Katrina Kaif: ડિલિવરી પછી કેટરિના કૈફના વજન પર ઉઠ્યા સવાલ, એક્ટ્રેસે ટ્રોલર્સને આપ્યો જવાબ

Katrina Kaif: બોલીવુડ એક્ટ્રેસ કેટરિના કૈફ હાલમાં પોતાની પર્સનલ લાઈફ અને બદલાયેલા લુકને લઈને ચર્ચામાં છે. દીકરા વિહાનના જન્મ બાદ કેટરિના પહેલીવાર અંબાણી પરિવારના ગણેશોત્સવમાં જોવા મળી હતી. આ દરમિયાન તેની તસવીરો અને વીડિયો સોશિયલ મીડિયા પર વાયરલ થયા હતા. પરંતુ કેટલાક લોકોએ તેના બદલાયેલા લુકને લઈને ટ્રોલિંગ શરૂ કરી હતી. હવે એક્ટ્રેસે આ મુદ્દે ખુલ્લેઆમ પોતાની વાત રજૂ કરી છે અને ડિલિવરી પછી મહિલાઓના શરીરને લઈને લોકોની વિચારસરણી પર સવાલ ઉઠાવ્યા છે.

બોડી શેમિંગ પર કેટરિનાએ શું કહ્યું?

વોગ ઈન્ડિયાને આપેલા એક ઈન્ટરવ્યૂમાં કેટરિનાએ જણાવ્યું કે મોટાભાગના લોકો જાણે છે કે બાળકને જન્મ આપ્યા પછી મહિલા શરીરમાંથી કેટલાક પ્રકારના શારીરિક ફેરફારો પસાર થાય છે. તેમ છતાં જો લોકો મહિલાના શરીરને કઠોર નજરથી જોવાનું પસંદ કરે છે, તો તે તેમની પોતાની પસંદગી છે.

કેટરિનાએ કહ્યું કે આજના સમયમાં આ વિષય અંગે પૂરતી માહિતી ઉપલબ્ધ છે. તેથી આવી કોમેન્ટ માટે માત્ર જાણકારીના અભાવને જવાબદાર ઠેરવી શકાય નહીં. એક્ટ્રેસ હવે પોતાના જીવનના આ સુંદર તબક્કા અને આગળ વધવા પર ધ્યાન કેન્દ્રિત કરવા માગે છે. કેટરિનાએ ડિલિવરી પછી મહિલાઓ પાસેથી અગાઉના શરીર જેવી જ દેખાવાની અપેક્ષા રાખવામાં આવે છે તે અંગે પણ સવાલ ઉઠાવ્યો હતો. તેના મતે, બાળકને જન્મ આપ્યા પછી મહિલાએ તરત જ ગર્ભાવસ્થા પહેલાંના શરીરમાં પાછા ફરવું જોઈએ એવી અપેક્ષા રાખવી યોગ્ય નથી.

એક્ટ્રેસે કહ્યું કે માતા બનવું તેના જીવનનું એક એવું પગલું છે, જેની ઈચ્છા તેના હૃદયમાં ખૂબ ઊંડે હતી. તેથી તે પોતાના જીવનના આ નવા તબક્કામાંથી પાછળ જવા વિશે વિચારવા માગતી નથી.

દીકરા વિહાનને જોઈ કેટરીના કૈફ

કેટરિનાએ દીકરા વિહાનના જન્મ પછીની લાગણીઓ વિશે પણ વાત કરી હતી. તેણે જણાવ્યું કે શરૂઆતના દિવસોમાં વિહાનનો ચહેરો જોવો અને એ સમજવું કે તેના તથા પતિ વિકી કૌશલના 4 વર્ષના ઉતાર-ચઢાવભર્યા સફર પછી તેઓ આ મુકામે પહોંચ્યા છે, તે લાગણી શબ્દોમાં વ્યક્ત કરવી મુશ્કેલ હતી. તમને જણાવી દઈએ કે કેટરિના કૈફ અને વિકી કૌશલે 9 ડિસેમ્બર, 2021ના રોજ લગ્ન કર્યા હતા. વર્ષ 2025માં આ કપલે પોતાના દીકરાનું સ્વાગત કર્યું હતું.

કેટરિનાની આ વાત ફરી એકવાર એ મુદ્દાને ચર્ચામાં લાવી છે કે માતા બન્યા પછી મહિલાના શરીરમાં થતા ફેરફારોને લઈને કોમેન્ટ કરવાને બદલે તેમની લાગણીઓ અને અનુભવોનું સન્માન કરવું જોઈએ.

આ પણ વાંચો: Operation Sindoor: ઓપરેશન સિંદૂર ફિલ્મમાં કાર્તિક આર્યનની એન્ટ્રી? વિવેક અગ્નિહોત્રી કરશે કામ!