Aravalli: મેઘરજમાં હડકાયા કૂતરાનો આતંક યથાવત! બીજા દિવસે વધુ 8 લોકોને કરડ્યા, બે દિવસમાં 19 લોકો ભોગ બન્યા

Aravalli: અરવલ્લી જિલ્લાના મેઘરજ તાલુકામાં હડકાયા કૂતરાનો આતંક યથાવત જોવા મળી રહ્યો છે. સતત બીજા દિવસે પણ હડકાયા કૂતરાએ 8 લોકોને કરડતાં ગ્રામ્ય વિસ્તારોમાં ભયનો માહોલ સર્જાયો છે. મળતી માહિતી મુજબ, છેલ્લા બે દિવસમાં કુલ 19 લોકો હડકાયા કૂતરાના હુમલાનો ભોગ બન્યા હોવાનું સામે આવ્યું છે.

બીજા દિવસે વધુ 8 લોકોને કરડ્યા

મેઘરજ તાલુકામાં હડકાયા કૂતરાના આતંકને પગલે લોકોમાં ફફડાટ ફેલાયો છે. સતત બીજા દિવસે પણ કૂતરાએ અલગ-અલગ વિસ્તારોમાં લોકોને નિશાન બનાવ્યા હોવાનું જાણવા મળ્યું છે. આ ઘટનામાં વધુ 8 લોકોને કૂતરાએ બચકા ભર્યા હોવાનું સામે આવ્યું છે.

બે દિવસમાં 19 લોકો ભોગ બન્યા

હડકાયા કૂતરાના હુમલાની ઘટનાઓમાં સતત વધારો થતાં માત્ર બે દિવસમાં 19 લોકો કૂતરાના બચકાનો ભોગ બન્યા હોવાનું જાણવા મળ્યું છે. આ ઘટનાને પગલે ગ્રામ્ય વિસ્તારોમાં લોકોમાં ભયનો માહોલ જોવા મળી રહ્યો છે.

અનેક ગામોના લોકો બન્યા શિકાર

હડકાયા કૂતરાના આતંકનો ભોગ મહુડી, ગેડ, રેલ્લાવાડા, ઇટવા, ઝેરીયાવાડા અને છીટાદરા ગામના લોકો બન્યા હોવાનું સામે આવ્યું છે. એક પછી એક ગામોમાં લોકોને કરડવાની ઘટનાને પગલે સ્થાનિકોમાં ચિંતા વધી છે.

હાથ અને મોઢાના ભાગે ભર્યા બચકા

મળતી માહિતી મુજબ, હડકાયા કૂતરાએ કેટલાક લોકોને હાથ તેમજ મોઢાના ભાગે બચકા ભર્યા હોવાનું જાણવા મળ્યું છે. કૂતરાના હુમલાથી લોકોમાં ગભરાટ ફેલાયો છે અને ગ્રામ્ય વિસ્તારોમાં ખાસ કરીને બાળકો તથા વૃદ્ધોને લઈને ચિંતા વધી છે.

એક પશુને પણ કરડ્યું

હડકાયા કૂતરાનો આતંક માત્ર લોકો સુધી સીમિત રહ્યો નથી. એકપશુને પણ હડકાયા કૂતરાએ કરડ્યું હોવાનું સામે આવ્યું છે. સતત વધી રહેલી ઘટનાઓને પગલે હવે તંત્ર દ્વારા કૂતરાને ઝડપી પાડવા અને વધુ લોકો તેનો ભોગ ન બને તે માટે પગલાં લેવામાં આવે તેવી સ્થાનિકોમાં માગ ઉઠી રહી છે.

હાલમાં આ સમગ્ર મામલે હડકાયા કૂતરાને પકડવા અને લોકોની સુરક્ષા માટે તંત્ર શું કાર્યવાહી કરે છે, તેના પર સૌની નજર છે.

આ પણ વાંચો : Vadodara Navratri માટે નવલખી મેદાનમાં ભૂમિપૂજન! CREDAI VNFના ભવ્ય ગરબાની તૈયારીઓનો થયો શુભારંભ