Arvalli : મેઘરજમાં હાર્ટ એટેકથી શિક્ષિકાનું મોત, વાણીયાવાડા શાળામાં શિક્ષિકા તરીકે બજાવતા હતા ફરજ

Arvalli : કાંતાબેનના અચાનક નિધનના સમાચારથી પરિવારજનો, સગાસંબંધીઓ તેમજ શિક્ષણ જગતમાં શોકની લાગણી પ્રસરી ગઈ છે. મળતી માહિતી મુજબ, કાંતાબેન ડામોર વાણીયાવાડા પ્રાથમિક શાળામાં ઉપશિક્ષક તરીકે ફરજ બજાવતા હતા.

તેઓ શિક્ષણ ક્ષેત્ર સાથે જોડાઈ વિદ્યાર્થીઓના ઘડતર અને શિક્ષણ કાર્યમાં પોતાની સેવાઓ આપી રહ્યા હતા. જોકે, અચાનક હાર્ટ એટેક આવતા તેમનું દુઃખદ અવસાન થયું હોવાનું સામે આવ્યું છે.

હાર્ટ એટેકથી અચાનક નિધન

કાંતાબેન ડામોર મેઘરજ તાલુકા પ્રાથમિક શિક્ષક સંઘના પ્રમુખ હરિશભાઈ ડામોરના ધર્મપત્ની હતા. તેમના અચાનક અવસાનના સમાચાર મળતા શિક્ષક સમાજમાં પણ શોકની લાગણી છવાઈ ગઈ હતી. સહકર્મીઓ, શિક્ષક આગેવાનો અને પરિચિતો દ્વારા પરિવારજનો પ્રત્યે સંવેદના વ્યક્ત કરવામાં આવી હતી. કાંતાબેનના અચાનક અવસાનથી તેમના પરિવાર પર દુઃખનો પહાડ તૂટી પડ્યો છે. પરિવારજનો અને સ્વજનો માટે આ સમાચાર અત્યંત આઘાતજનક બની રહ્યા છે. જીવનસાથીની અચાનક વિદાયથી પરિવારજનો શોકમાં ગરકાવ થયા છે.

મૃતક પ્રાથમિક શાળામાં ઉપશિક્ષક તરીકે ફરજ બજાવતા હતા

કાંતાબેન ડામોરની છિટાદરા મુકામે અંતિમ વિધિ કરવામાં આવી હતી. અંતિમ વિધિમાં પરિવારજનો, સગાસંબંધીઓ, મિત્રો તેમજ શિક્ષણ ક્ષેત્ર સાથે સંકળાયેલા લોકો ઉપસ્થિત રહ્યા હતા. સૌએ દિવંગત આત્માને શ્રદ્ધાંજલિ પાઠવી પરિવારને આ દુઃખ સહન કરવાની શક્તિ મળે તેવી પ્રાર્થના કરી હતી. કાંતાબેનના નિધનના પગલે મેઘરજ તાલુકા સહિત શિક્ષણ જગતમાં શોકનો માહોલ જોવા મળી રહ્યો છે.

શિક્ષક સમાજે કાંતાબેનની સેવાઓને યાદ કરી તેમના પરિવાર પ્રત્યે સહાનુભૂતિ વ્યક્ત કરી છે. અચાનક બનેલી આ દુઃખદ ઘટનાથી સમગ્ર વિસ્તારમાં પણ શોકની લાગણી જોવા મળી રહી છે. કાંતાબેન ડામોરના નિધનથી પરિવારજનો, શિક્ષકો અને પરિચિતોમાં દુઃખની લાગણી છે. ઈશ્વર દિવંગત આત્માને શાંતિ આપે અને શોકગ્રસ્ત પરિવારને આ અણમોલ ખોટ સહન કરવાની શક્તિ આપે તેવી સૌ પ્રાર્થના કરી રહ્યા છે.

આ પણ વાંચો : Gujarat Latest News Live : રાજયમાં વરસાદના લાંબા વિરામથી ગરમીનો પારો ઊંચકાયો છે