Love And War: રણબીર કપૂર અને આલિયા ભટ્ટની 'લવ એન્ડ વોર'માં જોવા મળશે ઓરી?

Love And War: 2027માં "લવ એન્ડ વોર" સહિત ઘણી મોટી ફિલ્મો થિયેટરોમાં રિલીઝ થવાની તૈયારીમાં છે. રણબીર કપૂર અને આલિયા ભટ્ટ ફરી એકવાર સાથે જોવા મળશે. આ વખતે એક ટ્વિસ્ટ છે, કારણ કે તેની સાથે વિકી કૌશલ પણ જોવા મળશે.

સંજય લીલા ભણસાલીની ફિલ્મના ત્રણેયના ફર્સ્ટ લુક્સ જાહેર કરવામાં આવ્યા છે. રણબીર કપૂર એકદમ કૂલ અને સ્વેગ સાથે દેખાતા હતો, ત્યારે આલિયા ભટ્ટની સ્ટાઈલ અલગ હતી. વિકી કૌશલ સિગારેટ પકડેલો અવતાર સૌથી વધુ લોકપ્રિય હતો. થોડા સમય પહેલા ઓરીનું નામ આ ફિલ્મ સાથે જોડવામાં આવ્યું હતું, જે 21 જાન્યુઆરીએ રિલીઝ થઈ રહી છે. હવે તેને પુષ્ટિ આપી છે કે તે આ ફિલ્મનો ભાગ નથી.

ડિસેમ્બરમાં એવા સમાચાર સામે આવ્યા હતા કે ઓરહાન અવત્રામણિ, જેને ઓરી તરીકે પણ ઓળખવામાં આવે છે, તે બોલીવુડમાં ડેબ્યૂ કરશે. તે સંજય લીલા ભણસાલીની ફિલ્મ લવ એન્ડ વોરથી એક્ટિંગમાં ડેબ્યૂ કરશે . તે આલિયા ભટ્ટના મિત્ર તરીકે નાનકડી ભૂમિકામાં જોવા મળવાનો હતો. પરંતુ સત્ય એ છે કે તે આ ફિલ્મમાં દેખાશે નહીં. આખરે મહિનાઓ પછી ઓરીએ આ અફવાઓનો અંત લાવી દીધો છે. તેને એ પણ સમજાવ્યું કે આ સમાચારને તાત્કાલિક કેમ નકારી કાઢવામાં આવ્યા ન હતા.

View post on Instagram

'લવ એન્ડ વોર' વિશેની અફવા કેવી રીતે ફેલાઈ?

તાજેતરમાં ઓરીએ ખુલાસો કર્યો કે "ફિલ્મના કાસ્ટિંગ વ્યક્તિએ લગભગ 2 વર્ષ પહેલાં તેમનો સંપર્ક કર્યો હતો, અને તેમની વચ્ચે સામાન્ય વાતચીત થઈ હતી. પરંતુ વાત ત્યાં જ સમાપ્ત થઈ ગઈ અને વધુ આગળ વધી નહીં." જ્યારે ઓરી ફિલ્મનો ભાગ હોવાની ચર્ચાઓ મીડિયામાં આવવા લાગી, ત્યારે તેને ચર્ચાઓને ફગાવી દીધી નહીં. ઓરીએ મજાકમાં કહ્યું, "મેં અફવાઓ ફેલાવવા દીધી કારણ કે મને ગોસિપ અને ચર્ચા ગમે છે."

શું ઓરી ક્યારેય એક્ટિંગમાં પ્રવેશ કરશે?

આ સમય દરમિયાન ઓરીએ એક્ટિંગ અંગેના પોતાના વિચારો સ્પષ્ટ કર્યા. તેમને કહ્યું કે "હું એક્ટિંગ કરવા માગતો નથી, અને મને તે ગમતું પણ નથી. મને મારું વાસ્તવિક જીવન એટલું ગમે છે કે હું મારી જાતને બીજા કોઈની જગ્યાએ મૂકીને તેમની ભૂમિકા ભજવવા માગતો નથી. મેં મારા મિત્રો અને ઈન્ડસ્ટ્રીના મોટા સ્ટાર્સને નજીકથી જોયા છે, અને હું જાણું છું કે એક્ટિંગ કેટલી મુશ્કેલ છે." પરંતુ ઓરી માને છે કે ઘણા લોકો ખ્યાતિ માટે એક્ટિંગ પસંદ કરે છે, પરંતુ તે એક પણ ફિલ્મ કર્યા વિના તે લેવલ સુધી પહોંચી ગયો છે જે તે મેળવવા માગે છે.

આ પણ વાંચો: KBC 18ના સેટ પર અમિતાભ બચ્ચન લપસી ગયા, ઘૂંટણમાં થઈ ઈજા, બિગ બીએ આપ્યું હેલ્થ અપડેટ