિત ઈવેન્ટને વધુ વ્યાપક બિઝનેસ અને કમ્યુનિટી પ્લેટફોર્મમાં ફેરવી દીધું.
24 કલાકની Coding Marathonથી World Record સુધી
Odoo Experience 2026 દરમિયાન Odoo Indiaની Odoo Hackathon ’26ની સિદ્ધિની પણ ઉજવણી કરવામાં આવી. 5 અને 6 સપ્ટેમ્બરે ગાંધીનગર સ્થિત Odoo India હેડક્વાર્ટર ખાતે યોજાયેલી 24 કલાકની કોડિંગ મેરેથોનમાં મોટી સંખ્યામાં ડેવલપર્સે ભાગ લીધો હતો. આ હેકાથોનનો મુખ્ય ઉદ્દેશ્ય ડેવલપર્સ સાથે જોડાવા, ટેલેન્ટ શોધવા અને નવી તકો ઊભી કરવાનો હતો. ઈવેન્ટ દરમિયાન આ સિદ્ધિને વર્લ્ડ રેકોર્ડ સાથે જોડાયેલી સેરેમની દ્વારા સન્માનિત કરવામાં આવી હતી.
ટેક્નોલોજીથી આગળ વધીને બન્યું Business Communityનું પ્લેટફોર્મ
Odoo Experience 2026 Indiaનો સૌથી મોટો સંદેશ એ રહ્યો કે આજના સમયમાં બિઝનેસ ટેક્નોલોજી માત્ર નવા સોફ્ટવેર કે ટૂલ્સ પૂરતી મર્યાદિત નથી. લોકો, પ્રક્રિયાઓ અને ટેક્નોલોજીને એક જ કનેક્ટેડ સિસ્ટમમાં લાવવાથી બિઝનેસને વધુ ઝડપથી વિકસાવવામાં મદદ મળી શકે છે. ગાંધીનગરમાં યોજાયેલા આ બે દિવસીય કાર્યક્રમમાં નવા વિચારો, નવા કનેક્શન્સ, ઈનોવેશન અને બિઝનેસના ભવિષ્ય અંગે ચર્ચાઓ સાથે સમાપન થયું.
