Arvalli : ભીલોડા પાસે યુવક પર જીવલેણ હુમલાની ફરિયાદ, જૂની અદાવતમાં રસ્તો રોકી માર માર્યાનો આક્ષેપ
Arvalli
Arvalli : ભીલોડા પાસે યુવક પર જીવલેણ હુમલાની ફરિયાદ, જૂની અદાવતમાં રસ્તો રોકી માર માર્યાનો આક્ષેપ
Arvalli
Arvalli : જૂની અદાવતના મુદ્દે રસ્તામાં બાઈક રોકાવી યુવક સાથે મારામારી કરવામાં આવી હોવાનો ફરિયાદમાં આક્ષેપ કરવામાં આવ્યો છે. સમગ્ર મામલે ભીલોડા પોલીસ મથકે બે શખ્સો વિરુદ્ધ ફરિયાદ નોંધાવવામાં આવી છે.
ફરિયાદમાં કરવામાં આવેલા આક્ષેપ મુજબ, યુવક ભેટાલીથી મહેરૂ તરફ જઈ રહ્યો હતો. દરમિયાન રસ્તામાં બે શખ્સોએ તેની બાઈક રોકાવી હતી. ત્યારબાદ જૂની અદાવતના મુદ્દે તેની સાથે બોલાચાલી કરી ગાળો બોલવામાં આવી હોવાનો આક્ષેપ છે. મામલો ઉગ્ર બનતા યુવકને ફેટ પકડીને થપ્પડ મારવામાં આવી હોવાની પણ ફરિયાદમાં વિગતો આપવામાં આવી છે.
પોલીસે ફરિયાદ નોંધી તપાસ કરી શરૂ
આ ઉપરાંત, હુમલાખોરોએ યુવકના માથાના ભાગે લોખંડના પંચથી માર માર્યો હોવાનો આક્ષેપ કરવામાં આવ્યો છે. જેના કારણે યુવકને માથામાં ઈજા પહોંચી હતી. ફરિયાદમાં બનેવી દ્વારા પણ ચપ્પુ જેવા હથિયારથી માથાના ભાગે ઈજા કરવામાં આવી હોવાનો આક્ષેપ કરવામાં આવ્યો છે.
રસ્તા પર બનેલી આ ઘટનામાં યુવક ઈજાગ્રસ્ત થતાં તેને સારવાર માટે ભીલોડા કોટેજ હોસ્પિટલ ખાતે લઈ જવામાં આવ્યો હતો. ત્યાં તબીબો દ્વારા તેની સારવાર કરવામાં આવી હતી. ઘટના બાદ સમગ્ર મામલે ભીલોડા પોલીસ મથકે ફરિયાદ નોંધાવવામાં આવી છે.
અંગત અદાવતમાં થયો હુમલો
ફરિયાદના આધારે પોલીસે બે શખ્સો વિરુદ્ધ ગુનો નોંધવા સહિતની કાર્યવાહી હાથ ધરી છે. હુમલા પાછળ ખરેખર જૂની અદાવત કારણભૂત હતી કે અન્ય કોઈ કારણ હતું, તે અંગે પોલીસ દ્વારા તપાસ કરવામાં આવી રહી છે.
પોલીસ ફરિયાદમાં કરવામાં આવેલા આક્ષેપોની તપાસ કરી રહી છે અને ઘટનાને લઈને સંડોવાયેલા શખ્સોની ભૂમિકા અંગે માહિતી એકત્ર કરવામાં આવી રહી છે. તેમજ મારામારી દરમિયાન ઉપયોગમાં લેવાયેલા હથિયારો અંગે પણ તપાસ હાથ ધરવામાં આવી શકે છે. ભેટાલીથી મહેરૂ જવાના રસ્તે બનેલી આ ઘટનાને પગલે સ્થાનિક વિસ્તારમાં પણ ચર્ચા જોવા મળી રહી છે. હાલ સમગ્ર મામલે પોલીસ તપાસ ચાલી રહી છે અને ફરિયાદમાં થયેલા આક્ષેપોની હકીકત તપાસ પૂર્ણ થયા બાદ વધુ સ્પષ્ટ થશે.
Vivek Shah
વિવેક શાહ મિડીયા ક્ષેત્રે બહોળો અનુભવ ધરાવે છે, TV9 Gujaratiમાં તેમણે રીપોર્ટર અને પ્રોડયુસર તરીકે પણ 7 વર્ષ કરતા વધુ સમય કામ કર્યુ છે, સાથે સાથે ABP Asmitaમાં 2 વર્ષ જેટલો સમય Associate Producer તરીકે કામ કર્યુ છે અને Sandesh NEWS Digitalમાં છેલ્લા 2 વર્ષ Senior Sub Editor તરીકે કામ કર્યુ છે. ગુજરાત ફર્સ્ટમાં Assistant Ediotor તરીકે તેમણે 3 મહિના કામ કર્યુ અને હાલમાં તેઓ Growthnow NEWS માં Senior Assignment Editor તરીકે ડિજિટલ વિભાગમાં કામ કરી રહ્યાં છે.
