Aravalli : માલપુર ફોરેસ્ટ કચેરીમાં મારપીટના ગંભીર આક્ષેપો, નિષ્પક્ષ તપાસની માગ

Aravalli : માલપુરમાં નોર્મલ રેન્જ ફોરેસ્ટ કચેરીને લઈને ગંભીર આક્ષેપો સામે આવ્યા છે. સુરજપુર અને સવાપુર ગામના બે પુરુષ અને એક મહિલા સાથે કચેરીમાં મારપીટ કરવામાં આવી હોવાના આક્ષેપો થતાં સ્થાનિક સ્તરે ચકચાર મચી છે. આ મામલે સમગ્ર ઘટનાની નિષ્પક્ષ તપાસ કરવાની માગ ઉઠી છે.

કચેરીમાં બોલાવી ત્રણેય સાથે મારપીટ કરાઈ હોવાનો આક્ષેપ

મળતી માહિતી મુજબ, ત્રણેય વ્યક્તિઓને માલપુરની નોર્મલ રેન્જ ફોરેસ્ટ કચેરી ખાતે બોલાવવામાં આવ્યા હતા. આ દરમિયાન RFOની ઓફિસમાં રૂમ બંધ કરીને તેમની સાથે મારપીટ કરવામાં આવી હોવાનો આક્ષેપ કરવામાં આવ્યો છે. ફરિયાદીઓના આક્ષેપ મુજબ, RFO પંડ્યા સહિત ફોરેસ્ટ સ્ટાફની હાજરીમાં તેમની સાથે મારપીટ કરવામાં આવી હતી. આ મામલે એવો પણ દાવો કરવામાં આવ્યો છે કે અગાઉ કોઈ મુદ્દે સમાધાન થયા બાદ બાઈક લઈ જવા માટે ત્રણેય વ્યક્તિઓને ફોરેસ્ટ કચેરી ખાતે બોલાવવામાં આવ્યા હતા.

તટસ્થ તપાસ કરવામાં આવે તેવી માગ

જોકે, કચેરી પર પહોંચ્યા બાદ તેમની સાથે મારપીટ કરવામાં આવી હોવાનો આક્ષેપ છે. ઘટનાને લઈને સ્થાનિકોમાં પણ વિવિધ ચર્ચાઓ શરૂ થઈ છે. આ ગંભીર આક્ષેપોને પગલે સમગ્ર મામલાની નિષ્પક્ષ અને તટસ્થ તપાસ કરવામાં આવે તેવી માગ ઉઠી છે. આ ઘટનામાં જો આક્ષેપો સાચા સાબિત થાય તો જવાબદાર અધિકારીઓ અને કર્મચારીઓ સામે કાયદેસરની કાર્યવાહી કરવાની માગ કરવામાં આવી છે.

સ્થાનિક સ્તરે ભારે ચકચાર મચી

માલપુર વિસ્તારના ધારાસભ્ય ધવલસિંહ ઝાલાએ પણ સમગ્ર મામલે ગંભીરતાથી તપાસ કરવાની અને જવાબદારો સામે કાયદેસરની કાર્યવાહી કરવાની માગ કરી છે. કચેરીમાં બોલાવીને ત્રણ વ્યક્તિઓ સાથે મારપીટ કરવામાં આવી હોવાના આક્ષેપોની યોગ્ય તપાસ થાય અને હકીકત બહાર આવે તે જરૂરી છે. હાલ સમગ્ર મામલે આક્ષેપ-પ્રતિઆક્ષેપ વચ્ચે નિષ્પક્ષ તપાસની માગ તેજ બની છે. ફોરેસ્ટ કચેરીમાં ખરેખર શું બન્યું હતું અને મારપીટના આક્ષેપોમાં કેટલું તથ્ય છે, તે તપાસ બાદ જ સ્પષ્ટ થશે. ઘટના અંગે સ્થાનિક સ્તરે ભારે ચકચાર જોવા મળી રહી છે.

આ પણ વાંચો : Kheda News : નડિયાદ રેલવે સ્ટેશન લૂંટકાંડમાં મોટો ખુલાસો, 3 કિલો સોનું રિકવર કરી પોલીસે આરોપીઓએ ઘટનાનું રિકન્સ્ટ્રક્શન કર્યુ