Amreli ના ખાંભા ગીરમાં 8 દિવસ બાદ વરસાદનું પુનરાગમન, જુઓ Video

Amreli જિલ્લાના ખાંભા ગીર પંથકના ગ્રામ્ય વિસ્તારોમાં લગભગ 8 દિવસના વિરામ બાદ ફરી વરસાદનું આગમન થયું છે. જીક્યાળી, વાંકિયા, ઇંગોરાળા સહિત આસપાસનાં ગામોમાં વરસાદી માહોલ જોવા મળ્યો હતો. લાંબા સમયથી વરસાદની રાહ જોઈ રહેલા ગ્રામજનો માટે આ વરસાદ રાહતના સમાચાર લઈને આવ્યો છે. છેલ્લા કેટલાક દિવસોથી ખાંભા ગીર પંથકના લોકો અસહ્ય ગરમી અને બફારાનો સામનો કરી રહ્યા હતા. દિવસ દરમિયાન તાપમાન અને ઉકળાટને કારણે લોકો પરેશાન થઈ રહ્યા હતા. ખાસ કરીને ગ્રામ્ય વિસ્તારોમાં વરસાદ ન વરસતાં વાતાવરણમાં ગરમીનો અનુભવ સતત વધી રહ્યો હતો. ત્યારે 8 દિવસના વિરામ બાદ ફરી વરસાદ શરૂ થતાં વાતાવરણમાં ઠંડક પ્રસરી હતી. જીક્યાળી, વાંકિયા અને ઇંગોરાળા સહિતના ગામોમાં વરસાદી માહોલ સર્જાયો હતો. વરસાદનાં છાંટા પડતાં જ લોકોને ગરમી અને બફારાથી રાહતનો અનુભવ થયો હતો. લાંબા સમયથી મેઘરાજાની રાહ જોઈ રહેલા ગ્રામજનોમાં પણ આનંદ અને રાહતનો માહોલ જોવા મળ્યો હતો.